ಅಥ ಶ್ರೀವಿಜಯಧ್ವಜಾಷ್ಟಕಮ್
ಅಂಜನಾಸೂನುಸಾನ್ನಿಧ್ಯಾ-
ದ್ವಿಜಯೇನ ವಿರಾಜಿತಮ್ |

ಅಜಿತಪ್ರೀತಿಜನಕಂ
ಭಜೇಽಹಂ ವಿಜಯಧ್ವಜಮ್ ||1||

ಶ್ರೀವಿಜಯಧ್ವಜಯೋಗಿಯತೀಶಂ
ನೌಮಿ ನಿರಂತರ ಮಾನಮಿತಾಂಗಃ |

ವಾದಿಮದೇಭವಿದಾರಣದಕ್ಷಂ
ವ್ಯಾಕೃತಭಾಗವತಂ ಪರಮಾಪ್ತಮ್ ||2||

ಜಯವಿಜಯೌ ದಂಡಧರೌ ಭೂಯೋ
ಭೂಯೋಽಭಿವಾದಯೇ ಮೂರ್ಧ್ನಾ |

ಭಗವತೀ ಟೀಕಾ ಯಾಽಸೌ
ವರ್ಣ್ಯಂತಃ ಪ್ರವೇಷ್ಟುಮೇತಸ್ಯಾಃ ||3||

ಮಧ್ವಾಧೋಕ್ಷಜಸಂಪ್ರದಾಯಕಮಹಾ-
ಶಾಸ್ತ್ರಾರ್ಥಸಂವ್ಯಂಜಕಃ |

ಶ್ರೀಮದ್ಭಾಗವತಾಂಬುಧೌ ವ್ಯವಹರನ್
ತಾತ್ಪರ್ಯರತ್ನಾವಲೀಮ್ ||4||

ದೃಷ್ಟ್ವಾ ಭಾಗವತಾರ್ಥದೀಪ್ತಪದಕೈಃ
ಶ್ರೀಕೃಷ್ಣಪಾದಾರ್ಚನಂ |

ಮಾತ್ಯಾಕ್ಷೀದ್ವಿಜಯಧ್ವಜೋ ಭಜಮನ
ಸ್ತಂ ಕಣ್ವತೀರ್ಥಸ್ಥಿತಮ್ ||5||

ಯಸ್ಯ ವಾಕ್ಕಾಮಧೇನುರ್ನಃ
ಕಾಮಿತಾರ್ಥಾನ್ ಪ್ರಯಚ್ಛತಿ |

ಭಜೇ ಮಹೇಂದ್ರಸಚ್ಛಿಷ್ಯಂ
ಯೊಗೀಂದ್ರಂ ವಿಜಯಧ್ವಜಮ್ ||6||

ಸರ್ವದುರ್ವಾದಿಮಾತಂಗ-
ದಲನೇ ಸಿಂಹವಿಕ್ರಮಮ್ |

ವಂದೇ ಯತಿ ಕುಲಾಗ್ರಣ್ಯಂ
ಯೋಗೀಂದ್ರಂ ವಿಜಯಧ್ವಜಮ್ ||7||

ಮಧ್ವಾರಾಧಿತಸೀತೇತ
ರಾಮಚಂದ್ರಪದಾಂಬುಜೇ |

ಚಂಚರೀಕಾಯಿತಂ ವಂದೇ
ಯೋಗೀಂದ್ರಂ ವಿಜಯಧ್ವಜಮ್ ||8||

ಶ್ರೀಮದ್ಭಾಗವತಾಭಿಧಾನಸುರಭಿ-
ರ್ಯಟ್ಟೀಕಯಾ ವತ್ಸಯಾ |

ಸ್ಪೃಷ್ಟಾಶ್ಲೋಕಪಯೋಧರೈರ್ನಿಜಮಹಾ-
ಭಾವಂ ಪಯಃ ಪ್ರಸ್ನುತೇ ||9||

ಲೋಕೆ ಸಜ್ಜನತಾ ಸಂಪ್ರಶಮನಾ-
ಯೋದೀರಿತಂ ಸೂರಿಭಿಃ |

ಶ್ರೀಮಂತಂ ವಿಜಯಧ್ವಜಂ ಮುನಿವರಂ
ತಂ ಸನ್ನಮಾಮ್ಯನ್ವಹಮ್ ||10||

|| ಇತಿ ಶ್ರೀವಿಶ್ವಪತಿತೀರ್ಥವಿರಚಿತಂ ಶ್ರೀವಿಜಯಧ್ವಜಾಷ್ಟಕಮ್ ||