అథ శ్రీ వామనస్తోత్రం
కశ్యప ఉవాచ
నమోనమస్తేఽఖిలకారణాయ
నమో నమస్తేఽఖిలపాలకాయ |

నమో నమస్తే పరనాయకాయ
నమో నమో దైత్యవినాశనాయ || 1||

నమో నమో భక్తజనప్రియాయ
నమో నమో సజ్జనరంజితాయ |

నమో నమో దుర్జననాశకాయ
నమోఽస్తు తస్మై జగదీశ్వరాయ || 2||

నమో నమః కారణ వామనాయ
నారాయణాయామితవిక్రమాయ |

శ్రీశార్ంగచక్రాసిగదాధరాయ
నమోఽస్తు తస్మై పురుషోత్తమాయ || 3||

నమః పయోరాశినివాసితాయ
నమోఽస్తు సద్భక్తమనఃస్థితాయ |

నమోఽస్తు సూర్యాద్యమితప్రభాయ
నమో నమః పుణ్యకథాగతాయ || 4||

నమో నమోఽర్కేందువిలోచనాయ
నమోఽస్తు తే యజ్ఞలప్రదాయ |

నమోఽస్తు తే యజ్ఞవిరాజితాయ
నమోఽస్తు తే సజ్జనవల్లభాయ || 5||

నమో నమః కారణకారణాయ
నమోఽస్తు శబ్దాదివివర్జితాయ |

నమోఽస్తు తే దివ్యసుఖప్రదాయ
నమో నమో భక్తజనప్రియాయ || 6||

నమో నమస్తే మఖనాశనాయ
నమోఽస్తు తే క్షత్రకులాంతకాయ |

నమోఽస్తు తే రావణమర్దనాయ
నమోఽస్తు తే నందసుతాగ్రజాయ || 7||

నమస్తే కమలాకాంత నమస్తే సుఖదక్షిణే |

స్మృతార్తినాశినే తుభ్యం భూయో భూయో నమో నమః || 8||

నారద ఉవాచ
య ఇదం వామనం స్తోత్రం త్రిసంధ్యాసు పఠేన్నరః |

ధనారోగ్యాన్నసంతానసుఖనిత్యోత్సవీ భవేత్ || 9||

|| ఇతి శ్రీబృహన్నారదీయపురాణే శ్రీవామనస్తోత్రం ||