శ్రీవేంకటేశద్వాదశనామస్తోత్రం 
అథ శ్రీవేంకటేశద్వాదశనామస్తోత్రం 
శ్రీవేంకటేశమతిసుందరమోహనాంగం 
శ్రీభూమికాంతమరవిందదలాయతాక్షం | 
ప్రాణప్రియం పరమకారుణికాంబురాశిం 
బ్రహ్మేశవంద్యమమృతం వరదం నమామి || 1|| 
అఖిలవిబుధవంద్యం విశ్వరూపం సురేశం
అభయవరదహస్తం కంజజాక్షం రమేశం | 
జలధరనిభకాంతిం శ్రీమహీభ్యాం సమేతం 
పరమపురుషమాద్యం వేంకటేశం నమామి || 2|| 
వేంకటేశో వాసుదేవో వారిజాసనవందితః | 
స్వామిపుష్కరిణీవాసః శంఖచక్రగధాధరః  || 3|| 
పీతాంబరధరో దేవో గరూడారూఢశోభితః | 
విశ్వాత్మా విశ్వలోకేశో విజయో వేంకటేశ్వరః || 4|| 
ఏతద్ద్వాదశనామాని త్రిసంధ్యం యః పఠేన్నరః | 
సర్వపాపవినిర్ముక్తో విష్ణోః సాయుజ్యమాప్నుయాత్ || 5|| 
||  ఇతి  శ్రీవేంకటేశద్వాదశనామస్తోత్రం ||