ஶ்ரீதுலஸீமாஹாத்ம்யம்
அத² ஶ்ரீதுலஸீமாஹாத்ம்யம்
பாபானி யானி ரவிஸூனுபடஸ்தி²தானி
கோ³ப்³ரஹ்மபா³லபித்ருʼமாத்ருʼவதா⁴தி³கானி |  
நஶ்யந்தி தானி துலஸீவனத³ர்ஶனேன
கோ³கோடிதா³னஸத்³ருʼஶம்ʼ ப²லமாப்னுவந்தி	|| 1|| 
புஷ்கராத்³யானி தீர்தா²னி க³ங்கா³த்³யா: ஸரிதஸ்ததா² |  
வாஸுதே³வாத³யோ தே³வா வஸந்தி துலஸீவனே	|| 2|| 
துலஸீகானனம்ʼ யத்ர யத்ர பத்³மவனானி ச | 
வஸந்தி வைஷ்ணவா யத்ர தத்ர ஸன்னிஹிதோ ஹரி: || 3|| 
யன்மூலே ஸர்வதீர்தா²னி யன்மத்⁴யே ஸர்வதே³வதா: | 
யத³க்³ரே ஸர்வவேதா³ஶ்ச துலஸி த்வாம்ʼ நமாம்யஹம்	|| 4|| 
துலஸி ஶ்ரீஸகி² ஶுபே⁴ பாபஹாரிணி புண்யதே³ |  
நமஸ்தே நாரத³நுதே நாராயணமன:ப்ரியே	|| 5|| 
ராஜத்³வாரே ஸபா⁴மத்⁴யே ஸங்க்³ராமே ஶத்ருபீட³னே |  
துலஸீஸ்மரணம்ʼ குர்யாத் ஸர்வத்ர விஜயீ ப⁴வேத்	|| 6|| 
துலஸ்யம்ருʼதஜன்மாऽஸி ஸதா³ த்வம்ʼ கேஶவப்ரியே |  
கேஶவார்தே² சினோமி த்வாம்ʼ வரதா³ ப⁴வ ஶோப⁴னே	|| 7|| 
மோக்ஷைகஹேதோர்த⁴ரணீத⁴ரஸ்ய 
விஷ்ணோ: ஸமஸ்தஸ்ய கு³ரோ: ப்ரியஸ்ய | 
ஆராத⁴னார்த²ம்ʼ புருஷோத்தமஸ்ய 
சி²ந்தே³ த³லம்ʼ தே துலஸி க்ஷமஸ்வ	|| 8|| 
க்ருʼஷ்யாரம்பே⁴ ததா² புண்யே விவாஹே சார்த²ஸங்க்³ரஹே | 
ஸர்வகார்யேஷு ஸித்³த்⁴யர்த²ம்ʼ ப்ரஸ்தா²னே துலஸீம்ʼ ஸ்மரேத் 	|| 9|| 
ய: ஸ்மரேத் துலஸீம்ʼ ஸீதாம்ʼ ராமம்ʼ ஸௌமித்ரிணா ஸஹ | 
விநிர்ஜித்ய ரிபூன் ஸர்வான் புனராயாதி கார்யக்ருʼத்	|| 10|| 
யா த்³ருʼஷ்டா நிகி²லாக⁴ஸங்க⁴ஶமனீ ஸ்ப்ருʼஷ்டா வபு: பாவனீ
ரோகா³ணாமபி⁴வந்தி³தா நிரஸனீ ஸிக்தாऽந்தகத்ராஸினீ | 
ப்ரத்யாஸத்திவிதா⁴யினீ ப⁴க³வத: க்ருʼஷ்ணஸ்ய ஸம்ʼரோபிதா
ந்யஸ்தா தச்சரணே விமுக்திப²லதா³ தஸ்யை துலஸ்யை நம:	|| 11|| 
கா²த³ன் மாம்ʼஸம்ʼ பிப³ன் மத்³யம்ʼ ஸங்க³ச்ச²ன்னந்த்யஜாதி³பி⁴: | 
ஸத்³யோ ப⁴வதி பூதாத்மா கர்ணயோஸ்துலஸீம்ʼ த⁴ரன்	|| 12|| 
சது: கர்ணே முகே² சைகம்ʼ நாபா⁴வேகம்ʼ ததை²வ ச | 
ஶிரஸ்யேகம்ʼ ததா² ப்ரோக்தம்ʼ தீர்தே² த்ரயமுதா³ஹ்ருʼதம்	|| 13|| 
அன்னோபரி ததா² பஞ்ச போ⁴ஜனாந்தே த³லத்ரயம் |  
ஏவம்ʼ ஶ்ரீதுலஸீ க்³ராஹ்யா அஷ்டாத³ஶத³லா ஸதா³ 	|| 14|| 
||  இதி ஶ்ரீதுலஸீமாஹாத்ம்யம் ||