વેંકટેશસ્તોત્રમ્
॥ અથ વેંકટેશસ્તોત્રમ્ ॥
વેંકટેશો વાસુદેવઃ પ્રદ્યુમ્નોઽમિતવિક્રમઃ । 
સંકર્ષણોઽનિરુદ્ધશ્ચ શેષાદ્રિપતિરેવ ચ  ॥૧॥ 
જનાર્દનઃ પદ્મનાભો વેંકટાચલવાસનઃ । 
સૃષ્ટિકર્તા જગન્નાથો માધવો ભક્તવત્સલઃ ॥૨॥ 
ગોવિંદો ગોપતિઃ કૃષ્ણઃ કેશવો ગરુડધ્વજઃ । 
વરાહો વામનશ્ચૈવ નારાયણ અધોક્ષજઃ  ॥૩॥ 
શ્રીધરઃ પુંડરીકાક્ષઃ સર્વદેવસ્તુતો હરિઃ । 
શ્રીનૃસિંહો મહાસિંહઃ સૂત્રાકારઃ પુરાતનઃ ॥૪॥ 
રમાનાથો મહીભર્તા ભૂધરઃ પુરુષોત્તમઃ । 
ચોલપુત્રપ્રિયઃ શાંતો બ્રહ્માદીનાં વરપ્રદઃ  ॥૫॥ 
શ્રીનિધિઃ સર્વભૂતાનાં ભયકૃદ્ભયનાશનઃ । 
શ્રીરામો રામભદ્રશ્ચ ભવબંધૈકમોચકઃ  ॥૬॥ 
ભૂતાવાસો ગિરાવાસઃ શ્રીનિવાસઃ શ્રિયઃપતિઃ । 
અચ્યુતાનંતગોવિંદો વિષ્ણુર્વેંકટનાયકઃ  ॥૭॥ 
સર્વદૈવૈકશરણં સર્વદેવૈકદૈવતમ્ । 
સમસ્તદેવકવચં સર્વદેવશિખામણિઃ  ॥૮॥ 
ઇતીદં કીર્તિતં યસ્ય વિષ્ણોરમિતતેજસઃ । 
ત્રિકાલે યઃ પઠેન્નિત્યં પાપં તસ્ય ન વિદ્યતે  ॥૯॥ 
રાજદ્વારે પઠેદ્ ઘોરે સંગ્રામે રિપુસંકટે । 
ભૂતસર્પપિશાચાદિભયં નાસ્તિ કદાચન  ॥૧૦॥ 
અપુત્રો લભતે પુત્રાન્ નિર્ધનો ધનવાન્ ભવેત્ । 
રોગાર્તો મુચ્યતે રોગાદ્ બદ્ધો મુચ્યેત બંધનાત્  ॥૧૧॥ 
યદ્યદિષ્ટતમં લોકે તત્ તત્ પ્રાપ્નોત્યસંશયઃ । 
ઐશ્વર્યં રાજસન્માનં ભક્તિમુક્તિફલપ્રદમ્  ॥૧૨॥ 
વિષ્ણોર્લોકૈકસોપાનં સર્વદુખૈઃકનાશનમ્ । 
સર્વૈશ્વર્યપ્રદં નૄણાં સર્વમંગલકારકમ્  ॥૧૩॥ 
માયાવી પરમાનંદં ત્યક્ત્વા વૈકુંઠમુત્તમમ્ । 
સ્વામિપુષ્કરણીતીરે રમયા સહ મોદતે  ॥૧૪॥ 
કલ્યાણાદ્ભુતગાત્રાય કામિતાર્થપ્રદાયિને । 
શ્રીમદ્વેંકટનાથાય શ્રીનિવાસાય તે નમઃ  ॥૧૫॥ 
વેંકટાદ્રિસમં સ્થાનં બ્રહ્માંડે નાસ્તિ કિંચન । 
વેંકટેશસમો દેવો ન ભૂતો ન ભવિષ્યતિ । 
એતેન સત્યવાક્યેન સર્વાર્થાન્ સાધયામ્યહમ્  ॥૧૬॥ 
॥ ઇતિ શ્રીબ્રહ્માંડપુરાણે બ્રહ્મનારદસંવાદે 
શ્રીવેંકટગિરિમાહાત્મે શ્રીવેંકટેશસ્તોત્રમ્ ॥