శ్రీవిజయధ్వజాష్టకం 
అథ శ్రీవిజయధ్వజాష్టకం 
అంజనాసూనుసాన్నిధ్యా-
ద్విజయేన విరాజితం | 
అజితప్రీతిజనకం 
భజేఽహం విజయధ్వజం || 1|| 
శ్రీవిజయధ్వజయోగియతీశం 
నౌమి నిరంతర మానమితాంగః | 
వాదిమదేభవిదారణదక్షం 
వ్యాకృతభాగవతం పరమాప్తం || 2|| 
జయవిజయౌ దండధరౌ భూయో 
భూయోఽభివాదయే మూర్ధ్నా | 
భగవతీ టీకా యాఽసౌ 
వర్ణ్యంతః ప్రవేష్టుమేతస్యాః || 3|| 
మధ్వాధోక్షజసంప్రదాయకమహా-
శాస్త్రార్థసంవ్యంజకః | 
శ్రీమద్భాగవతాంబుధౌ వ్యవహరన్ 
తాత్పర్యరత్నావలీం || 4|| 
దృష్ట్వా భాగవతార్థదీప్తపదకైః 
శ్రీకృష్ణపాదార్చనం | 
మాత్యాక్షీద్విజయధ్వజో భజమన 
స్తం కణ్వతీర్థస్థితం || 5|| 
యస్య వాక్కామధేనుర్నః 
కామితార్థాన్ ప్రయచ్ఛతి | 
భజే మహేంద్రసచ్ఛిష్యం 
యొగీంద్రం విజయధ్వజం || 6|| 
సర్వదుర్వాదిమాతంగ-
దలనే సింహవిక్రమం | 
వందే యతి కులాగ్రణ్యం 
యోగీంద్రం విజయధ్వజం || 7|| 
మధ్వారాధితసీతేత 
రామచంద్రపదాంబుజే | 
చంచరీకాయితం వందే 
యోగీంద్రం విజయధ్వజం || 8|| 
శ్రీమద్భాగవతాభిధానసురభి-
ర్యట్టీకయా వత్సయా | 
స్పృష్టాశ్లోకపయోధరైర్నిజమహా-
భావం పయః ప్రస్నుతే || 9|| 
లోకె సజ్జనతా సంప్రశమనా-
యోదీరితం సూరిభిః | 
శ్రీమంతం విజయధ్వజం మునివరం 
తం సన్నమామ్యన్వహం || 10|| 
||  ఇతి శ్రీవిశ్వపతితీర్థవిరచితం శ్రీవిజయధ్వజాష్టకం ||