ಶ್ರೀವೇಂಕಟೇಶ ಉಷಃಕಾಲಸ್ತೋತ್ರಮ್ 
ಅಥ ಶ್ರೀವೇಂಕಟೇಶ ಉಷಃಕಾಲಸ್ತೋತ್ರಮ್ 
ಪ್ರಾತಃ ಸ್ಮರಾಮ್ಯನುದಿನಂ ಹೃದಿ ವೇಂಕಟೇಶಂ
ಪಾದಾರವಿಂದಯುಗಲಂ ಮುನಿಭಿರ್ವಿಚಿಂತ್ಯಮ್ | 
ಬ್ರಹ್ಮಾದಿದೇವಗಣಸಿದ್ಧಿಕರಂ ಪರಂ ಚ
ಯೋಗೀಶ್ವರೈಃ ಸ್ವಹೃದಯೇ ಪರಿಭಾವಿತಂ ಚ ||1||
ಪ್ರಾತಃ ಸ್ವರಾಮ್ಯನುದಿನಂ  ಹೃದಿ ವೇಂಕಟೇಶಂ
ಕರ್ಣಾವಲಂಬಿಮಣಿಕುಂಡಲಮಂಡಿತಾಢ್ಯಮ್ |
ಭಕ್ತಾಭಯಂಕರಕರಂ ಜಘನೇ ದಧಾನಂ 
ಚಕ್ರಂ ದಧಾನಮಪರೇಣ ಪರೇಣ ಶಂಖಮ್ ||2||
ಪ್ರಾತರ್ಭಜಾಮ್ಯನುದಿನಂ ಹೃದಿ ವೇಂಕಟೇಶಂ
ಬಾಲಾರ್ಕಕೋಟಿಸಮದೀಧಿತಿಕಂ ಶರಣ್ಯಮ್ |
ಲಕ್ಷ್ಮೀಪತಿಂ ಗರುಡವಾಹನಮಬ್ಜನಾಭಂ
ಶ್ರೀಶೇಷಪರ್ವತವನೇ ಚ ಕೃತಾಧಿವಾಸಮ್ ||3||
ಶ್ರೀವೇಂಕಟಾಚಲಪತೇ ತವ ಪಾದಪದ್ಮ-
ಸೇವಾಂ ಸದಾ ದಿಶ ಕೃಪಾರಸವಿಶ್ವಪಾಲ |  
ಅದ್ಯಾಗತಾನಿ ದುರಿತಾನಿ ನಿರಸ್ಯ ದೇವ
ವಾಂಛಾಫಲಾನಿ ಸತತಂ ಮಮ ದೇಹಿ ದೇಹಿ ||4||
ಅಚ್ಯುತಾನಂತ ಗೋವಿಂದ ವಿಷ್ಣೋ ವೇಂಕಟನಾಯಕ |
ಪಾಹಿ ಮಾಂ ಪುಂಡೀಕಾಕ್ಷ ಶರಣಾಗತವತ್ಸಲ ||5||
|| ಇತಿ ಶ್ರೀಸ್ಕಂದಪುರಾಣೇ ಶ್ರೀವೇಂಕಟೇಶ ಉಷಃಕಾಲಸ್ತೋತ್ರಮ್ ||