Venkateshastotram
atha veMkaTeshastotram
veMkaTesho vAsudevaH pradyumnosmitavikramaH |
saMkarShaNosniruddhashcha sheShAdripatireva cha	||1||
janArdanaH padmanAbho veMkaTAchalavAsanaH |
sRRiShTikartA jagannAtho mAdhavo bhaktavatsalaH	||2||
goviMdo gopatiH kRRiShNaH keshavo garuDadhvajaH |
varAho vAmanashchaiva nArAyaNa adhokShajaH 	||3|| 
shrIdharaH puMDarIkAkShaH sarvadevastuto hariH |
shrInRRisiMho mahAsiMhaH sUtrAkAraH purAtanaH	||4||
ramAnAtho mahIbhartA bhUdharaH puruShottamaH |
cholaputrapriyaH shAMto brahmAdInAM varapradaH 	||5||
shrInidhiH sarvabhUtAnAM bhayakRRidbhayanAshanaH |
shrIrAmo rAmabhadrashcha bhavabaMdhaikamochakaH 	||6||
bhUtAvAso girAvAsaH shrInivAsaH shriyaHpatiH |
achyutAnaMtagoviMdo viShNurveMkaTanAyakaH 	||7||
sarvadaivaikasharaNaM sarvadevaikadaivatam |
samastadevakavachaM sarvadevashikhAmaNiH 	||8||
itIdaM kIrtitaM yasya viShNoramitatejasaH |
trikAle yaH paThennityaM pApaM tasya na vidyate 	||9||
rAjadvAre paThed ghore saMgrAme ripusaMkaTe |
bhUtasarpapishAchAdibhayaM nAsti kadAchana 	||10||
aputro labhate putrAn nirdhano dhanavAn bhavet |
rogArto muchyate rogAd baddho muchyeta baMdhanAt 	||11||
yadyadiShTatamaM loke tat tat prApnotyasaMshayaH |
aishvaryaM rAjasanmAnaM bhuktimuktiphalapradam 	||12||
viShNorlokaikasopAnaM sarvadukhaiHkanAshanam |
sarvaishvaryapradaM nRRiNAM sarvamaMgalakArakam 	||13||
mAyAvI paramAnaMdaM tyaktvA vaikuMThamuttamam |
svAmipuShkaraNItIre ramayA saha modate 	||14||
kalyANAdbhutagAtrAya kAmitArthapradAyine |
shrImadveMkaTanAthAya shrInivAsAya te namaH 	||15||
veMkaTAdrisamaM sthAnaM brahmAMDe nAsti kiMchana |
veMkaTeshasamo devo na bhUto na bhaviShyati ||
etena satyavAkyena sarvArthAn sAdhayAmyaham 	||16||
|| iti shrIbrahmAMDapurANe brahmanAradasaMvAde shrIveMkaTeshastotram ||