yaMtroddhArakahanumatsotram
|| atha yaMtroddhArakahanumatsotram ||
namAmi dUtaM rAmasya sukhadaMcha suradrumam |
pInavRRittamahAbAhuM sarvashatrunivAraNam 	||1||
nAnAratnasamAyuktakuMDalAdivirAjitam |
sarvadAbhIShTadAtAraM satAM vai dRRiDhamAhave 	||2||
vAsinaM chakratIrthasya dakShiNasthagirau sadA |
tuMgAMbhodhitaraMgasya vAtena parishobhite	||3||
nAnAdeshAgataiH sadbhiH sevyamAnaM nRRipottamaiH |
dhUpadIpAdinaivedyaiH paMchakhAdyaishcha bhaktitaH (shaktitaH)	||4||
vrajAmi (bhajAmi) shrIhanUmaMtaM hemakAMtisamaprabham |
vyAsatIrthayatIMdreNa pUjitaMcha vidhAnataH	||5||
trivAraM yaH paThennityaM stotraM bhaktyA dvijottamaH |
vAMChitaM labhate.abhIShTaM ShaNmAsAbhyantare khalu	||6||
putrArthI labhate putraM yasho.arthI labhate yashaH |
vidyArthI labhate vidyAM dhanArthI labhate dhanam	||7||
sarvathA mA.astu saMdeho hariH sAkShI jagatpatiH |
yaH karotyatra saMdehaM sa yAti narakaM dhruvam	||8||
|| iti shrIvyAsatIrthavirachitaM yaMtroddhArakahanumatstotram ||