శ్రీవేంకటేశాష్టకం
అథ శ్రీవేంకటేశాష్టకం
ముఖే చారు హాసం కరే శంఖచక్రం
గలే రత్నమాలా స్వయం మేఘవర్ణం |
కటౌ దివ్యవస్త్రం ప్రియం రక్తవర్ణం
ధరంతం మురారిం భజే వేంకటేశం ||1||
సదాభీష్టహస్తం ముదా జానుపాణిం
లసన్మేఖలారత్నశోభాప్రకాశం | 
జగత్పావనం పాదపద్మారసాలం
ధరంతం మురారిం భజే వేంకటేశం ||2||
అజం నిర్మలం నిత్యమానందరూపం
జగత్కారణం సర్వవేదాంతవేద్యం  |
విభుం వామనం సత్యమానందరూపం
ధరంతం మురారిం భజే వేంకటేశం ||3||
శ్రీయాధివేష్టితం వామవక్షఃస్థలాంగం
సురైర్వందితం బ్రహ్మరుద్రాదిభిస్తం |
సురస్వామినం లోకలీలావతారం
ధరంతం మురారిం భజే వేంకటేశం ||4||
మహాయోగగమ్యం పరిభ్రాజమాం
విదం విశ్వరూపం మహేశం సురేశం |
అహో బుద్ధరూపం మహాబోధగమ్యం
ధరంతం మురారిం భజే వేంకటేశం ||5||
అహో మత్స్యరూపం తథా కూర్మరూపం
తథా క్రోడరూపం మహానారసింహం | 
అహో కుబ్జరూపం ప్రియం జామదగ్న్యం
ధరంతం మురారిం భజే వేంకటేశం ||6||
అహో బౌద్ధరూపం తథా కల్కిరూపం
ప్రియం శాశ్వతం లోకరక్షాకరం తం |
శుభం శంకరం వాస్తినిర్వాణరూపం
ధరంతం మురారిం భజే వేంకటేశం ||7||
జయతి జయతి రామో జానకీజీవహృద్యో 
జయతి జయతి కృష్ణః కామినీకేలిలోలః |
జయతి జయతి విష్ణుర్వాసుదేవో ముకుందో
జయతి జయతి దేవో వేంకటేశః సురేశః ||8||
|| ఇతి శ్రీబ్రహ్మాండపురాణే శ్రీవేంకటేశాష్టకం ||