śrī vāmanastotram
atha śrī vāmanastotram
kaśyapa uvāca 
namonamaste'khilakāraṇāya 
namo namaste'khilapālakāya |
namo namaste paranāyakāya 
namo namo daityavināśanāya ||1||
namo namo bhaktajanapriyāya 
namo namo sajjanaraṁjitāya |
namo namo durjananāśakāya 
namo'stu tasmai jagadīśvarāya ||2||
namo namaḥ kāraṇa vāmanāya 
nārāyaṇāyāmitavikramāya |
śrīśārṅgacakrāsigadādharāya 
namo'stu tasmai puruṣottamāya ||3||
namaḥ payorāśinivāsitāya 
namo'stu sadbhaktamanaḥsthitāya |
namo'stu sūryādyamitaprabhāya 
namo namaḥ puṇyakathāgatāya ||4||
namo namo'rkeṁduvilocanāya 
namo'stu te yajñalapradāya |
namo'stu te yajñavirājitāya 
namo'stu te sajjanavallabhāya ||5||
namo namaḥ kāraṇakāraṇāya 
namo'stu śabdādivivarjitāya |
namo'stu te divyasukhapradāya 
namo namo bhaktajanapriyāya ||6||
namo namaste makhanāśanāya 
namo'stu te kṣatrakulāṁtakāya |
namo'stu te rāvaṇamardanāya 
namo'stu te naṁdasutāgrajāya ||7||
namaste kamalākāṁta namaste sukhadakṣiṇe |
smṛtārtināśine tubhyaṁ bhūyo bhūyo namo namaḥ ||8||
nārada uvāca 
ya idaṁ vāmanaṁ stotraṁ trisaṁdhyāsu paṭhennaraḥ |
dhanārogyānnasaṁtānasukhanityotsavī bhavet ||9|| 
||iti śrībṛhannāradīyapurāṇe śrīvāmanastotram ||