ஸ்ரீவேங்கடேஸ²த்³வாத³ஸ²னாமஸ்தோத்ரம் 
அத² ஸ்ரீவேங்கடேஸ²த்³வாத³ஸ²னாமஸ்தோத்ரம் 
ஸ்ரீவேங்கடேஸ²மதிஸுந்த³ரமோஹனாங்க³ம்ʼ 
ஸ்ரீபூ⁴மிகாந்தமரவிந்த³த³லாயதாக்ஷம் | 
ப்ராணப்ரியம்ʼ பரமகாருணிகாம்பு³ராஸி²ம்ʼ 
ப்³ரஹ்மேஸ²வந்த்³யமம்ருʼதம்ʼ வரத³ம்ʼ நமாமி || 1|| 
அகி²லவிபு³த⁴வந்த்³யம்ʼ விஸ்²வரூபம்ʼ ஸுரேஸ²ம்ʼ
அப⁴யவரத³ஹஸ்தம்ʼ கஞ்ஜஜாக்ஷம்ʼ ரமேஸ²ம் | 
ஜலத⁴ரனிப⁴காந்திம்ʼ ஸ்ரீமஹீப்⁴யாம்ʼ ஸமேதம்ʼ 
பரமபுருஷமாத்³யம்ʼ வேங்கடேஸ²ம்ʼ நமாமி || 2|| 
வேங்கடேஸோ² வாஸுதே³வோ வாரிஜாஸனவந்தி³த​: | 
ஸ்வாமிபுஷ்கரிணீவாஸ​: ஸ²ங்க²சக்ரக³தா⁴த⁴ர​:  || 3|| 
பீதாம்ப³ரத⁴ரோ தே³வோ க³ரூடா³ரூட⁴ஸோ²பி⁴த​: | 
விஸ்²வாத்மா விஸ்²வலோகேஸோ² விஜயோ வேங்கடேஸ்²வர​: || 4|| 
ஏதத்³த்³வாத³ஸ²னாமானி த்ரிஸந்த்⁴யம்ʼ ய​: படே²ன்னர​: | 
ஸர்வபாபவினிர்முக்தோ விஷ்ணோ​: ஸாயுஜ்யமாப்னுயாத் || 5|| 
||  இதி  ஸ்ரீவேங்கடேஸ²த்³வாத³ஸ²னாமஸ்தோத்ரம் ||