atha śrīvijayadhvajāṣṭakam
aṁjanāsūnusānnidhyā-
dvijayena virājitam |

ajitaprītijanakaṁ
bhaje'haṁ vijayadhvajam ||1||

śrīvijayadhvajayogiyatīśaṁ
naumi niraṁtara mānamitāṁgaḥ |

vādimadebhavidāraṇadakṣaṁ
vyākṛtabhāgavataṁ paramāptam ||2||

jayavijayau daṁḍadharau bhūyo
bhūyo'bhivādaye mūrdhnā |

bhagavatī ṭīkā yā'sau
varṇyaṁtaḥ praveṣṭumetasyāḥ ||3||

madhvādhokṣajasaṁpradāyakamahā-
śāstrārthasaṁvyaṁjakaḥ |

śrīmadbhāgavatāṁbudhau vyavaharan
tātparyaratnāvalīm ||4||

dṛṣṭvā bhāgavatārthadīptapadakaiḥ
śrīkṛṣṇapādārcanaṁ |

mātyākṣīdvijayadhvajo bhajamana
staṁ kaṇvatīrthasthitam ||5||

yasya vākkāmadhenurnaḥ
kāmitārthān prayacchati |

bhaje maheṁdrasacchiṣyaṁ
yŏgīṁdraṁ vijayadhvajam ||6||

sarvadurvādimātaṁga-
dalane siṁhavikramam |

vaṁde yati kulāgraṇyaṁ
yogīṁdraṁ vijayadhvajam ||7||

madhvārādhitasīteta
rāmacaṁdrapadāṁbuje |

caṁcarīkāyitaṁ vaṁde
yogīṁdraṁ vijayadhvajam ||8||

śrīmadbhāgavatābhidhānasurabhi-
ryaṭṭīkayā vatsayā |

spṛṣṭāślokapayodharairnijamahā-
bhāvaṁ payaḥ prasnute ||9||

lokĕ sajjanatā saṁpraśamanā-
yodīritaṁ sūribhiḥ |

śrīmaṁtaṁ vijayadhvajaṁ munivaraṁ
taṁ sannamāmyanvaham ||10||

|| iti śrīviśvapatitīrthaviracitaṁ śrīvijayadhvajāṣṭakam ||