अथ श्रीवेंकटेशद्वादशनामस्तोत्रम्
श्रीवेंकटेशमतिसुंदरमोहनांगं
श्रीभूमिकांतमरविंददलायताक्षम् |

प्राणप्रियं परमकारुणिकांबुराशिं
ब्रह्मेशवंद्यममृतं वरदं नमामि || १||

अखिलविबुधवंद्यं विश्वरूपं सुरेशं
अभयवरदहस्तं कंजजाक्षं रमेशम् |

जलधरनिभकांतिं श्रीमहीभ्यां समेतं
परमपुरुषमाद्यं वेंकटेशं नमामि || २||

वेंकटेशो वासुदेवो वारिजासनवंदितः |

स्वामिपुष्करिणीवासः शंखचक्रगधाधरः || ३||

पीतांबरधरो देवो गरूडारूढशोभितः |

विश्वात्मा विश्वलोकेशो विजयो वेंकटेश्वरः || ४||

एतद्द्वादशनामानि त्रिसंध्यं यः पठेन्नरः |

सर्वपापविनिर्मुक्तो विष्णोः सायुज्यमाप्नुयात् || ५||

|| इति श्रीवेंकटेशद्वादशनामस्तोत्रम् ||