ஶ்ரீஹரிவாயுஸ்துதி
நரஸிம்ʼஹநக²ஸ்துதி:
பாந்த்வஸ்மான் புருஹூதவைரிப³லவன்மாதங்க³மாத்³யத்³க⁴டா-
கும்போ⁴ச்சாத்³ரிவிபாடனாதி⁴கபடுப்ரத்யேகவஜ்ராயிதா: | 
ஶ்ரீமத்கண்டீ²ரவாஸ்ய ப்ரததஸுநக²ரா தா³ரிதாராதிதூ³ர-
ப்ரத்⁴வஸ்தத்⁴வாந்தஶாந்தப்ரவிததமனஸா பா⁴விதா நாகிவ்ருʼந்தை³: || 1|| 
லக்ஷ்மீகாந்த ஸமந்ததோ விகலயன்னைவேஶிதுஸ்தே ஸமம்ʼ 
பஶ்யாம்யுத்தமவஸ்து தூ³ரதரதோऽபாஸ்தம்ʼ ரஸோ யோऽஷ்டம: | 
யத்³ரோஷோத்கரத³க்ஷநேத்ரகுடிலப்ராந்தோத்தி²தாக்³னிஸ்பு²ரத்-
க²த்³யோதோபமவிஸ்பு²லிங்க³ப⁴ஸிதா ப்³ரஹ்மேஶஶக்ரோத்கரா: || 2|| 
|| இதி ஶ்ரீமதா³னந்த³தீர்த²ப⁴க³வத்பாதா³சார்யவிரசிதா ஶ்ரீநரஸிம்ʼஹநக²ஸ்துதி: || 
ஶ்ரீஹரிவாயுஸ்துதி
ஶ்ரீமத்³விஷ்ண்வங்க்⁴ரிநிஷ்டா²திகு³ணகு³ருதமஶ்ரீமதா³னந்த³தீர்த²-
த்ரைலோக்யாசார்யபாதோ³ஜ்ஜ்வலஜலஜலஸத்பாம் ̐ஸவோऽஸ்மான் புனந்து | 
வாசாம்ʼ யத்ர ப்ரணேத்ரீ த்ரிபு⁴வனமஹிதா ஶாரதா³ ஶாரதே³ந்து³-
ஜ்யோத்ஸ்னாப⁴த்³ரஸ்மிதஶ்ரீத⁴வலிதககுபா⁴ ப்ரேமபா⁴ரம்ʼ ப³பா⁴ர || 1|| 
உத்கண்டா²குண்ட²கோலாஹலஜவவிதி³தாஜஸ்ரஸேவானுவ்ருʼத்³த⁴-
ப்ராக்ஞாத்மக்ஞானதூ⁴தாந்த⁴தமஸஸுமனோமௌலிரத்னவலீனாம் | 
ப⁴க்த்யுத்³ரேகாவகா³ட⁴ப்ரக⁴டனஸக⁴டாத்காரஸங்க்⁴ருʼஷ்யமாண-
ப்ராந்தப்ராக்³ரயாங்க்⁴ரிபீடோ²த்தி²தகனகரஜ:பிஞ்ஜராரஞ்ஜிதாஶா: || 2|| 
ஜன்மாதி⁴வ்யாத்⁴யுபாதி⁴ப்ரதிஹதிவிரஹப்ராபகாணாம்ʼ கு³ணானா-
மக்³ரயாணாமர்பகாணாம்ʼ சிரமுதி³தசிதா³னந்த³ஸந்தோ³ஹதா³னாம் | 
ஏதேஷாமேஷ தோ³ஷப்ரமுஷிதமனஸாம்ʼ த்³வேஷிணாம்ʼ தூ³ஷகாணாம்ʼ
தை³த்யானாமார்திமந்தே⁴ தமஸி வித³த⁴தாம்ʼ ஸம் ̐ஸ்தவே நாஸ்மி ஶக்த: || 3|| 
அஸ்யாவிஷ்கர்துகாமம்ʼ கலிமலகலுஷேऽஸ்மின் ஜனே க்ஞானமார்க³ம்ʼ
வந்த்³யம்ʼ சந்த்³ரேந்த்³ரருத்³ரத்³யுமணிப²ணிவயோனாயகாத்³யைரிஹாத்³ய | 
மத்⁴வாக்²யம்ʼ மந்த்ரஸித்³த⁴ம்ʼ கிமுத க்ருʼதவதோ மாருதஸ்யாவதாரம்ʼ
பாதாரம்ʼ பாரமேஷ்ட்²யம்ʼ பத³மபவிபத³: ப்ராப்துராபன்னபும்ʼஸாம் || 4 || 
உத்³யத்³வித்³யுத்ப்ரசண்டா³ம்ʼ நிஜருசினிகரவ்யாப்தலோகாவகாஶோ
பி³ப்⁴ரத்³பீ⁴மோ பு⁴ஜே யோऽப்⁴யுதி³ததி³னகராபா⁴ங்க³தா³ட்⁴யப்ரகாண்டே³ | 
வீர்யோத்³தா⁴ர்யாம்ʼ க³தா³க்³ர்யாமயமிஹ ஸுமதிம்ʼ வாயுதே³வோ வித³த்⁴யா-
த³த்⁴யாத்மக்ஞானனேதா யதிவரமஹிதோ பூ⁴மிபூ⁴ஷாமணிர்மே || 5|| 
ஸம்ʼஸாரோத்தாபநித்யோபஶமத³ஸத³யஸ்நேஹஹாஸாம்பு³பூர-
ப்ரோத்³யத்³வித்³யானவத்³யத்³யுதிமணிகிரணஶ்ரேணிஸம்பூரிதாஶ: | 
ஶ்ரீவத்ஸாங்காதி⁴வாஸோசிததரஸரல: ஶ்ரீமதா³னந்த³தீர்த²-
க்ஷீராம்போ⁴தி⁴ர்விபி⁴ந்த்³யாத்³ப⁴வத³னபி⁴மதம்ʼ பூ⁴ரி மே பூ⁴திஹேது: || 6|| 
மூர்த⁴ன்யேஷோऽஞ்ஜலிர்மே த்³ருʼட⁴தரமிஹ தே ப³த்⁴யதே ப³ந்த⁴பாஶ-
ச்சே²த்ரே தா³த்ரே ஸுகா²னாம்ʼ ப⁴ஜதி பு⁴வி ப⁴விஷ்யத்³விதா⁴த்ரே த்³யுப⁴ர்த்ரே | 
அத்யந்தம்ʼ ஸந்ததம்ʼ த்வம்ʼ ப்ரதி³ஶ பத³யுகே³ ஹந்த ஸந்தாபபா⁴ஜா-
மஸ்மாகம்ʼ ப⁴க்திமேகாம்ʼ ப⁴க³வத உத தே மாத⁴வஸ்யாத² வாயோ: || 7|| 
ஸாப்⁴ரோஷ்ணாபீ⁴ஶுஶுப்⁴ரப்ரப⁴மப⁴ய நபோ⁴ பூ⁴ரிபூ⁴ப்⁴ருʼத்³விபூ⁴தி-
ப்⁴ராஜிஷ்ணுர்பூ⁴ர்ருʼபூ⁴ணாம்ʼ ப⁴வனமபி விபோ⁴ऽபே⁴தி³ ப³ப்⁴ரே ப³பூ⁴வே | 
யேன ப்⁴ரூவிப்⁴ரமஸ்தே ப்⁴ரமயது ஸுப்⁴ருʼஶம்ʼ ப³ப்⁴ருவத்³து³ர்ப்⁴ருʼதாஶான்
ப்⁴ராந்திர்பே⁴தா³வபா⁴ஸஸ்த்விதி ப⁴யமபி⁴பூ⁴ர்போ⁴க்ஷ்யதோ மாயிபி⁴க்ஷூன் || 8|| 
யேऽமும்ʼ பா⁴வம்ʼ ப⁴ஜந்தே ஸுரமுக²ஸுஜனாராதி⁴தம்ʼ தே த்ருʼதீயம்ʼ
பா⁴ஸந்தே பா⁴ஸுரைஸ்தே ஸஹசரசலிதைஶ்சாமரைஶ்சாருவேஷா: | 
வைகுண்டே² கண்ட²லக்³னஸ்தி²ரஶுசிவிலஸத்காந்திதாருண்யலீலா-
லாவண்யாபூர்ணகாந்தாகுசப⁴ரஸுலபா⁴ஶ்லேஷஸம்மோத³ஸாந்த்³ரா: || 9|| 
ஆனந்தா³ன் மந்த³மந்தா³ த³த³தி ஹி மருத: குந்த³மந்தா³ரநந்த்³யா-
வர்தாமோதா³ன் த³தா⁴னா ம்ருʼது³பத³முதி³தோத்³கீ³தகை: ஸுந்த³ரீணாம் | 
வ்ருʼந்தை³ராவந்த்³யமுக்தேந்த்³வஹிமகு³மத³னாஹீந்த்³ரதே³வேந்த்³ரஸேவ்யே
மௌகுந்தே³ மந்தி³ரேऽஸ்மின்னவிரதமுத³யன் மோதி³னாம்ʼ தே³வதே³வ || 10|| 
உத்தப்தாத்யுத்கடத்விட்ப்ரகடகடகடத்⁴வானஸங்க⁴ட்டனோத்³யத்-
வித்³யுத்³வ்யூட⁴ஸ்பு²லிங்க³ப்ரகரவிகிரணோத்க்வாதி²தே பா³தி⁴தாங்கா³ன் | 
உத்³கா³ட⁴ம்ʼ பாத்யமானா தமஸி தத இத: கிங்கரை: பங்கிலே தே
பங்கி्தர்க்³ராவ்ணாம்ʼ க³ரிம்ணா க்³லபயதி ஹி ப⁴வத்³த்³வேஷிணோ வித்³வதா³த்³ய | 11| 
அஸ்மின்னஸ்மத்³கு³ரூணாம்ʼ ஹரிசரணசிரத்⁴யானஸன்மங்க³லானாம்ʼ
யுஷ்மாகம்ʼ பார்ஶ்வபூ⁴மிம்ʼ த்⁴ருʼதரணரணிக: ஸ்வர்கி³ஸேவ்யாம்ʼ ப்ரபன்ன: | 
யஸ்தூதா³ஸ்தே ஸ ஆஸ்தேऽதி⁴ப⁴வமஸுலப⁴க்லேஶநிர்மோகமஸ்த-
ப்ராயானந்த³ம்ʼ கத²ஞ்சிந்ந வஸதி ஸததம்ʼ பஞ்சகஷ்டேऽதிகஷ்டே || 12|| 
க்ஷுத்க்ஷாமான் ரூக்ஷரக்ஷோரத³க²ரநக²ரக்ஷுண்ணவிக்ஷோபி⁴தாக்ஷா-
நாமக்³னனந்த⁴கூபே க்ஷுரமுக²முக²ரை: பக்ஷிபி⁴ர்விக்ஷதாங்கா³ன் | 
பூயாஸ்ருʼங்மூத்ரவிஷ்டா²க்ருʼமிகுலகலிலே தத்க்ஷணாக்ஷிப்தஶக்த்யா-
த்³யஸ்த்ரவ்ராதார்தி³தாம்ʼஸ்த்வத்³த்³விஷ உபஜிஹதே வஜ்ரகல்பா ஜலூகா: || 13|| 
மாதர்மே மாதரிஶ்வன் பிதரதுலகு³ரோ ப்⁴ராதரிஷ்டாப்தப³ந்தோ⁴
ஸ்வாமின் ஸர்வாந்தராத்மன்னஜர ஜரயிதர்ஜன்மம்ருʼத்யாமயானாம் | 
கோ³விந்தே³ தே³ஹி ப⁴க்திம்ʼ ப⁴வதி ச ப⁴க³வன்னூர்ஜிதாம்ʼ நிர்நிமித்தாம்ʼ
நிர்வ்யாஜாம்ʼ நிஶ்சலாம்ʼ ஸத்³கு³ணக³ணப்³ருʼஹதீம்ʼ ஶாஶ்வதீமாஶு தே³வ || 14|| 
விஷ்ணோரத்யுத்தமத்வாத³கி²லகு³ணக³ணைஸ்தத்ர ப⁴க்திம்ʼ க³ரிஷ்டா²ம்ʼ
ஸம்ʼஶ்லிஷ்டே ஶ்ரீத⁴ராப்⁴யாமமுமத² பரிவாராத்மனா ஸேவகேஷு | 
ய: ஸந்த⁴த்தே விரிஞ்சிஶ்வஸனவிஹக³பானந்தருத்³ரேந்த்³ரபூர்வே-
ஷ்வாத்⁴யாயம் ̐ஸ்தாரதம்யம்ʼ ஸ்பு²டமவதி ஸதா³ வாயுரஸ்மத்³கு³ருஸ்தம் || 15|| 
தத்த்வக்ஞான் முக்திபா⁴ஜ: ஸுக²யஸி ஹி கு³ரோ யோக்³யதாதாரதம்யா-
தா³த⁴த்ஸே மிஶ்ரபு³த்³தீ⁴ம் ̐ஸ்த்ரிதி³வநிரயபூ⁴கோ³சரான் நித்யப³த்³தா⁴ன் | 
தாமிஸ்ராந்தா⁴தி³காக்²யே தமஸி ஸுப³ஹுலம்ʼ து³:க²யஸ்யன்யதா²க்ஞான்
விஷ்ணோராக்ஞாபி⁴ரித்த²ம்ʼ ஶ்ருதிஶதமிதிஹாஸாதி³ சாऽகர்ணயாம: || 16|| 
வந்தே³ऽஹம்ʼ தம்ʼ ஹனூமானிதி மஹிதமஹாபௌருஷோ பா³ஹுஶாலீ
க்²யாதஸ்தேऽக்³ரயோऽவதார: ஸஹித இஹ ப³ஹுப்³ரஹ்மசர்யாதி³த⁴ர்மை: | 
ஸஸ்நேஹானாம்ʼ ஸஹஸ்வானஹரஹரஹிதம்ʼ நிர்த³ஹன் தே³ஹபா⁴ஜா-
மம்ʼஹோமோஹாபஹோ ய: ஸ்ப்ருʼஹயதி மஹதீம்ʼ ப⁴க்திமத்³யாபி ராமே || 17|| 
ப்ராக்பஞ்சாஶத்ஸஹஸ்ரைர்வ்யவஹிதமமிதம்ʼ யோஜனை: பர்வதம்ʼ த்வம்ʼ
யாவத்ஸஞ்ஜீவனாத்³யௌஷத⁴நிதி⁴மதி⁴க ப்ராண லங்காமனைஷீ: | 
அத்³ராக்ஷீது³த்பதந்தம்ʼ தத உத கி³ரிமுத்பாடயந்தம்ʼ க்³ருʼஹீத்வாऽऽ-
யாந்தம்ʼ கே² ராக⁴வாங்க்⁴ரௌ ப்ரணதமபி ததை³கக்ஷணே த்வாம்ʼ ஹி லோக: || 18|| 
க்ஷிப்த: பஶ்சாத் ஸலீலம்ʼ ஶதமதுலமதே யோஜனானாம்ʼ ஸ உச்ச-
ஸ்தாவத்³விஸ்தாரவாம்ʼஶ்சாப்யுபலலவ இவ வ்யக்³ரபு³த்³த்⁴யா த்வயாऽத: | 
ஸ்வஸ்வஸ்தா²னஸ்தி²தாதிஸ்தி²ரஶகலஶிலாஜாலஸம்ʼஶ்லேஷநஷ்ட-
ச்சே²தா³ங்க: ப்ராகி³வாபூ⁴த் கபிவரவபுஷஸ்தே நம: கௌஶலாய || 19|| 
த்³ருʼஷ்ட்வா து³ஷ்டாதி⁴போர: ஸ்பு²டிதகனகஸத்³வர்மக்⁴ருʼஷ்டாஸ்தி²கூடம்ʼ
நிஷ்பிஷ்டம்ʼ ஹாடகாத்³ரிப்ரகடதடதடாகாதிஶங்கோ ஜனோऽபூ⁴த் | 
யேனாऽஜௌ ராவணாரிப்ரியநடனபடுர்முஷ்டிரிஷ்டம்ʼ ப்ரதே³ஷ்டும்ʼ
கிம்ʼ நேஷ்டே மே ஸ தேऽஷ்டாபத³கடகதடித்கோடிபா⁴ம்ருʼஷ்டகாஷ்ட²: || 20|| 
தே³வ்யாதே³ஶப்ரணீதித்³ருஹிணஹரவராவத்⁴யரக்ஷோவிகா⁴தா-
த்³யாஸேவ்யோத்³யத்³த³யார்த்³ர: ஸஹபு⁴ஜமகரோத்³ராமநாமா முகுந்த³: | 
து³ஷ்ப்ராபே பாரமேஷ்ட்²யே கரதலமதுலம்ʼ மூர்த்⁴னி வின்யஸ்ய த⁴ன்யம்ʼ
தன்வன் பூ⁴ய: ப்ரபூ⁴தப்ரணயவிகஸிதாப்³ஜேக்ஷணஸ்த்வேக்ஷமாண: || 21|| 
ஜக்⁴னே நிக்⁴னேன விக்⁴னோ ப³ஹுலப³லப³கத்⁴வம்ʼஸனாத்³யேன ஶோச-
த்³விப்ரானுக்ரோஶபாஶைரஸுவித்⁴ருʼதிஸுக²ஸ்யைகசக்ராஜனானாம் | 
தஸ்மை தே தே³வ குர்ம: குருகுலபதயே கர்மணா ச ப்ரணாமான்
கிர்மீரம்ʼ து³ர்மதீனாம்ʼ ப்ரத²மமத² ச யோ நர்மணா நிர்மமாத² || 22|| 
நிர்ம்ருʼத்³னன்னத்யயத்னம்ʼ விஜரவர ஜராஸந்த⁴காயாஸ்தி²ஸந்தீ⁴ன்
யுத்³தே⁴ த்வம்ʼ ஸ்வத்⁴வரே வா பஶுமிவ த³மயன் விஷ்ணுபக்ஷத்³விடீ³ஶம் | 
யாவத் ப்ரத்யக்ஷபூ⁴தம்ʼ நிகி²லமக²பு⁴ஜம்ʼ தர்பயாமாஸிதா²ஸௌ
தாவத்யாऽயோஜி த்ருʼப்த்யா கிமு வத³ ப⁴க³வன் ராஜஸூயாஶ்வமேதே⁴ || 23|| 
க்ஷ்வேலாக்ஷீணாட்டஹாஸம்ʼ தவ ரணமரிஹன்னுத்³க³தோ³த்³தா³மபா³ஹோ
ப³ஹ்வக்ஷௌஹிண்யனீகக்ஷபணஸுநிபுணம்ʼ யஸ்ய ஸர்வோத்தமஸ்ய | 
ஶுஶ்ரூஷார்த²ம்ʼ சகர்த² ஸ்வயமயமத² ஸம்ʼவக்துமானந்த³தீர்த²-
ஶ்ரீமந்நாமன் ஸமர்த²ஸ்த்வமபி ஹி யுவயோ: பாத³பத்³மம்ʼ ப்ரபத்³யே || 24|| 
த்³ருஹ்யந்தீம்ʼ ஹ்ருʼத்³ருஹம்ʼ மாம்ʼ த்³ருதமனிலப³லாத்³த்³ராவயந்தீமவித்³யா-
நித்³ராம்ʼ வித்³ராவ்ய ஸத்³யோரசனபடுமதா²ऽபாத்³ய வித்³யாஸமுத்³ர | 
வாக்³தே³வீ ஸா ஸுவித்³யாத்³ரவிணத³விதி³தா த்³ரௌபதீ³ ருத்³ரபத்ன்ன்யா-
த்³யுத்³ரிக்தா த்³ராக³ப⁴த்³ராத்³ரஹயது த³யிதா பூர்வபீ⁴மாக்ஞயா தே || 25|| 
யாப்⁴யாம்ʼ ஶுஶ்ரூஷுராஸீ: குருகுலஜனனே க்ஷத்ரவிப்ரோதி³தாப்⁴யாம்ʼ
ப்³ரஹ்மப்⁴யாம்ʼ ப்³ரும்ʼʼஹிதாப்⁴யாம்ʼ சிதிஸுக²வபுஷா க்ருʼஷ்ணநாமாஸ்பதா³ப்⁴யாம்| 
நிர்பே⁴தா³ப்⁴யாம்ʼ விஶேஷாத்³த்³விவசனவிஷயாப்⁴யாமுபா⁴ப்⁴யாமமூப்⁴யாம்ʼ
துப்⁴யம்ʼ ச க்ஷேமதே³ப்⁴ய: ஸரஸிஜவிலஸல்லோசனேப்⁴யோ நமோऽஸ்து || 26|| 
க³ச்ச²ன் ஸௌக³ந்தி⁴கார்த²ம்ʼ பதி² ஸ ஹனுமத: புச்ச²மச்ச²ஸ்ய பீ⁴ம:
ப்ரோத்³த⁴ர்தும்ʼ நாஶகத் ஸ த்வமுமுருவபுஷா பீ⁴ஷயாமாஸ சேதி | 
பூர்ணக்ஞானௌஜஸோஸ்தே கு³ருதமவபுஷோ: ஶ்ரீமதா³னந்த³தீர்த²
க்ரீடா³மாத்ரம்ʼ ததே³தத்ப்ரமத³த³ ஸுதி⁴யாம்ʼ மோஹக த்³வேஷபா⁴ஜாம் || 27|| 
ப³ஹ்வீ: கோடீரடீக: குடிலகடுமதீனுத்கடாடோபகோபான்
த்³ராக் ச த்வம்ʼ ஸத்வரத்வாச்ச²ரணத³ க³த³யா போத²யாமாஸிதா²ரீன் | 
உன்மத்²யாதத்²யமித்²யாத்வவசனவசனானுத்பத²ஸ்தா²ம்ʼஸ்ததா²ऽன்யான்
ப்ராயச்ச²: ஸ்வப்ரியாயை ப்ரியதம குஸுமம்ʼ ப்ராண தஸ்மை நமஸ்தே || 28|| 
தே³ஹாது³த்க்ராமிதானாமதி⁴பதிரஸதாமக்ரமாத்³வக்ரபு³த்³தி⁴:
க்ருத்³த⁴: க்ரோதை⁴கவஶ்ய: க்ருʼமிரிவ மணிமான் து³ஷ்க்ருʼதீ நிஷ்க்ரியார்த²ம் | 
சக்ரே பூ⁴சக்ரமேத்ய க்ரகசமிவ ஸதாம்ʼ சேதஸ: கஷ்டஶாஸ்த்ரம்ʼ
து³ஸ்தர்க்கம்ʼ சக்ரபாணேர்கு³ணக³ணவிரஹம்ʼ ஜீவதாம்ʼ சாதி⁴க்ருʼத்ய || 29|| 
தத்³து³ஷ்ப்ரேக்ஷானுஸாராத் கதிபயகுநரைராத்³ருʼதோऽன்யைர்விஸ்ருʼஷ்டோ
ப்³ரஹ்மாऽஹம்ʼ நிர்கு³ணோऽஹம்ʼ விதத²மித³மிதி ஹ்யேஷ பாஷண்ட³வாத³: | 
தத்³யுக்த்யாபா⁴ஸஜாலப்ரஸரவிஷதரூத்³தா³ஹத³க்ஷப்ரமாண-
ஜ்வாலாமாலாத⁴ரோऽக்³னி: பவன விஜயதே தேऽவதாரஸ்த்ருʼதீய: || 30|| 
ஆக்ரோஶந்தோ நிராஶா ப⁴யப⁴ரவிவஶஸ்வாஶயாஶ்சி²ன்னத³ர்பா
வாஶந்தோ தே³ஶநாஶஸ்த்விதி ப³த குதி⁴யாம்ʼ நாஶமாஶாத³ஶாஶு | 
தா⁴வந்தோऽஶ்லீலஶீலா விதத²ஶபத²ஶாபாஶிவா: ஶாந்தஶௌர்யா-
ஸ்த்வத்³வ்யாக்²யாஸிம்ʼஹனாதே³ ஸபதி³ த³த்³ருʼஶிரே மாயிகோ³மாயவஸ்தே|| 31|| 
த்ரிஷ்வப்யேவாவதாரேஷ்வரிபி⁴ரபக்⁴ருʼணம்ʼ ஹிம்ʼஸிதோ நிர்விகார:
ஸர்வக்ஞ: ஸர்வஶக்தி: ஸகலகு³ணக³ணாபூர்ணரூபப்ரக³ல்ப⁴: | 
ஸ்வச்ச²: ஸ்வச்ச²ந்த³ம்ருʼத்யு: ஸுக²யஸி ஸுஜனம்ʼ தே³வ கிம்ʼ சித்ரமத்ர
த்ராதா யஸ்ய த்ரிதா⁴மா ஜக³து³த வஶக³ம்ʼ கிங்கரா: ஶங்கராத்³யா: || 32|| 
உத்³யன்மந்த³ஸ்மிதஶ்ரீம்ருʼது³மது⁴மது⁴ராலாபபீயூஷதா⁴ரா-
பூராஸேகோபஶாந்தாஸுக²ஸுஜனமனோலோசனாபீயமானம் | 
ஸந்த்³ரக்ஷ்யே ஸுந்த³ரம்ʼ ஸந்து³ஹதி³ஹ மஹதா³னந்த³மானந்த³தீர்த²
ஶ்ரீமத்³வக்த்ரேந்து³பி³ம்ப³ம்ʼ து³ரிதனுது³தி³தம்ʼ நித்யதா³ऽஹம்ʼ கதா³ நு || 33|| 
ப்ராசீனாசீர்ணபுண்யோச்சயசதுரதராசாரதஶ்சாருசித்தா-
நத்யுச்சாம்ʼ ரோசயந்தீம்ʼ ஶ்ருதிசிதவசனாஞ்ச்²ராவகாம் ̐ஶ்சோத்³யசஞ்சூன் | 
வ்யாக்²யாமுத்கா²தது³:கா²ம்ʼ சிரமுசிதமஹாசார்ய சிந்தாரதாம் ̐ஸ்தே
சித்ராம்ʼ ஸச்சா²ஸ்த்ரகர்தஶ்சரணபரிசரான் ஶ்ராவயாஸ்மாம் ̐ஶ்ச கிஞ்சித் || 34|| 
பீடே² ரத்னேபக்ல்ருʼப்தே ருசிரருசிமணிஜ்யோதிஷா ஸன்நிஷண்ணம்ʼ
ப்³ரஹ்மாணம்ʼ பா⁴வினம்ʼ த்வாம்ʼ ஜ்வலதி நிஜபதே³ வைதி³காத்³யா ஹி வித்³யா: | 
ஸேவந்தே மூர்திமத்ய: ஸுசரித சரிதம்ʼ பா⁴தி க³ந்த⁴ர்வகீ³தம்ʼ
ப்ரத்யேகம்ʼ தே³வஸம்ʼஸத்ஸ்வபி தவ ப⁴க³வன் நர்திதத்³யோவதூ⁴ஷு || 35|| 
ஸானுக்ரோஶைரஜஸ்ரம்ʼ ஜனிம்ருʼதிநிரயாத்³யூர்மிமாலாவிலேऽஸ்மின்
ஸம்ʼஸாராப்³தௌ⁴ நிமக்³னான் ஶரணமஶரணானிச்ச²தோ வீக்ஷ்ய ஜந்தூன் | 
யுஷ்மாபி⁴: ப்ரார்தி²த: ஸன் ஜலநிதி⁴ஶயன: ஸத்யவத்யாம்ʼ மஹர்ஷே-
ர்வ்யக்தஶ்சின்மாத்ரமூர்திர்ந க²லு ப⁴க³வத: ப்ராக்ருʼதோ ஜாது தே³ஹ: || 36|| 
அஸ்தவ்யஸ்தம்ʼ ஸமஸ்தஶ்ருதிக³தமத⁴மை ரத்னபூக³ம்ʼ யதா²ऽந்தை⁴-
ரர்த²ம்ʼ லோகோபக்ருʼத்யை கு³ணக³ணணநிலய: ஸூத்ரயாமாஸ க்ருʼத்ஸ்னம் | 
யோऽஸௌ வ்யாஸாபி⁴தா⁴னஸ்தமஹமஹரஹர்ப⁴க்திதஸ்த்வத்ப்ரஸாதா³த்
ஸத்³யோ வித்³யோபலப்³த்⁴யை கு³ருதமமகு³ரும்ʼ தே³வதே³வம்ʼ நமாமி || 37|| 
ஆக்ஞாமன்யைரதா⁴ர்யாம்ʼ ஶிரஸி பரிஸரத்³ரஶ்மிகோடீரகோடௌ
க்ருʼஷ்ணஸ்யாக்லிஷ்டகர்மா த³த⁴த³னுஸரணாத³ர்தி²தோ தே³வஸங்கை⁴: | 
பூ⁴மாவாக³த்ய பூ⁴மன்னஸுகரமகரோர்ப்³ரஹ்மஸூத்ரஸ்ய பா⁴ஷ்யம்ʼ
து³ர்பா⁴ஷ்யம்ʼ வ்யஸ்ய த³ஸ்யோர்மணிமத உதி³தம்ʼ வேத³ ஸத்³யுக்திபி⁴ஸ்த்வம்| 38|
பூ⁴த்வா க்ஷேத்ரே விஶுத்³தே⁴ த்³விஜக³ணநிலயே ரூப்யபீடா²பி⁴தா⁴னே
தத்ராபி ப்³ரஹ்மஜாதிஸ்த்ரிபு⁴வனவிஶதே³ மத்⁴யகே³ஹாக்²யகே³ஹே | 
பாரிவ்ராஜ்யாதி⁴ராஜ: புனரபி ப³த³ரீம்ʼ ப்ராப்ய க்ருʼஷ்ணம்ʼ ச நத்வா
க்ருʼத்வா பா⁴ஷ்யாணி ஸம்யக்³ வ்யதனுத ச ப⁴வான் பா⁴ரதார்த²ப்ரகாஶம் | 39| 
வந்தே³ தம்ʼ த்வா ஸுபூர்ணப்ரமதிமனுதி³னாஸேவிதம்ʼ தே³வவ்ருʼந்தை³-
ர்வந்தே³ வந்தா³ருமீஶே ஶ்ரிய உத நியதம்ʼ ஶ்ரீமதா³னந்த³தீர்த²ம் | 
வந்தே³ மந்தா³கினீஸத்ஸரித³மலஜலாஸேகஸாதி⁴க்யஸங்க³ம்ʼ
வந்தே³ऽஹம்ʼ தே³வ ப⁴க்த்யா ப⁴வப⁴யத³ஹனம்ʼ ஸஜ்ஜனான்மோத³யந்தம் || 40|| 
ஸுப்³ரஹ்மண்யாக்²யஸூரே: ஸுத இதி ஸுப்⁴ருʼஶம்ʼ கேஶவானந்த³தீர்த²-
ஶ்ரீமத்பாதா³ப்³ஜப⁴க்த: ஸ்துதிமக்ருʼத ஹரேர்வாயுதே³வஸ்ய சாஸ்ய | 
தத்பாதா³ர்சாத³ரேண க்³ரதி²தபத³லஸன்மாலயா த்வேதயா யே
ஸம்ʼராத்⁴யாமூ நமந்தி ப்ரததமதிகு³ணா முக்திமேதே வ்ரஜந்தி || 41|| 
|| இதி ஶ்ரீத்ரிவிக்ரமபண்டி³தாசார்யவிரசிதா ஶ்ரீஹரிவாயுஸ்துதி:||