श्री वामनस्तोत्रम्
अथ श्री वामनस्तोत्रम्
कश्यप उवाच 
नमोनमस्तेऽखिलकारणाय 
नमो नमस्तेऽखिलपालकाय | 
नमो नमस्ते परनायकाय 
नमो नमो दैत्यविनाशनाय || १|| 
नमो नमो भक्तजनप्रियाय 
नमो नमो सज्जनरंजिताय | 
नमो नमो दुर्जननाशकाय 
नमोऽस्तु तस्मै जगदीश्वराय || २|| 
नमो नमः कारण वामनाय 
नारायणायामितविक्रमाय | 
श्रीशार्ङ्गचक्रासिगदाधराय 
नमोऽस्तु तस्मै पुरुषोत्तमाय || ३|| 
नमः पयोराशिनिवासिताय 
नमोऽस्तु सद्भक्तमनःस्थिताय | 
नमोऽस्तु सूर्याद्यमितप्रभाय 
नमो नमः पुण्यकथागताय || ४|| 
नमो नमोऽर्केंदुविलोचनाय 
नमोऽस्तु ते यज्ञलप्रदाय | 
नमोऽस्तु ते यज्ञविराजिताय 
नमोऽस्तु ते सज्जनवल्लभाय || ५|| 
नमो नमः कारणकारणाय 
नमोऽस्तु शब्दादिविवर्जिताय | 
नमोऽस्तु ते दिव्यसुखप्रदाय 
नमो नमो भक्तजनप्रियाय || ६|| 
नमो नमस्ते मखनाशनाय 
नमोऽस्तु ते क्षत्रकुलांतकाय | 
नमोऽस्तु ते रावणमर्दनाय 
नमोऽस्तु ते नंदसुताग्रजाय || ७|| 
नमस्ते कमलाकांत नमस्ते सुखदक्षिणे | 
स्मृतार्तिनाशिने तुभ्यं भूयो भूयो नमो नमः || ८|| 
नारद उवाच 
य इदं वामनं स्तोत्रं त्रिसंध्यासु पठेन्नरः | 
धनारोग्यान्नसंतानसुखनित्योत्सवी भवेत् || ९||  
|| इति श्रीबृहन्नारदीयपुराणे श्रीवामनस्तोत्रम् ||