వేంకటేశస్తోత్రమ్
॥ అథ వేంకటేశస్తోత్రమ్ ॥
వేంకటేశో వాసుదేవః ప్రద్యుమ్నోఽమితవిక్రమః । 
సంకర్షణోఽనిరుద్ధశ్చ శేషాద్రిపతిరేవ చ  ॥౧॥ 
జనార్దనః పద్మనాభో వేంకటాచలవాసనః । 
సృష్టికర్తా జగన్నాథో మాధవో భక్తవత్సలః ॥౨॥ 
గోవిందో గోపతిః కృష్ణః కేశవో గరుడధ్వజః । 
వరాహో వామనశ్చైవ నారాయణ అధోక్షజః  ॥౩॥ 
శ్రీధరః పుండరీకాక్షః సర్వదేవస్తుతో హరిః । 
శ్రీనృసింహో మహాసింహః సూత్రాకారః పురాతనః ॥౪॥ 
రమానాథో మహీభర్తా భూధరః పురుషోత్తమః । 
చోలపుత్రప్రియః శాంతో బ్రహ్మాదీనాం వరప్రదః  ॥౫॥ 
శ్రీనిధిః సర్వభూతానాం భయకృద్భయనాశనః । 
శ్రీరామో రామభద్రశ్చ భవబంధైకమోచకః  ॥౬॥ 
భూతావాసో గిరావాసః శ్రీనివాసః శ్రియఃపతిః । 
అచ్యుతానంతగోవిందో విష్ణుర్వేంకటనాయకః  ॥౭॥ 
సర్వదైవైకశరణం సర్వదేవైకదైవతమ్ । 
సమస్తదేవకవచం సర్వదేవశిఖామణిః  ॥౮॥ 
ఇతీదం కీర్తితం యస్య విష్ణోరమితతేజసః । 
త్రికాలే యః పఠేన్నిత్యం పాపం తస్య న విద్యతే  ॥౯॥ 
రాజద్వారే పఠేద్ ఘోరే సంగ్రామే రిపుసంకటే । 
భూతసర్పపిశాచాదిభయం నాస్తి కదాచన  ॥౧౦॥ 
అపుత్రో లభతే పుత్రాన్ నిర్ధనో ధనవాన్ భవేత్ । 
రోగార్తో ముచ్యతే రోగాద్ బద్ధో ముచ్యేత బంధనాత్  ॥౧౧॥ 
యద్యదిష్టతమం లోకే తత్ తత్ ప్రాప్నోత్యసంశయః । 
ఐశ్వర్యం రాజసన్మానం భక్తిముక్తిఫలప్రదమ్  ॥౧౨॥ 
విష్ణోర్లోకైకసోపానం సర్వదుఖైఃకనాశనమ్ । 
సర్వైశ్వర్యప్రదం నౄణాం సర్వమంగలకారకమ్  ॥౧౩॥ 
మాయావీ పరమానందం త్యక్త్వా వైకుంఠముత్తమమ్ । 
స్వామిపుష్కరణీతీరే రమయా సహ మోదతే  ॥౧౪॥ 
కల్యాణాద్భుతగాత్రాయ కామితార్థప్రదాయినే । 
శ్రీమద్వేంకటనాథాయ శ్రీనివాసాయ తే నమః  ॥౧౫॥ 
వేంకటాద్రిసమం స్థానం బ్రహ్మాండే నాస్తి కించన । 
వేంకటేశసమో దేవో న భూతో న భవిష్యతి ।
ఏతేన సత్యవాక్యేన సర్వార్థాన్ సాధయామ్యహమ్  ॥౧౬॥ 
॥ ఇతి శ్రీబ్రహ్మాండపురాణే బ్రహ్మనారదసంవాదే శ్రీవేంకటగిరిమాహాత్మే శ్రీవేంకటేశస్తోత్రమ్ ॥