श्रीविजयध्वजाष्टकम् 
अथ श्रीविजयध्वजाष्टकम् 
अंजनासूनुसान्निध्या-
द्विजयेन विराजितम् | 
अजितप्रीतिजनकं 
भजेऽहं विजयध्वजम् || १|| 
श्रीविजयध्वजयोगियतीशं 
नौमि निरंतर मानमितांगः | 
वादिमदेभविदारणदक्षं 
व्याकृतभागवतं परमाप्तम् || २|| 
जयविजयौ दंडधरौ भूयो 
भूयोऽभिवादये मूर्ध्ना | 
भगवती टीका याऽसौ 
वर्ण्यंतः प्रवेष्टुमेतस्याः || ३|| 
मध्वाधोक्षजसंप्रदायकमहा-
शास्त्रार्थसंव्यंजकः | 
श्रीमद्भागवतांबुधौ व्यवहरन् 
तात्पर्यरत्नावलीम् || ४|| 
दृष्ट्वा भागवतार्थदीप्तपदकैः 
श्रीकृष्णपादार्चनं | 
मात्याक्षीद्विजयध्वजो भजमन 
स्तं कण्वतीर्थस्थितम् || ५|| 
यस्य वाक्कामधेनुर्नः 
कामितार्थान् प्रयच्छति | 
भजे महेंद्रसच्छिष्यं 
यॊगींद्रं विजयध्वजम् || ६|| 
सर्वदुर्वादिमातंग-
दलने सिंहविक्रमम् | 
वंदे यति कुलाग्रण्यं 
योगींद्रं विजयध्वजम् || ७|| 
मध्वाराधितसीतेत 
रामचंद्रपदांबुजे | 
चंचरीकायितं वंदे 
योगींद्रं विजयध्वजम् || ८|| 
श्रीमद्भागवताभिधानसुरभि-
र्यट्टीकया वत्सया | 
स्पृष्टाश्लोकपयोधरैर्निजमहा-
भावं पयः प्रस्नुते || ९|| 
लोकॆ सज्जनता संप्रशमना-
योदीरितं सूरिभिः | 
श्रीमंतं विजयध्वजं मुनिवरं 
तं सन्नमाम्यन्वहम् || १०|| 
||  इति श्रीविश्वपतितीर्थविरचितं श्रीविजयध्वजाष्टकम् ||