అథ శ్రీవేంకటేశ ఉషఃకాలస్తోత్రం
ప్రాతః స్మరామ్యనుదినం హృది వేంకటేశం
పాదారవిందయుగలం మునిభిర్విచింత్యం |

బ్రహ్మాదిదేవగణసిద్ధికరం పరం చ
యోగీశ్వరైః స్వహృదయే పరిభావితం చ ||1||

ప్రాతః స్వరామ్యనుదినం హృది వేంకటేశం
కర్ణావలంబిమణికుండలమండితాఢ్యం |

భక్తాభయంకరకరం జఘనే దధానం
చక్రం దధానమపరేణ పరేణ శంఖం ||2||

ప్రాతర్భజామ్యనుదినం హృది వేంకటేశం
బాలార్కకోటిసమదీధితికం శరణ్యం |

లక్ష్మీపతిం గరుడవాహనమబ్జనాభం
శ్రీశేషపర్వతవనే చ కృతాధివాసం ||3||

శ్రీవేంకటాచలపతే తవ పాదపద్మ-
సేవాం సదా దిశ కృపారసవిశ్వపాల |

అద్యాగతాని దురితాని నిరస్య దేవ
వాంఛాఫలాని సతతం మమ దేహి దేహి ||4||

అచ్యుతానంత గోవింద విష్ణో వేంకటనాయక |

పాహి మాం పుండీకాక్ష శరణాగతవత్సల ||5||

|| ఇతి శ్రీస్కందపురాణే శ్రీవేంకటేశ ఉషఃకాలస్తోత్రం ||