॥ అథ యంత్రోద్ధారకహనుమత్సోత్రమ్ ॥

నమామి దూతం రామస్య సుఖదంచ సురద్రుమమ్ ।
పీనవృత్తమహాబాహుం సర్వశత్రునివారణమ్ ॥౧॥

నానారత్నసమాయుక్తకుండలాదివిరాజితమ్ ।
సర్వదాభీష్టదాతారం సతాం వై దృఢమాహవే ॥౨॥

వాసినం చక్రతీర్థస్య దక్షిణస్థగిరౌ సదా ।
తుంగాంభోధితరంగస్య వాతేన పరిశోభితే ॥౩॥

నానాదేశాగతైః సద్భిః సేవ్యమానం నృపోత్తమైః ।
ధూపదీపాదినైవేద్యైః పంచఖాద్యైశ్చ భక్తితః (శక్తితః) ॥౪॥

వ్రజామి (భజామి) శ్రీహనూమంతం హేమకాంతిసమప్రభమ్ ।
వ్యాసతీర్థయతీంద్రేణ పూజితంచ విధానతః ॥౫॥

త్రివారం యః పఠేన్నిత్యం స్తోత్రం భక్త్యా ద్విజోత్తమః ।
వాంఛితం లభతేఽభీష్టం షణ్మాసాభ్యన్తరే ఖలు ॥౬॥

పుత్రార్థీ లభతే పుత్రం యశోఽర్థీ లభతే యశః ।
విద్యార్థీ లభతే విద్యాం ధనార్థీ లభతే ధనమ్ ॥౭॥

సర్వథా మాఽస్తు సందేహో హరిః సాక్షీ జగత్పతిః ।
యః కరోత్యత్ర సందేహం స యాతి నరకం ధ్రువమ్ ॥౮॥

॥ ఇతి శ్రీవ్యాసతీర్థవిరచితం యంత్రోద్ధారకహనుమత్స్తోత్రమ్ ॥