atha shrItulasImAhAtmyam

pApAni yAni ravisUnupaTasthitAni
gobrahmabAlapitRRimAtRRivadhAdikAni |
nashyaMti tAni tulasIvanadarshanena
gokoTidAnasadRRishaM phalamApnuvaMti ||1||

puShkarAdyAni tIrthAni gaMgAdyA: saritastathA |
vAsudevAdayo devA vasaMti tulasIvane ||2||

tulasIkAnanaM yatra yatra padmavanAni cha |
vasaMti vaiShNavA yatra tatra sannihito hari: ||3||

yanmUle sarvatIrthAni yanmadhye sarvadevatA: |
yadagre sarvavedAshcha tulasi tvAM namAmyaham ||4||

tulasi shrIsakhi shubhe pApahAriNi puNyade |
namaste nAradanute nArAyaNamana:priye ||5||

rAjadvAre sabhAmadhye saMgrAme shatrupIDane |
tulasIsmaraNaM kuryAt sarvatra vijayI bhavet ||6||

tulasyamRRitajanmA.asi sadA tvaM keshavapriye |
keshavArthe chinomi tvAM varadA bhava shobhane ||7||

mokShaikahetordharaNIdharasya
viShNo: samastasya guro: priyasya |
ArAdhanArthaM puruShottamasya
ChiMde dalaM te tulasi kShamasva ||8||

kRRiShyAraMbhe tathA puNye vivAhe chArthasaMgrahe |
sarvakAryeShu siddhyarthaM prasthAne tulasIM smaret ||9||

ya: smaret tulasIM sItAM rAmaM saumitriNA saha |
vinirjitya ripUn sarvAn punarAyAti kAryakRRit ||10||

yA dRRiShTA nikhilAghasaMghashamanI spRRiShTA vapu: pAvanI
rogANAmabhivaMditA nirasanI siktAM.atakatrAsinI |
pratyAsattividhAyinI bhagavata: kRRiShNasya saMropitA
nyastA tachcharaNe vimuktiphaladA tasyai tulasyai nama: ||11||

khAdan mAMsaM piban madyaM saMgachChannaMtyajAdibhi: |
sadyo bhavati pUtAtmA karNayostulasIM dharan ||12||

chatu: karNe mukhe chaikaM nAbhAvekaM tathaiva cha |
shirasyekaM tathA proktaM tIrthe trayamudAhRRitam ||13||

annopari tathA paMcha bhojanAMte dalatrayam |
evaM shrItulasI grAhyA aShTAdashadalA sadA ||14||

|| iti shrItulasImAhAtmyam ||