śrīveṁkaṭeśadvādaśanāmastotram
atha śrīveṁkaṭeśadvādaśanāmastotram 
śrīveṁkaṭeśamatisuṁdaramohanāṁgaṁ 
śrībhūmikāṁtamaraviṁdadalāyatākṣam |
prāṇapriyaṁ paramakāruṇikāṁburāśiṁ 
brahmeśavaṁdyamamṛtaṁ varadaṁ namāmi ||1||
akhilavibudhavaṁdyaṁ viśvarūpaṁ sureśaṁ
abhayavaradahastaṁ kaṁjajākṣaṁ rameśam |
jaladharanibhakāṁtiṁ śrīmahībhyāṁ sametaṁ 
paramapuruṣamādyaṁ veṁkaṭeśaṁ namāmi ||2||
veṁkaṭeśo vāsudevo vārijāsanavaṁditaḥ |
svāmipuṣkariṇīvāsaḥ śaṁkhacakragadhādharaḥ  ||3||
pītāṁbaradharo devo garūḍārūḍhaśobhitaḥ |
viśvātmā viśvalokeśo vijayo veṁkaṭeśvaraḥ ||4||
etaddvādaśanāmāni trisaṁdhyaṁ yaḥ paṭhennaraḥ |
sarvapāpavinirmukto viṣṇoḥ sāyujyamāpnuyāt ||5||
|| iti  śrīveṁkaṭeśadvādaśanāmastotram ||