அத² சதுர்த²​:  ஸர்க³​:
அதை²ஷ ஸல்லோகத³யாஸுதா⁴ர்த்³ரயா 
ஸதா³க³மஸ்தேனநிராஸகாமயா | 
ரமாவராவாஸபு⁴வா விஶாரதோ³ 
விஶாலயாऽசிந்தயதா³த்மனோ தி⁴யா	 ||  1 ||  
அனன்யஸங்கா³த்³கு³ணஸங்கி³தா ஹரேர்-
ஜனஸ்ய மானம்ʼ து விஶிஷ்டசேஷ்டிதம் | 
அஸங்க³மஸ்மாத் ப்ரகடீகரோம்யஹம்ʼ 
நிஜம்ʼ ப⁴ஜன் பாரமஹம்ʼஸ்யமாஶ்ரமம்	 ||  2 || 
மம ப்ரபோ⁴ர்நாபரதா² ஹி ஶோப⁴தே 
த்³விஷத்ஸு விஷ்ணும்ʼ யத³த³ண்ட³தா⁴ரணம் | 
ஹரிஸ்வஸா நன்வசிராத³ஸத்³பி⁴தே³ 
ப⁴வேத³தோ நாஸ்மி ச த³ண்ட³தா⁴ரக​:	 ||  3 || 
விசிந்தயன்னித்த²மனந்தசிந்தக​: 
ஸமஸ்தஸந்ந்யாஸநிப³த்³த⁴னிஶ்சய​: | 
அஸாவனுக்ஞார்த²மதா²னமத்³த⁴ரிம்ʼ 
ஸமஸ்தஸம்ʼவ்யாபினமாத்மதா³யக³ம்	 ||  4 || 
நிஜே ஜனே கிம்ʼ நமஸீதி ப்ருʼச்ச²தி 
ப்³ருவன் ஸ்வவஸ்துப்ரணதிம்ʼ வ்யதா⁴மிதி | 
கு³ரோ​: கிலான்வேஷணவான் ஜக³த்³கு³ரு​:
ததா³ ஜகா³மாகி²லலோகஶிக்ஷக​:	 ||  5 || 
யதிர்யதாத்மா பு⁴வி கஶ்சனாப⁴வத்³-
விபூ⁴ஷணோ பூ⁴ரிவிரக்திபூ⁴ஷண​: | 
ந நாமமாத்ராச்சு²சிமர்த²தோऽபி யம்ʼ
ஜனோऽச்யுதப்ரேக்ஷமுதா³ஹரத் ஸ்பு²டம்	 ||  6 || 
புரைஷ க்ருʼஷ்ணாகரஸித்³த⁴ஶுத்³தி⁴மத்³-
வரான்னபு⁴க்த்யா கில பாண்ட³வாலயே | 
விஶோதி⁴தாத்மா மது⁴க்ருʼத்ப்ரவ்ருʼத்திமான்
சசார காம்ʼஶ்சித் பரிவத்ஸரான் முதா³	 ||  7 || 
அபூ⁴த்குஶாஸ்த்ராப்⁴யஸனம்ʼ ந பாதகம்ʼ 
க்ரமாக³தாத்³விப்ரதிஸாரதோ யதே​: | 
யதா² குஶஸ்த்ராத்⁴யஸனம்ʼ முரத்³விஷ​: 
பதா³ம்பு³ஜே வ்யாத⁴வரஸ்ய க³ர்ஹிதம்	 ||  8 || 
வினீதமாம்னாயஶிரோவிஶாரத³ம்ʼ 
ஸதை³வ தத்த்வம்ʼ ப்ரபு³பு⁴த்ஸுமாத³ராத் | 
கு³ருர்விதி³த்வோபக³தாம்ʼ நிஜாம்ʼ ம்ருʼதிம்ʼ 
கதா³சிதூ³சே தமுபஹ்வரே கி³ரம்	||  9 || 
அஹம்ʼ ஸ்வயம்ʼ ப்³ரஹ்ம ந கிஞ்சித³ஸ்தி மத்-
பரம்ʼ விஜ்ருʼம்பே⁴த யதா³ ஸ்பு²டம்ʼ சிதி​: | 
இதீஹ மாயாஸமயோபபாதி³தம்ʼ 
நிரன்வயம்ʼ ஸுவ்ரத மா ஸ்ம விஶ்வஸீ​:	 ||  10 ||  
யதே³ததா³த்மைக்யமுபாஸ்திசோதி³தம்ʼ 
ந மே கு³ரோரப்யபரோக்ஷதாம்ʼ க³தம் | 
புராதனானாமபி ஸௌம்ய குத்ரசித்
ததோ முகுந்த³ம்ʼ ப⁴ஜ ஸம்ʼவிதே³ முதா³	 ||  11 || 
இதீத³மாதி³ஶ்ய வசோ வசஸ்வினி 
ஸ்வகே கு³ரௌ லோகமதா²ன்யமீயுஷி | 
அஸேவதாऽऽலோச்ய முஹுர்கு³ரோர்கி³ரம்ʼ
ஸ ரூப்யபீடா²லயமிந்தி³ராவரம்	 ||  12 || 
ஸுப⁴க்தினா தேன ஸ ப⁴க்தவத்ஸலோ 
நிஷேவிதஸ்தத்ர பரம்ʼ பு³பு⁴த்ஸுனா | 
ப⁴விஷ்யத​: ஶிஷ்யவராத்³தி⁴ வித்³தி⁴ மாம் 
இதி ப்ரவிஷ்ட​: புருஷம்ʼ தமப்⁴யதா⁴த்	 ||  13 || 
ப்ரதீக்ஷமாணம்ʼ தமனுக்³ரஹம்ʼ முதா³ 
நிஷேவமாணம்ʼ புனரம்பு³ஜேக்ஷணம் | 
ஸதாம்ʼ கு³ரு​: காரணமானுஷாக்ருʼதி​:
யதிம்ʼ ப்ரஶாந்தம்ʼ தமுபாஸஸாத³ ஸ​:	||  14 || 
ஸுதம்ʼ யதீந்த்³ரானுசரம்ʼ விராகி³ணம்ʼ 
நிஶம்ய ஸந்ந்யாஸநிப³த்³த⁴மானஸம் | 
ஸுவத்ஸலௌ ரூப்யதலாலயஸ்தி²தம்ʼ 
வியோக³தாந்தௌ பிதரௌ ஸமீயது​:	 ||  15 || 
வராஶ்ரமஸ்தே ஜரதோரநாத²யோ​:
ந ஜீவதோ​: ஸ்யாத³யி நந்த³னாவயோ​: | 
ஸயாசனம்ʼ வாக்யமுதீ³ர்ய தாவித³ம்ʼ 
பரீத்ய புத்ராய நதிம்ʼ விதேனது​:	 ||  16 ||  
நதிர்ந ஶுஶ்ரூஷுஜனாய ஶஸ்யதே 
நதம்ʼ ப⁴வத்³ப்⁴யாம்ʼ ஸ்பு²டமத்ர ஸாம்ப்ரதம் | 
அஹோ விதா⁴த்ரா ஸ்வயமேவ தா³பிதா
தத³ப்⁴யனுக்ஞேதி ஜகா³த³ ஸ ப்ரபு⁴​:	 ||  17 || 
அனுத்தரக்ஞ​: ஸ தமர்த²யன் புனர்-
யதீந்த்³ரமாநம்ய க³த​: ப்ரியாயுத​: | 
க்³ருʼஹே வஸன் கல்பஸமான் க்ஷணான் நயன்
ஸுதானனேந்தோ³ரனிஶம்ʼ ததோऽஸ்மரத்	 ||  18 || 
ஸ சிந்தயன் புத்ரமனோரத²ம்ʼ ஶுசா
புனஶ்ச தீர்த்வோபக³தோ மஹாநதீ³ம் | 
யதீஶ்வரானுவ்ரதமாத்மநந்த³னம்ʼ
தமைக்ஷத க்³ராமவரே மடா²ந்தரே	 ||  19 || 
ஸ ஜாதகோபாகுலிதோ த⁴ராஸுரோ 
மஹாத்மனாம்ʼ லங்க⁴னபீ⁴ருரப்யலம் | 
ஸுதஸ்ய கௌபீனத்⁴ருʼதௌ ஹி ஸாஹஸ-
ப்ரதிஶ்ரவோ மே த்³ருʼட⁴ இத்யபா⁴ஷத	 ||  20 || 
க்ஷணேன கௌபீனத⁴ரோ நிஜம்ʼ படம்ʼ 
விதா³ர்ய ஹே தாத குருஷ்வ ஸாஹஸம் | 
இதீமமுக்த்வா ப்ரபு⁴ரப்³ரவீத் புன​:
ஶுபா⁴ந்தராயம்ʼ ந ப⁴வாம்ʼஶ்சரேதி³தி 	 ||  21 || 
ந புத்ர பித்ரோரவனம்ʼ வினா ஶுப⁴ம்ʼ 
வத³ந்தி ஸந்தோ நனு தௌ ஸுதௌ ம்ருʼதௌ | 
நிவர்தமானே ந ஹி பாலகோऽஸ்தி நௌ 
த்வயீதி வக்தாரமமும்ʼ ஸுதோऽப்³ரவீத்	 ||  22 || 
யதா³ விரக்த​: புருஷ​: ப்ரஜாயதே 
ததை³வ ஸந்ந்யாஸவிதி⁴​: ஶ்ருதௌ ஶ்ருத​: | 
ந ஸங்க³ஹீனோऽபி பரிவ்ரஜாமி வாம்
அஹம்ʼ து ஶுஶ்ரூஷுமகல்பயன்னிதி	 ||  23 || 
ப³ஹுஶ்ருதத்வாத்³யதி³ தத்ஸஹே ப³லாத்
ந ஸா ஸவித்ரீ விரஹம்ʼ ஸஹேத தே | 
இதி த்³விஜேனாபி⁴ஹிதேऽநமத் ஸ தம்ʼ 
ப⁴வானனுக்ஞாம்ʼ ப்ரத³தா³த்விதி ப்³ருவன்	||  24 || 
விசிந்த்ய வித்³வான் ஸ நிருத்தரீக்ருʼத-
ஸ்ததா²ऽஸ்து மாதாऽனுவதே³த்³யதீ³தி தம் | 
உதீ³ர்ய க்ருʼச்ச்²ராது³பக³ம்ய மந்தி³ரம்ʼ
ப்ரியாஸகாஶே தமுத³ந்தமப்³ரவீத்	 ||  25 || 
நிஶாசராரேரிவ லக்ஷ்மண​: புரா 
வ்ருʼகோத³ரஸ்யேவ ஸுரேந்த்³ரநந்த³ன​: | 
க³தோ³ऽத² ஶௌரேரிவ கர்மக்ருʼத்ப்ரிய​:
ஸுப⁴க்திமான் விஶ்வவிதோ³ऽனுஜோऽப⁴வத்	 ||  26 || 
கதா³சிதா³ப்யாலயபு³த்³தி⁴ராலயம்ʼ 
நிவேத³யன் பாலகமேனமேதயோ​: | 
த்³ருʼட⁴ஸ்வஸந்ந்யாஸநிஷேத⁴நிஶ்சயாம்ʼ
த⁴வானுமத்யேத³முவாச மாதரம்	 ||  27 || 
வராஶ்ரமாப்திம்ʼ மம ஸம்ʼவத³ஸ்வ மாம்ʼ 
கதா³சித³ப்யம்ப³ யதீ³ச்ச²ஸீக்ஷிதும் | 	
யத³ன்யதா² தே³ஶமிமம்ʼ பரித்யஜன்
ந ஜாது த்³ருʼஷ்டேர்விஷயோ ப⁴வாமி வ​:	||  28 || 
இதி ப்³ருவாணே தனயே கதா³சித³ப்-
யத³ர்ஶனம்ʼ தஸ்ய ம்ருʼதேர்நித³ர்ஶனம் | 
விசிந்த்ய பர்யாகுலிதா சிகீர்ஷிதம்ʼ 
ஸுதஸ்ய க்ருʼச்ச்²ரான்ன்யருணன்ன  ஸா ஶுபா⁴	 ||  29 || 
அதோ²பக³ம்யைஷ கு³ரும்ʼ ஜக³த்³கு³ரு​:  
ப்ரஸாத்³ய தம்ʼ தே³வவரப்ரஸாதி³த​: | 
ஸதா³ ஸமஸ்தாஶ்ரமபா⁴க் ஸுரேஶ்வரோ 
விஶேஷத​: க²ல்வப⁴ஜத்³வராஶ்ரமம்	 ||  30 || 
க்ரியாகலாபம்ʼ ஸகலம்ʼ ஸ காலவித்³
விதா⁴னமார்கே³ண விதா⁴ய கேவலம் | 
ஸதா³ ப்ரஸன்னஸ்ய ஹரே​: ப்ரஸத்தயே 
முஹு​: ஸமஸ்தந்யஸனம்ʼ ஸமப்⁴யதா⁴த்	 ||  31 ||  
அனந்தமாத்ராந்தமுதா³ஹரந்தி யம்ʼ 
த்ரிமாத்ரபூர்வம்ʼ ப்ரணவோச்சயம்ʼ பு³தா⁴​: | 
ததா³ऽப⁴வத்³பா⁴விசதுர்முகா²க்ருʼதி​:
ஜபாதி⁴காரீ யதிரஸ்ய ஸூசித​:	 ||  32 || 
கு³ணானுரூபோன்னதி பூர்ணபோ³த⁴ இத்-
யமுஷ்ய நாம த்³விஜவ்ருʼந்த³வந்தி³த​: | 
உதா³ஹரத்³பூ⁴ரியஶா ஹி கேவலம்ʼ
ந மந்த்ரவர்ண​: ஸ ச மந்த்ரவர்ணக​:	 ||  33 || 
நிரங்க³ராக³ம்ʼ முக²ராக³வர்ஜிதம்ʼ 
விபூ⁴ஷணம்ʼ விஷ்டபபூ⁴ஷணாயிதம் | 
அமும்ʼ த்⁴ருʼதாஷாட⁴மவேக்ஷ்ய மேனிரே 
ஸ்வபா⁴வஶோபா⁴ऽனுபமேதி ஜந்தவ​: 	||  34 ||  
பு⁴ஜங்க³பூ⁴தேஶவிஹங்க³பாதி³கை​:
ப்ரவந்தி³த​: ஸாவஸரப்ரதீக்ஷணை​: | 
நநாம ஸோऽயம்ʼ கு³ருபூர்வகான் யதீன்
அஹோ மஹீயோ மஹதாம்ʼ விட³ம்ப³னம்	 ||  35 || 
வராஶ்ரமாசாரவிஶேஷஶிக்ஷணம்ʼ 
விதி⁴த்ஸுரஸ்யாசரிதம்ʼ நிஶாமயன் | 
விஶேஷஶிக்ஷாம்ʼ ஸ்வயமாப்ய தீ⁴ரதீ⁴​:
யதீஶ்வரோ விஸ்மயமாயதாந்தரம்	 ||  36 || 
ஸ ரூப்யபீடா²லயவாஸினே யதா³ 
நநாம நாதா²ய மஹாமதிர்முதா³ | 
ததா³ऽமுனாऽக்³ராஹி நரப்ரவேஶினா
பு⁴ஜே பு⁴ஜேனாஶு பு⁴ஜங்க³ஶாயினா	 ||  37 || 
சிராத் ஸுதத்த்வம்ʼ ப்ரபு³பு⁴த்ஸுனா த்வயா 
நிஷேவணம்ʼ மே யத³காரி தத்ப²லம் | 
இமம்ʼ த³தா³மீத்யபி⁴தா⁴ய ஸோऽமுனா 
ததா³ ப்ரணீய ப்ரத³தே³ऽச்யுதாத்மனே	 ||  38 || 
அனுக்³ரஹம்ʼ தம்ʼ ப்ரதிக்³ருʼஹ்ய ஸாத³ரம்ʼ 
முதா³ऽऽத்மனாऽऽப்தாம்ʼ க்ருʼதக்ருʼத்யதாம்ʼ ஸ்மரன் | 
அபூ⁴த³ஸங்கோ³ऽபி ஸ தத்ஸுஸங்க³வான்
அஸங்க³பூ⁴ஷா நனு ஸாது⁴ஸங்கி³தா	 ||  39 || 
யியாஸதி ஸ்வஸ்தடினீம்ʼ முஹுர்முஹு​:
நமத்யனுக்ஞார்தி²னி பூ⁴ரிசேதஸி | 
தமஸ்மரத் ஸ்வாமினமேவ தூ³னதீ⁴​:
கு³ருர்ப⁴விஷ்யத்³விரஹாக்³னிஶங்கயா	 ||  40 || 
இதஸ்த்ருʼதியே தி³வஸே த்³யுனிம்னகா³ 
த்வத³ர்த²மாஸ்மாகதடாகமாவ்ரஜேத் | 
அதோ ந யாயா இதி தம்ʼ ததா³ऽவத³த்
ப்ரவிஶ்ய கஞ்சித் கருணாகரோ ஹரி​:	||  41 ||  
ததா³க்ஞயோபாக³தஜாஹ்னவீஜலே 
ஜனோऽத்ர ஸஸ்னௌ ஸஹ பூர்ணபு³த்³தி⁴னா | 
தத​: பரம்ʼ த்³வாத³ஶவத்ஸராந்தரே 
ஸதா³ऽऽவ்ரஜேத் ஸா தத³னுக்³ரஹாங்கினீ	 ||  42 || 
க³தே தி³னானாம்ʼ த³ஶகே ஸமாஸகே 
வராஶ்ரமம்ʼ ப்ராப்ய ஸபத்ரலம்ப³னம் | 
ஜிகா³ய ஜைத்ரான்ப³ஹுதர்ககர்கஶான்
ஸ வாஸுதே³வாஹ்வயபண்டி³தாதி³கான்	 ||  43 || 
கு³ரோ​: ஸ்வஶிஷ்யம்ʼ சதுரம்ʼ சிகீர்ஷத​: 
ப்ரசோத³னாச்ச்²ரோதுமிஹோபசக்ரமே | 
அதே²ஷ்டஸித்³தி⁴ஶ்ச²லஜாதிவாரிதி⁴​:
நிராத³ரேணாபி மஹாத்மனாऽமுனா	 ||  44 || 
ததா³த்³யபத்³யஸ்த²மவத்³யமண்ட³லம்ʼ 
யதா³ऽவத³த் ஷோட³ஶகத்³வயாத்மகம் | 
உபர்யபாஸ்தம்ʼ ததி³தி ப்³ருவத்யஸௌ 
கு³ரௌ தமூசே ப்ரணிக³த்³யதாமிதி	 ||  45 || 
ப⁴வத்ப்ரவக்த்ருʼத்வஸமர்த²தா ந மே 
ஸகோபமித்த²ம்ʼ ப்³ருவதி வ்ரதீஶ்வரே | 
அபீஹ மாயாஸமயே படௌ ந்ருʼணாம்ʼ 
ப³பூ⁴வ தத்³தூ³ஷணஸம்ʼஶயாங்குர​: 	||  46 || 
பு³தோ⁴ऽபி⁴தா⁴னம்ʼ ஶ்ரவணம்ʼ பு³தே⁴தரோ 
த்⁴ருவம்ʼ வித³த்⁴யாத்³ விமுமுக்ஷுராத்மன​: | 
யதிர்விஶேஷாதி³தி லோகசோத³னாத்
ப்ரவக்தி மாயாஸமயம்ʼ ஸ்ம பூர்ணதீ⁴​:	 ||  47 || 
அக²ண்டி³தோபன்யஸனம்ʼ விஸம்ʼஶயம்ʼ 
ஸஸம்ப்ரதா³யம்ʼ ப்ரவசோ த்³ருʼடோ⁴த்தரம் | 	
ஸமாக³மன் ஶ்ரோதுமமுஷ்ய ஸாக்³ரஹா​:
ஜனா​: ஶ்ருதாட்⁴யாஶ்சதுரா பு³பூ⁴ஷவ​:	||  48 || 
கு³ரோருபாந்தே ஶ்ரவணே ரதைர்த்³விஜை​: 
ஸ பஞ்சஷைர்பா⁴க³வதே கதா³சன | 
ப³ஹுப்ரகாரே லிகி²தேऽபி வாசிதே 
ப்ரகாரமேகம்ʼ ப்ரபு⁴ரப்⁴யதா⁴த்³த்³ருட⁴ம்	||  49 || 
பரப்ரகாரேஷ்வபி ஸம்ப⁴வத்ஸு தே 
விநிர்ணயோऽஸ்மின் கத²மித்யுதீ³ரிதே | 
முகுந்த³போ³தே⁴ன மஹாஹ்ருʼத³ப்³ரவீத்
ப்ரகாரமேனம்ʼ ப⁴க³வத்க்ருʼதம்ʼ ஸ்பு²டம் 	 ||  50 || 
நிக³த்³யதாம்ʼ க³த்³யமிஹைவ பஞ்சமே 
ஜக³த்³கு³ரோர்வேத்த² க்ருʼதிஸ்தி²திம்ʼ யதி³ | 
இதி ப்³ருவாணே யதிஸத்தமே ஸ்வயம்ʼ 
தது³க்தமார்கே³ண ஜகா³த³ பூ⁴ரிஹ்ருʼத்	 ||  51 || 
அஶேஷஶிஷ்யைஶ்ச ததா³க்ஞயா ததா³ 
பரீக்ஷணாயைக்ஷி ஸமஸ்தபுஸ்தகம் | 
ஸ தத்ர ஹந்தைகதமே ஸ்தி²தம்ʼ த்யஜன் 
ந தாவத³த்⁴யாயநிகாயமப்⁴யதா⁴த்	 ||  52 || 
அத்ர ஜன்மனி ந யத்படி²தம்ʼ தே 
ஜைத்ர பா⁴தி கத²மித்யமுனோக்தே | 
பூர்வஜன்மஸு ஹி வேத³ புரேத³ம்ʼ 
ஸர்வமித்யமிதபு³த்³தி⁴ருவாச	 ||  53 || 
இதி ப³ஹுவித⁴விஶ்வாஶ்சர்யசித்தப்ரவ்ருʼத்தே:
ஜக³தி விததிமாபன்னூதனாऽப்யஸ்ய கீர்தி​: | 
க்ஷபிததததமஸ்கா பா⁴ஸ்கரீவ ப்ரபா⁴ऽலம்ʼ
ஸுஜனகுமுத³வ்ருʼந்தா³னந்த³தா³ சந்த்³ரிகேவ	 ||  54 || 
||  இதி ஶ்ரீமத்கவிகுலதிலக-ஶ்ரீத்ரிவிக்ரமபண்டி³தாசார்யஸுத-
ஶ்ரீநாராயணபண்டி³தாசார்ய-விரசிதே 
ஶ்ரீமத்ஸுமத்⁴வவிஜயே மஹாகாவ்யே 
ஆனந்தா³ங்கே சதுர்த²​: ஸர்க³​: ||