அத² த்³விதீய ஸர்க³:
விக்ஞான-பா⁴னுமதி கால-ப³லேன லீனே 
து³ர்பா⁴ஷ்ய-ஸந்தமஸ-ஸந்ததி-தோ ஜனேந்(அ)தே⁴ | 
மார்கா³த் ஸதாம் ஸ்க²லதி கி²ன்ன ஹ்ருʼதோ³ முகுந்த³ம் 
தே³வாஶ்சதுர்முக²-முகா²: ஶரணம் ப்ர-ஜக்³மு:	|| 1 ||
நாத²: கலௌ த்ரி-யுக³-ஹூதிரனுத்³-பு³பூ⁴ஷு: 
ப்³ரஹ்மாணமப்யனவதாரமனாதி³தி³க்ஷு: | 
ஸர்வக்ஞமன்யமனவேக்ஷ்ய ஸ கார்ய-வீர்யம் 
ஸ்மேரானனோ பு⁴வன-ஜீவனமாப³பா⁴ஷே	|| 2 ||
வேதா³ந்த-மார்க³-பரிமார்க³ண-தீ³ன-தூ³னா: 
தை³வீ: ப்ரஜா விஶரணா: கருணா-பத³ம் ந: | 
ஆனந்த³யே: ஸு-முக² பூ⁴ஷித-பூ⁴மி-பா⁴கோ³ 
ரூபாந்தரேண மம ஸத்³-கு³ண-நிர்ணயேன	|| 3 ||
ஆதே³ஶ-மௌலி-மணிமுஜ்ஜ்வல-வர்ணமேனம் 
ப³த்³தா⁴ஞ்ஜலிர்மருத³னர்க⁴(ர்க்⁴ய)மத⁴த்த மூர்த்⁴னா |
ஹாராவலீமிவ ஹ்ருʼதா³ விபு³தே⁴ந்த்³ர-யாஞ்சாம் 
பி³ப்⁴ரன்-நிஜானனு-ஜிக்⁴ருʼக்ஷுரவாதிதீர்ஷத்	|| 4 ||
கால: ஸ ஏவ ஸமவர்தத நாம யாவத் 
சிந்தாகுலம் விவித⁴-ஸாது⁴-குலம் ப³பூ⁴வ | 
வேதா³ந்த-ஸந்தத-க்ருʼதாந்த-ரஸம் ந வித்³ம: 
ஶ்ரேயோ லபே⁴மஹி கத²ம் நு வயம் ப³தேதி	|| 5 ||
தத்-ப்ரீதயே ரஜத-பீட²-புராதி⁴வாஸீ 
தே³வோ விவேஶ புருஷம் ஶுப⁴-ஸூசனாய | 
ப்ராப்தே மஹாய மஹிதாய மஹா-ஜனௌகே⁴ 
கோலாஹலேன ஸ-(ஸூ)குதூஹலினி ப்ரவ்ருʼத்தே	|| 6 ||
ஆவிஷ்டவானகுஶலம் புருஷம் ப்ரக்ருʼத்யா 
ப்ரத்யாயயன் நிஜஜனான் நிதராமந்ருʼத்யத் | 
உத்துங்க³-கேது-ஶிக²ரே ஸ க்ருʼதாங்க³-ஹாரோ 
ரங்கா³ந்தரே நட இவாகி²ல-விஸ்மயாத்மா	|| 7 ||
ஆபா⁴ஷ்ய ஸோ(அ)த்ர ஜனதாம் ஶபதா²னுவித்³த⁴ம் 
உச்சைரித³ம் வசனமுத்³த்⁴ருʼத-தோ³ர்ப³பா⁴ஷே | 
உத்பத்ஸ்யதே ஜக³தி விஶ்வ-ஜனீன-வ்ருʼத்தி: 
விஶ்வக்ஞ ஏவ ப⁴க³வானசிராதி³ஹேதி	|| 8 ||
ஸ-த்³வீப-வாரி-நிதி⁴-ஸப்தக-பூ⁴த-தா⁴த்ர்யா 
மத்⁴யே(அ)பி கர்ம-பு⁴வி பா⁴ரத நாம க²ண்டே³ | 
காலே கலௌ ஸு-விமலான்வய-லப்³த⁴-ஜன்மா 
ஸன்மத்⁴யகே³ஹ-குல-மௌலி-மணிர்த்³விஜோ(அ)பூ⁴த்	|| 9 || 
வேதா³த்³ரி-ஸத்³ரஜத-பீட²-புரேஶ்வராப்⁴யாம் 
க்³ராமோ விபூ⁴ஷித-தர: ஶிவ-ரூப்ய-நாமா | 
ஹேமாத்³ரி-ராஜ-விபு⁴-ராஜதி³ளா-வ்ருʼதாப⁴: 
தஸ்யாப⁴வத்³ கு³ரு-கு³ண: க²லு மூல-பூ⁴மி:	|| 10 ||
ராமாதி⁴வேஶித-ஹரி-ஸ்வஸ்ருʼ-மௌலி-மாலா-
ராஜத்³-விமான-கி³ரி-ஶோபி⁴தமத்⁴யுவாஸ | 
க்ஷேத்ரம் ஸ பாஜக-பத³ம் த்ரி குலைக-கேது: 
கம் யத்³ த³தா⁴தி ஸததம் க²லு விஶ்வ-பாஜாத்	|| 11 ||
அர்த²ம் கமப்யனவமம் புருஷார்த² ஹேதும் 
பும்ஸாம் ப்ரதா³துமுசிதாமுசித-ஸ்வரூபாம் | 
கன்யாம் ஸுவர்ண-லஸிதாமிவ வேத³-வித்³யாம் 
ஜக்³ராஹ விப்ர-வ்ருʼஷப⁴ ப்ரதிபாதி³தாம் ஸ:	|| 12 ||
ரேமே(அ)ச்ச²யோபநிஷதே³வ மஹா-விவேகோ 
ப⁴க்த்யேவ ஶுத்³த⁴-கரண: பரம-ஶ்ரிதா(அ)லம் | 
மித்²யாபி⁴மான-ரஹித: பரயேவ முக்த்யா 
ஸ்வானந்த³-ஸந்ததி-க்ருʼதா ஸ தயா த்³விஜேந்த்³ர:	|| 13 ||
தஸ்ய ப்ரபோ⁴ஶ்சரணயோ: குல-தே³வதாயா: 
ப⁴க்திம் ப³ப³ந்த⁴ நிஜ-த⁴ர்ம-ரத: ஸ தீ⁴ர: | 
விக்ஞாத-பா⁴ரத-புராண-மஹா-ரஹஸ்யம் 
யம் ப⁴ட்ட இத்யபி⁴வத³ந்தி ஜனா வினீதம்	|| 14 ||
கோ³விந்த³-ஸுந்த³ர-கதா²-ஸுத⁴யா ஸ ந்ரூʼணாம் 
ஆனந்த³யன்ன கில கேவலமிந்த்³ரியாணி | 
கிந்து ப்ரபோ⁴ ரஜத-பீட²-புரே பதா³ப்³ஜம் 
ஶ்ரீ-வல்லப⁴ஸ்ய ப⁴ஜதாமபி தை³வதானாம்	|| 15 ||
இத்த²ம் ஹரேர்கு³ண-கதா²-ஸுத⁴யா ஸு-த்ருʼப்தோ 
நைர்கு³ண்ய-வாதி³ஷு ஜனேஷ்வபி ஸாக்³ரஹேஷு | 
தத்வே ஸ கால-சல-தீ⁴ரதி-ஸம்ஶயாலு: 
தீ⁴மான் தி⁴யா ஶ்ரவண-ஶோதி⁴தயா ப்ரத³த்⁴யௌ	|| 16 ||
த்ராதா ய ஏவ நரகாத் ஸ ஹி புத்ர-நாமா 
முக்²யாவனம் ந ஸுலப⁴ம் புருஷாத³பூர்ணாத் | 
தஸ்மாத் ஸமஸ்த-வித³பத்யமவத்³ய-ஹீனம் 
வித்³யாகராக்ருʼதி லபே⁴மஹி கைருபாயை:	|| 17 ||
பூர்வே(அ)பி கர்த³ம-பராஶர-பாண்டு³-முக்²யா: 
யத்-ஸேவயா கு³ண-க³ணாட்⁴யமபத்யமாபு: | 
தம் பூர்ண-ஸத்³கு³ண-தனும் கருணாம்ருʼதாப்³தி⁴ம் 
நாராயணம் குல-பதிம் ஶரணம் வ்ரஜேம	|| 18 ||
இத்த²ம் விசிந்த்ய ஸ விசிந்த்யமனன்ய ப³ந்து⁴: 
ப்ரேஷ்ட²-ப்ரத³ம் ரஜத-பீட²-புராதி⁴வாஸம் | 
ப⁴க்த்யா ப⁴வாப்³தி⁴-ப⁴ய-ப⁴ங்க³-த³யா ஶுபா⁴த்மா 
பே⁴ஜே பு⁴ஜங்க³-ஶயனம் த்³வி-ஷட³ப்³த³-காலம்	|| 19 ||
பத்ன்யா ஸமம் ப⁴க³வத: ஸ ப⁴ஜன் பதா³ப்³ஜம் 
போ⁴கா³ன் லகூ⁴னபி புனர்லக⁴யாஞ்சகார | 
தா³ந்தம் ஸ்வயம் ச ஹ்ருʼத³யம் த³மயாஞ்சகார 
ஸ்வச்ச²ம் ச தே³ஹமதி⁴கம் விமலீசகார	|| 20 ||
தீவ்ரை: பயோ-வ்ரத-முகை²ர்விவிதை⁴: வ்ரதாக்³ர்யை: 
ஜாயா-பதீ கு³ண-க³ணார்ணவ-புத்ர-காமௌ | 
ஸம்பூர்ண-பூருஷமதோஷயதாம் நிதாந்தம் 
தே³வேரிதாவிவ புராதி³திகஶ்யபௌ தௌ	|| 21 ||
நாத²ஸ்ய பூ⁴ரி-கருணா-ஸுத⁴யா(அ)பி⁴ஷிக்தௌ 
ஶ்ரீ-ஶ்ரீத⁴ர-ப்ரததி-ஶார-ஶரீர-யஷ்டீ | 
பூ⁴ரி-வ்ரத-ப்ரப⁴வ-தி³வ்ய-ஸு-காந்திமந்தௌ 
தௌ தே³ஹ-ஶுத்³தி⁴மதி-மாத்ரமதா²லபே⁴தாம்	|| 22 ||
காந்தாத்³ருʼதௌ ஸமுசிதே(அ)த² ப³பா⁴ர க³ர்ப⁴ம் 
ஸா பூ⁴-ஸுரேந்த்³ர-து³ஹிதா ஜக³தாம் ஸுகா²ய | 
அச்சா²ம்ப³ரேவ ரஜனீ பரிபூரிதாஶா 
பா⁴வின்யபாஸ்த-தமஸம் விது⁴மாத்³ய-பக்ஷாத்	|| 23 ||
தம் பூர்வ-பக்ஷ-ஸித-பி³ம்ப³மிவ ப்ரவ்ருʼத்³த⁴ம் 
யாவத்³ த்³விஜேந்த்³ரவனிதா ஸுஷுவே(அ)த்ர தாவத் | 
அம்ஶேன வாயுரவதீர்ய ஸ ரூப்ய-பீடே² 
விஷ்ணும் ப்ரணம்ய ப⁴வனம் ப்ரயயௌ ததீ³யம்	|| 24 ||
ஸம்பூர்ண-லக்ஷண-சணம் நவ-ராஜமான 
த்³வாராந்தரம் பரம-ஸுந்த³ர-மந்தி³ரம் தத் | 
ராஜேவ ஸத்-புர-வரம் பு⁴வனாதி⁴-ராஜோ 
நிஷ்காஸயன் பரமஸௌ ப⁴க³வான் விவேஶ	|| 25 ||
ஸந்துஷ்யதாம் ஸகல-ஸன்னிகரைரஸத்³பி⁴: 
கி²த்³யேத வாயுரயமாவிரபூ⁴த் ப்ருʼதி²வ்யாம் | 
ஆக்²யானிதீவ ஸுர-து³ந்து³பி⁴-மந்த்³ர-நாத³: 
ப்ராஶ்ராவி கௌதுக-வஶைரிஹ மானவைஶ்ச	|| 26 ||
நாத²ம் நிஷேவ்ய ப⁴வனானதி-தூ³ரமாப்த: 
ப்ராக்ஞோ மஹ-ப்ரக்ருʼத-து³ந்து³பி⁴-நாத³-பூர்வாத் | 
புத்ரோத்³ப⁴வ-ஶ்ரவணதோ மஹதா³ப்ய ஸௌக்²யம் 
க்ஞானம் பரோக்ஷ-பத³மப்யமதேஷ்டஹேதும்	|| 27 ||
ஆவிஶ்ய வேஷ்ம நிஜ-நந்த³னமிந்து³-வக்த்ரம் 
பூ⁴யோ(அ)பி⁴நந்த்³ய ஸ முகுந்த³-த³யாம் ப்ரவந்த்³ய | 
ஜாதஸ்ய தஸ்ய கு³ண-ஜாத-வஹஸ்ய ஜாத-
கர்மாதி³-கர்ம-நிவஹம் வித³தே⁴ ஸு-கர்மா	|| 28 ||
க்ஞானார்த²மேவ யத³பூ⁴த³ஸு-தே³வ ஏஷ: 
யத்³ வாஸுதே³வ-பத³-ப⁴க்தி-ரத: ஸதா³(அ)ஸௌ | 
தத்³ வாஸுதே³வ-பத³மன்வவத³ன் ஸுரேந்த்³ரா: 
தாதேன யன்நிக³தி³தம் ஸுத-நாம-கர்த்ரா	|| 29 ||
பாதும் பயாம்ஸி ஶிஶவே கில கோ³-ப்ரதோ³(அ)ஸ்மை 
பூர்வாலய: ஸ்வ-ஸுத-ஸூனுதயா ப்ரஜாத: | 
நிர்வாண-ஹேதுமலபி⁴ஷ்ட பராத்ம-வித்³யாம் 
தா³னம் த்⁴ருவம் ப²லதி பாத்ர-கு³ணானுகூல்யாத்	|| 30 ||
அத்ரஸ்தமேவ ஸததம் பரி-பு²ல்ல-சக்ஷு: 
காந்த்யா விட³ம்பி³த-நவேந்து³ ஜக³த்யனர்க⁴ம் | 
தத் புத்ர-ரத்னமுப-க்³ருʼஹ்ய கதா³சிதா³ப்த: 
ஸ்வ-ஸ்வாமினே பு³த⁴ உபாயனமார்பயத் ஸ:	|| 31 ||
நத்வா ஹரிம் ரஜத-பீட²-புராதி⁴வாஸம் 
பா³லஸ்ய ஸம்பத³மனாபத³மர்த²யித்வா | 
ஸாகம் ஸுதேன பரிவார-ஜனான்விதோ(அ)ஸௌ 
ப்ராயான்னிஶீத²-ஸமயே நிஜமேவ தா⁴ம	|| 32 || 
தோ³ஷேயுஷாம் ஸமமனேன வனே(அ)திபீ⁴மே 
தத்-க்ரீடி³த-க்³ரஹ இஹைக-தமம் துதோத³ | 
உத்³வாந்த-ரக்தமவலோக்ய தமப்⁴யதா⁴யி 
கேனாப்யஹோ ந ஶிஶு-துத் கத²மேஷ இத்த²ம்	|| 33 ||
ஆவிஶ்ய பூருஷமுவாச மஹா-க்³ரஹோ(அ)ஸௌ 
அஸ்மத்³-விஹார-ஸமயோப-க³தான் ஸமஸ்தான் | 
யச்ச²க்தி-கு³ப்தி-ரஹிதானலமஸ்மி ஹந்தும் 
லோகேஶ்வர: ஸ ப³த பா³ல-தம: கிலேதி	|| 34 ||
ஸ்தன்யேன பா³லமனு-தோஷ்ய முஹு: ஸ்வ-தா⁴ம்னோ 
மாதா கதா³சன யயௌ விரஹாஸஹா(அ)பி | 
விஶ்வஸ்ய விஶ்வ-பரி-பாலக-பாலனாய 
கன்யாம் நிஜாமனு-கு³ணாம் கில பீ⁴ருரேஷா	|| 35 ||
ஸா பா³லகம் ப்ரருதி³தம் பரி-ஸாந்த்வயந்தீ 
முக்³தா⁴க்ஷரேண வசஸா(அ)னு-நினாய முக்³தா⁴ | 
மா தாத தாத ஸுமுகே²தி புன: ப்ரரோதீ³: 
மாதா தனோதி ருசிதம் த்வரிதம் தவேதி	|| 36 ||
ரோதே³ க்ரியா-ஸமபி⁴-ஹாரத ஏவ வ்ருʼத்தே: 
போதஸ்ய மாதரி சிராத³பி நா(அ)க³தாயாம் | 
ஜக்³ராஹ பா³லமத² சைக்ஷத மாத்ருʼ-மார்க³ம் 
ஸா(அ)பி க்ரியா-ஸமபி⁴-ஹாரத ஏவ பா³லா	|| 37 ||
கர்தவ்ய-மௌட்⁴யமபி⁴-பத்³ய நிரூப்ய ஸா தம் 
ப்ராபோ⁴ஜயத் க²லு குலித்த²-குலம் ப்ர-பக்வம் | 
ஶீதம் பயோ(அ)பி ஸததம் பரி-பாயயந்தீ 
யஸ்யோஷ்ண-ரோக³மதி-வேலமஶங்கதாம்பா³	|| 38 ||
நூனம் பிபாஸுரதி-ரோதி³தி ஹந்த பா³லோ 
தி⁴ங் மாம் த³யா-விரஹிதாம் பர-க்ருʼத்ய-ஸக்தாம்
இத்யாகுலா க்³ருʼஹமுபேத்ய ததா³ ப்ரஸன்னம் 
பூர்ணோத³ரம் ஸுதமவைக்ஷத விப்ர-பத்னீ	|| 39 ||
ப்ருʼஷ்ட்வா(அ)வக³ம்ய ஸகலம் ச தத: ப்ர-வ்ருʼத்தம் 
யூனாம் ச து³ஸ்ஸஹமித³ம் ஶிஶுனோப-பு⁴க்தம் | 
இத்த²ம் விசிந்த்ய தனயாம் ப³ஹு ப⁴த்ஸயந்த்யா 
பீ⁴தம் தயோத குபிதம் மனஸா(அ)னு-தப்தம்	|| 40 ||
ஆரோக்³ய-ஶாலினி ததா³(அ)பி புரேவ புத்ரே 
விஸ்மேரதாமுப-ஜகா³ம ஜனன்யமுஷ்ய | 
யஸ்ய த்ரிலோக-ஜனனீ ஜனனீ விஷே(அ)பி 
பீதே ந விஸ்மயமவாப ஸமஸ்த-ஶக்தே:	|| 41 ||
ஸ்தன்யம் முஹு: கில த³தௌ³ ஜனனீ க்³ருʼஹீத்வா 
க்ஷேமாய தம் கில த³த⁴ஜ்ஜனகோ ஜஜாப | 
அன்யோ ஜனோ(அ)பி கில லாலயதி ஸ்ம கிந்து 
ஸர்வோ(அ)பி தன்முக²-ஸு-ஹாஸ-ரஸாயனோத்க:	|| 42 ||
தே³வாதி³-ஸத்³பி⁴ரனு-பாலிதயா(அ)(அ)த³ரேண  
தே³வ்யாத்மனேவ விலஸத்-பத³யா நிதாந்தம் | 
அவ்யக்தயா ப்ரத²மதோ வத³னே(அ)ஸ்ய வாண்யா 
ஶாலீனயேவ பு⁴வனார்சிதயா விஜஹ்ரே	|| 43 ||
ப்ராக்³-ரிங்க²ணம் ஸ்வயமத² ஸ்தி²திமேஷ சக்ரே 
பஶ்சாத்³ க³திம் பரி-சயேன கில க்ரமேண | 
விஶ்வஸ்ய சேஷ்டிதமஹோ யத³னுக்³ரஹேண 
ஸர்வம் தத³ஸ்ய பவனஸ்ய விட³ம்ப³னம் ஹி	|| 44 ||
புச்சா²ந்தமச்ச²மவ-லம்ப்³ய கதா³-சிதே³ஷ: 
ப்ராதர்வ்ரஜாத்³ வ்ரஜத ஏவ நிஜர்ஷப⁴ஸ்ய | 
ப்ராயாத் ப்ரியஸ்ய ஸஹஸா ஸ்வ-ஜனைரத்³ருʼஷ்டோ 
நானா-வனேஷு சரதஶ்சரதஸ்த்ருʼணானி	|| 45 ||
உத்துங்க³-ஶ்ருʼங்க³லஸிதஸ்ய மஹிஷ்ட²-மூர்தே: 
பாதா³வ்ருʼதாவனி-தளஸ்ய ஸு-ரந்த்⁴ரகஸ்ய | 
ஆஶ்ரித்ய தஸ்ய ஶுஶுபே⁴(அ)வயவைக-தே³ஶம் 
பா³லோ தி³வா-கர இவோத³ய-பர்வதஸ்ய	|| 46 ||
லீலாம் கரோதி நு க்³ருʼஹாந்தர-கோ³ நு பா³ல: 
கூபாந்தரே நு பதித: ப்ரக்ருʼதி-ஸ்வதந்த்ர: | 
இத்த²ம் வி-சிந்த்ய ஸ முஹு: ஸ்வஜனோ விம்ருʼக்³ய 
ஹந்தானவேக்ஷ்ய தனயம் ஹ்ருʼதி³ தாபமாப	|| 47 ||
பா³லஸ்ய பா³ல-பரி-லம்ப³ன-கோ³சரம் தத்³ 
வ்யஶ்வஸ்யதாபி வசனம் வன-கோ³சரோக்தம் | 
யத் ஸாயமைக்ஷத ஜன: ஶிஶுமா-வ்ரஜந்தம் 
ஏகாப்³த³கம் வ்ருʼஷப⁴-பா³ல-க்ருʼதாவ-லம்ப³ம்	|| 48 ||
சிந்தா-மணீந்த்³ரமிவ சிந்தித-த³ம் த³ரித்³ரோ 
விக்ஞான-மார்க³மிவ விஷ்ணு-பரம் முமுக்ஷு: | 
நஷ்டம் ச நந்த³னமிதி ஸ்வ-ஜனோ(அ)ஸ்ய லப்³த்⁴வா 
நாத²ஸ்ய தஸ்ய தமனு-க்³ரஹமேவ மேனே	|| 49 ||
லீலாவஸான-ஸமயே ஸஹஸா கதா³சித்³ 
ஆர்யோ(அ)முனா(அ)ப்⁴யவ-ஹ்ருʼதிம் ப்ரதி சோத்³யமான: | 
ரோத்³தை⁴ஷ நோ(அ)ஸ்தி த⁴னிகோ வ்ருʼஷ-விக்ரயீதி 
ப்ரோவாச நந்த³ன-முகே²ந்து³மவேக்ஷ்ய மந்த³ம்	|| 50 ||
லீலா-கரேண ஸ கரேண ஸு-கோமலேன 
பீ³ஜாந்தராணி கில கானி-சிதா³ஶு தஸ்மை | 
ஸ்மித்வா(அ)ர்ப⁴கோ(அ)பி⁴மத-நிஷ்க-பதே³ யதா³(அ)தா³த்³ 
ஆத³த்த தானி த⁴னிகோ ப³ஹுமான-பூர்வம்	|| 51 ||
லப்³த⁴ம் ஸுதாதி³தி வத³ன் த்³விஜ-புங்க³வேன 
காலாந்தரே நிஜ-த⁴னே ப்ரதிதி³த்ஸிதே(அ)பி | 
ஸாக்ஷாத³மானவ-நவாக்ருʼதி-த: ஸ லேபே⁴ 
பீ³ஜ-ச்ச²லேன புருஷார்த²மஹோ விஶிஷ்டம்	|| 52 ||
வாஸு-தே³வமிஹ வாஸு-தே³வதா 
ஸத்-கலாமபி⁴-நனந்த³ தம் ஜன: | 
வாஸு-தே³வமிதி வாஸு-தே³வ-ஸன்-
நாமகம் விவித⁴-லீலமர்ப⁴கம்	|| 53 ||
இதி விஹரதி மஹ்யாம் விஷ்ணு-தா³ஸே(அ)பி கூ³டே⁴ 
ஸமஜனி ஸு-ஜனானாம் சித்தமானந்த³-பூர்ணம் | 
உத³யதி க⁴னமாலா-லீன-பா⁴னௌ ச பா⁴னௌ
நனு ஜன-நயனாப்³ஜைர்லப்⁴யதே(அ)லம் விகாஸ:	|| 54 ||
|| இதி ஶ்ரீமத்-கவிகுல-திலக-ஶ்ரீ-த்ரிவிக்ரம-பண்டி³தாசார்ய-ஸுத-ஶ்ரீநாராயண-பண்டி³தாசார்ய-விரசிதே ஶ்ரீமத்-ஸுமத்⁴வ-விஜயே மஹாகாவ்யே ஆனந்தா³ங்கே த்³விதீய​: ஸர்க³​: ||