śrīviṣṇoḥ aṣṭāviṁśatināmastotram 
atha śrīviṣṇoḥ aṣṭāviṁśatināmastotram 
arjuna uvāca 
kiṁ nu nāmasahasrāṇi japate ca punaḥ punaḥ |
yāni nāmāni divyāni tāni cācakṣva keśava ||1||
śrībhagavānuvāca 
matsyaṁ kūrmaṁ varāhaṁ ca vāmanaṁ ca janārdhanam |
goviṁdaṁ puṁḍarīkākṣaṁ mādhavaṁ madhusūdanam ||2||
padmanābhaṁ sahasrākṣaṁ vanamāliṁ halāyudham |
govardhanaṁ hṛṣīkeśaṁ vaikuṁṭhaṁ puruṣottamam ||3||
viśvarūpaṁ vāsudevaṁ rāmaṁ nārāyaṇaṁ harim |
dāmodaraṁ śrīdharaṁ ca vedāṁgaṁ garuḍadhvajam ||4||
anaṁtaṁ kṛṣṇagopālaṁ japato nāsti pātakam |
gavāṁ koṭipradānasya aśvamedhaśatasya ca ||5||
kanyādānasahasrāṇāṁ laṁ prāpnoti mānavaḥ |
amāyāṁ vā paurṇamāsyāmekādaśyāṁ tathaiva ca ||6||
saṁdhyākāle smarannityaṁ prātaḥkāle tathaiva ca |
madhyāhne ca japennityaṁ sarvapāpaiḥ pramucyate ||7||
|| iti śrīviṣṇoḥ aṣṭāviṁśatināmastotram ||