अथ श्रीविष्णोः अष्टाविंशतिनामस्तोत्रम्
अर्जुन उवाच
किं नु नामसहस्राणि जपते च पुनः पुनः |

यानि नामानि दिव्यानि तानि चाचक्ष्व केशव || १||

श्रीभगवानुवाच
मत्स्यं कूर्मं वराहं च वामनं च जनार्धनम् |

गोविंदं पुंडरीकाक्षं माधवं मधुसूदनम् || २||

पद्मनाभं सहस्राक्षं वनमालिं हलायुधम् |

गोवर्धनं हृषीकेशं वैकुंठं पुरुषोत्तमम् || ३||

विश्वरूपं वासुदेवं रामं नारायणं हरिम् |

दामोदरं श्रीधरं च वेदांगं गरुडध्वजम् || ४||

अनंतं कृष्णगोपालं जपतो नास्ति पातकम् |

गवां कोटिप्रदानस्य अश्वमेधशतस्य च || ५||

कन्यादानसहस्राणां लं प्राप्नोति मानवः |

अमायां वा पौर्णमास्यामेकादश्यां तथैव च || ६||

संध्याकाले स्मरन्नित्यं प्रातःकाले तथैव च |

मध्याह्ने च जपेन्नित्यं सर्वपापैः प्रमुच्यते || ७||

|| इति श्रीविष्णोः अष्टाविंशतिनामस्तोत्रम् ||