ஸ்ரீவ்யாஸராஜஸ்தோத்ரம்ʼ
அத² ஸ்ரீவ்யாஸராஜஸ்தோத்ரம்ʼ
வந்தே³ முகுந்த³மரவிந்த³ப⁴வாதி³வந்த்³யம்ʼ
இந்தி³ந்தி³ராவ்ரததிமேசகமாகடாக்ஷை​: |  
ப³ந்தீ³க்ருʼதானAனமமந்த³மதிம்ʼ வித³த்⁴யாத் 
ஆனந்த³தீர்த²ஹ்ருʼத³யாம்பு³ஜமத்தப்⁴ருʼங்க³​: ||1||
ஸ்ரீவ்யாஸயோகீ³ ஹரிபாத³ராகீ³ 
ப⁴க்தாதிபூகீ³ ஹிதத³க்ஷஸத்³கீ³​: |  
த்யாகீ³ விராகீ³ விஷயேஷு போ⁴கீ³ 
முக்தௌ ஸதா³ கீ³தஸுரேந்த்³ரஸங்கீ³ ||2||
லக்ஷ்மீஸ²பாதா³ம்பு³ஜமத்தப்⁴ருʼங்க³: 
ஸதா³ த³ஸ²ப்ரஜ்ஞனயப்ரஸங்க³: |  
அத்³வைதவாதே³ க்ருʼதமூலப⁴ங்கோ³ 
மஹாவ்ரதீஸோ² விஷயேஷ்வஸங்க³: ||3||
ஸதா³ ஸதா³யத்தமஹானுபா⁴வோ 
ப⁴க்தாக⁴தூலோச்சயதீவ்ரதா³வ: |  
தௌ³ர்ஜன்யவித்⁴வம்ʼஸனத³க்ஷராவ: 
ஸி²ஷ்யேஷு யோ யச்ச²தி தி³வ்யகா³வ: ||4||
அத்³வைததா³வானலகாலமேகோ⁴ 
ரமாரமஸ்னேஹவிதா³ரிதாக⁴: |  
வாக்³வைக²ரீனிர்ஜிதஸம்ʼஸ²யௌகோ⁴ 
மாயாமதவ்ராதஹிமே நிதா³க⁴: ||5||
மத்⁴வஸித்³தா⁴ந்தது³க்³தா⁴ப்³தி⁴வ்ருʼத்³தி⁴பூர்ணகலாத⁴ர: |  
வ்யாஸராஜயதீந்த்³ரோ மே பூ⁴யாதீ³ப்ஸிதஸித்³த⁴யே ||6||
யன்னாமக்³ரஹணாதே³வ பாபராஸி²: பலாயதே |  
ஸோ(அ)யம்ʼ ஸ்ரீவ்யாஸயோகீ³ந்த்³ரோ நிஹந்து து³ரிதானி ந: ||7||
யன்ம்ருʼத்திகாத³ர்ஸ²னமாத்ரபீ⁴த: 
க்வசித் பிஸா²சஸ்தத³னுவ்ரதேப்⁴ய: |  
த³த்வா த⁴னம்ʼ வாஞ்சி²தமாப தஸ்ய 
தைர்மார்ஜிதாயாமசிரேண முக்திம்ʼ ||8||
யத்காஸி²னாஸிகாமுக்தஜலாக்தஸ்²சகிதாந்தர: |  
வ்யாக்⁴ரோ மஹானபி ஸ்ப்ரஷ்டும்ʼ நாஸ²கத் தமிஹாஸ்²ரயே ||9||
த்³வாத்ரிம்ʼஸ²த்ஸப்தஸ²தகமூர்தீர்ஹனூமத: ப்ரபோ⁴: |  
ப்ரதிஷ்டா²தா ஸ்ம்ருʼதிக்²யாதஸ்தம்ʼ ப⁴ஜே வ்யாஸயோகி³னம்ʼ ||10||
ஸீமானம்ʼ தத்ர தத்ரைத்ய க்ஷேத்ரேஷு ச மஹாமதி: |  
வ்யவஸ்தா²ப்யாத்ர மர்யாதா³ம்ʼ லப்³த⁴வாம்ʼஸ்தமிஹாஸ்²ரயே ||11||
மத்⁴வதே³ஸி²கஸித்³தா⁴ந்தப்ரவர்தகஸி²ரோமணி: |  
ஸோ(அ)யம்ʼ ஸ்ரீவ்யாஸயோகீ³ந்த்³ரோ பூ⁴யாதீ³ப்ஸிதஸித்³த⁴யே ||12||
பூ⁴தப்ரேதபிஸா²சாத்³யா யஸ்ய ஸ்மரணமாத்ரத: |  
பலாயந்தே ஸ்ரீன்ருʼஸிம்ʼஹஸ்தா²னம்ʼ தமஹமாஸ்²ரயே ||13||
வாதஜ்வராதி³ரோகா³ஸ்²ச ப⁴க்த்யா யமுபஸேவத: |  
த்³ருʼட⁴வ்ரதஸ்ய நஸ்²யந்தி பிஸா²சாஸ்²ச தமாஸ்²ரயே ||14||
தாரபூர்வம்ʼ பி³ந்து³யுக்தம்ʼ ப்ரத²மாக்ஷரபூர்வகம்ʼ |  
சதுர்த்²யந்தம்ʼ ச தன்னாம நம:ஸ²ப்³த³விபூ⁴ஷிதம்ʼ ||15||
பாட²யந்தம்ʼ மாத்⁴வனயம்ʼ மேக⁴க³ம்பீ⁴ரயா கி³ரா |  
த்⁴யாயன்னாவர்தயேத்³யஸ்து ப⁴க்த்யா மேதா⁴ம்ʼ ஸ விந்த³தி ||16||
ரத்னஸிம்ʼஹாஸனாரூட⁴ம்ʼ சாமரைரபி⁴வீஜதம்ʼ |  
த்⁴யாயன்னாவர்தயேத்³யஸ்து மஹதீம்ʼ ஸ்²ரியமாப்னுயாத் ||17||
ப்ரஹ்லாத³ஸ்யாவதாரோ(அ)ஸாவஹீந்த்³ரானுப்ரவேஸ²வான் |  
தேன தத்ஸேவினாம்ʼ ந்ரூʼணாம்ʼ ஸர்வமேதத்³ ப⁴வேத்³ த்⁴ருவம்ʼ ||18||
நமோ வ்யாஸமுனீந்த்³ராய ப⁴க்தாபீ⁴ஷ்டப்ரதா³யினே |  
நமதாம்ʼ கல்பதரவே ப⁴ஜதாம்ʼ காமதே⁴னவே ||19||
வ்யாஸராஜகு³ரோ மஹ்யம்ʼ த்வத்பதா³ம்பு³ஜஸேவனாத் |  
து³ரிதானி வினஸ்²யந்து யச்ச² ஸீ²க்⁴ரம்ʼ மனோரதா²ன் ||20||
யோ வ்யாஸத்ரயஸஞ்ஜ்ஞகான் த்³ருʼட⁴தரான் மத்⁴வார்யஸா²ஸ்த்ரார்த²கான் |  
ரக்ஷத்³வஜ்ரஸி²லாக்ருʼதீன் ப³ஹுமதான் க்ருʼத்வா பரைர்து³ஸ்தரான் ||21||
ப்ராயச்ச²ன்னிஜபாத³யுக்³மஸரஸீஜாஸக்தன்ரூʼணாம்ʼ முதா³ |  
ஸோ(அ)யம்ʼ வ்யாஸமுனீஸ்²வரோ மம ப⁴வேத் தாபத்ரயக்ஷாந்தயே ||22||
மத்⁴வப⁴க்தோ வ்யாஸஸி²ஷ்யபூர்ணப்ரஜ்ஞமதானுக³: |  
வ்யாஸராஜமுனிஸ்²ரேஷ்ட²: பாது ந: க்ருʼபயா கு³ரு: ||23||
வ்யாஸராஜ வ்யாஸராஜ இதி ப⁴க்த்யா ஸதா³ ஜபன் |  
முச்யதே ஸர்வது³:கே²ப்⁴யஸ்தத³ந்தர்யாமிணோ ப³லாத் ||24||
ஸ்துவன்னனேன மந்த்ரேண வ்யாஸராஜாய தீ⁴மதே |  
அபி⁴ஷேகார்சனாதீ³ன் ய: குருதே ஸ ஹி முக்திபா⁴க் ||25||
கு³ருப⁴க்த்யா ப⁴வேத்³விஷ்ணுப⁴க்திரவ்யபி⁴சாரிணீ |  
தயா ஸர்வம்ʼ லபே⁴த்³தீ⁴மாம்ʼஸ்தஸ்மாதே³தத் ஸதா³ படே²த் ||26||
||இதி ஸ்ரீவிஜயீந்த்³ரதீர்த²விரசிதம்ʼ ஸ்ரீவ்யாஸராஜஸ்தோத்ரம்ʼ ||