śrīveṃkaṭeśāṣṭakam
atha śrīveṃkaṭeśāṣṭakam
mukhe cāru hāsaṃ kare śaṃkhacakraṃ
gale ratnamālā svayaṃ meghavarṇam |
kaṭau divyavastraṃ priyaṃ raktavarṇaṃ
dharaṃtaṃ murāriṃ bhaje veṃkaṭeśam ||1||
sadābhīṣṭahastaṃ mudā jānupāṇiṃ
lasanmekhalāratnaśobhāprakāśam | 
jagatpāvanaṃ pādapadmārasālaṃ
dharaṃtaṃ murāriṃ bhaje veṃkaṭeśam ||2||
ajaṃ nirmalaṃ nityamānaṃdarūpaṃ
jagatkāraṇaṃ sarvavedāṃtavedyam  |
vibhuṃ vāmanaṃ satyamānaṃdarūpaṃ
dharaṃtaṃ murāriṃ bhaje veṃkaṭeśam ||3||
śrīyādhiveṣṭitaṃ vāmavakṣaḥsthalāṃgaṃ
surairvaṃditaṃ brahmarudrādibhistam |
surasvāminaṃ lokalīlāvatāraṃ
dharaṃtaṃ murāriṃ bhaje veṃkaṭeśam ||4||
mahāyogagamyaṃ paribhrājamāṃ
vidaṃ viśvarūpaṃ maheśaṃ sureśam |
aho buddharūpaṃ mahābodhagamyaṃ
dharaṃtaṃ murāriṃ bhaje veṃkaṭeśam ||5||
aho matsyarūpaṃ tathā kūrmarūpaṃ
tathā kroḍarūpaṃ mahānārasiṃham | 
aho kubjarūpaṃ priyaṃ jāmadagnyaṃ
dharaṃtaṃ murāriṃ bhaje veṃkaṭeśam ||6||
aho bauddharūpaṃ tathā kalkirūpaṃ
priyaṃ śāśvataṃ lokarakṣākaraṃ tam |
śubhaṃ śaṃkaraṃ vāstinirvāṇarūpaṃ
dharaṃtaṃ murāriṃ bhaje veṃkaṭeśam ||7||
jayati jayati rāmo jānakījīvahṛdyo 
jayati jayati kṛṣṇaḥ kāminīkelilolaḥ |
jayati jayati viṣṇurvāsudevo mukuṃdo
jayati jayati devo veṃkaṭeśaḥ sureśaḥ ||8||
|| iti śrībrahmāṃḍapurāṇe śrīveṃkaṭeśāṣṭakam ||