శ్రీ విఠ్ఠలప్రాతః స్తోత్రం
ప్రాతః స్మరామి కటిసంస్థితపాణిపద్మం
శ్రీవిఠ్ఠలం కమలపత్రవిశాలనేత్రం |
భీమాతటే సుముదితం సుమునీంద్రవంద్యం
శ్రీరుగ్మిణీసహకృతిం గరుడాద్గృణీతం ||1||

ప్రాతర్నమామి సమసంస్థితపాదపద్మం
శ్రీపంఢరీశమహిరాజణాతపత్రం |
సౌవర్ణకుండలకిరీటవిరాజమానం
పీతాంబరం జలనిధిప్రముదారహాసం ||2||

ప్రాతర్భజామి పితృభక్తిపరద్విజార్య-
సంరక్షకం తు కథితం మునినారదేన |
వైకుంఠసత్క్షితితలే ధృవమాగతేన
శ్రీచంద్రహాససమరైః సహ చంద్రభాగః ||3||

శ్లోకత్రయం పఠేన్నిత్యం భీమాతీరనివాసినః |
న తేషాం జాయతే దుఃఖం యావత్ తపతి భాస్కరః ||4||

|| ఇతి శ్రీపద్మపురాణే నారదవసిష్ఠసంవాదే శ్రీవిఠ్ఠలప్రాతఃస్తోత్రం ||