śrīveṃkaṭeśa uṣaḥkālastotram 
atha śrīveṃkaṭeśa uṣaḥkālastotram 
prātaḥ smarāmyanudinaṃ hṛdi veṃkaṭeśaṃ
pādāraviṃdayugalaṃ munibhirviciṃtyam | 
brahmādidevagaṇasiddhikaraṃ paraṃ ca
yogīśvaraiḥ svahṛdaye paribhāvitaṃ ca ||1||
prātaḥ svarāmyanudinaṃ  hṛdi veṃkaṭeśaṃ
karṇāvalaṃbimaṇikuṃḍalamaṃḍitāḍhyam |
bhaktābhayaṃkarakaraṃ jaghane dadhānaṃ 
cakraṃ dadhānamapareṇa pareṇa śaṃkham ||2||
prātarbhajāmyanudinaṃ hṛdi veṃkaṭeśaṃ
bālārkakoṭisamadīdhitikaṃ śaraṇyam |
lakṣmīpatiṃ garuḍavāhanamabjanābhaṃ
śrīśeṣaparvatavane ca kṛtādhivāsam ||3||
śrīveṃkaṭācalapate tava pādapadma-
sevāṃ sadā diśa kṛpārasaviśvapāla |  
adyāgatāni duritāni nirasya deva
vāṃchāphalāni satataṃ mama dehi dehi ||4||
acyutānaṃta goviṃda viṣṇo veṃkaṭanāyaka |
pāhi māṃ puṃḍīkākṣa śaraṇāgatavatsala ||5||
|| iti śrīskaṃdapurāṇe śrīveṃkaṭeśa uṣaḥkālastotram ||