அத² ப்ரத²ம: ஸர்க³: 
காந்தாய கல்யாண-கு³ணைக-தா⁴ம்னே 
நவ-த்³யுனாத²-ப்ரதிம-ப்ரபா⁴ய  | 
நாராயணாயாகி²ல-காரணாய 
ஶ்ரீ-ப்ராண-நாதா²ய நமஸ்கரோமி 	|| 1 ||
அனாகுலம் கோ³குலமுல்லலாஸ 
யத்-பாலிதம் நித்யமனாவிலாத்ம | 
தஸ்மை நமோ நீரத³-நீல-பா⁴ஸே 
க்ருʼஷ்ணாய க்ருʼஷ்ணா-ரமண-ப்ரியாய || 2 ||
அபி த்ரிலோக்யா ப³ஹிருல்லஸந்தீ 
தமோ ஹரந்தீ முஹுராந்தரம் ச  | 
தி³ஶ்யாத்³ த்³ருʼஶம் நோ விஶதா³ம் ஜயந்தீ 
மத்⁴வஸ்ய கீர்திர்தி³ன-நாத²-தீ³ப்திம்	|| 3 ||
தமோ-நுதா³(அ)(அ)னந்த³மவாப லோக: 
தத்வ-ப்ரதீ³பாக்ருʼதி-கோ³-க³ணேன | 
யதா³ஸ்ய-ஶீதாம்ஶு-பு⁴வா கு³ரூம்ஸ்தான் 
த்ரிவிக்ரமார்யான் ப்ரணமாமி வர்யான்	|| 4 ||
முகுந்த³-ப⁴க்த்யை கு³ரு-ப⁴க்தி-ஜாயை 
ஸதாம் ப்ரஸத்த்யை ச நிரந்தராயை | 
க³ரீயஸீம் விஶ்வ-கு³ரோர்விஶுத்³தா⁴ம் 
வக்ஷ்யாமி வாயோரவதார-லீலாம்	|| 5 ||
தாம் மந்த்ர-வர்ணைரனு-வர்ணனீயாம் 
ஶர்வேந்த்³ர-பூர்வைரபி வக்து-காமே | 
ஸங்க்ஷிப்னு-வாக்யே மயி மந்த³-பு³த்³தௌ⁴ 
ஸந்தோ கு³ணாட்⁴யா: கருணாம் க்ரியாஸு:	|| 6 ||
உச்சாவசா யேன ஸமஸ்த-சேஷ்டா: 
கிம் தத்ர சித்ரம் சரிதம் நிவேத்³யம் | 
கிந்தூத்தம-ஶ்லோக-ஶிகா²-மணீனாம் 
மனோ-விஶுத்³த்⁴யை சரிதானு-வாத³:	|| 7 ||
மாலா-க்ருʼதஸ்தச்சரிதாக்²ய-ரத்னை: 
அஸூக்ஷ்ம-த்³ருʼஷ்டே: ஸ-குதூஹலஸ்ய | 
பூர்வாபரீகாரமதா²பரம் வா 
க்ஷாம்யந்து மே ஹந்த முஹுர்மஹாந்த:	|| 8 ||
ஶ்ரீ-வல்லபா⁴க்ஞாம் ஸ-ஸுரேந்த்³ர-யாஞ்சாம் 
ஸம்பா⁴வ்ய ஸம்பா⁴வ்ய-தமாம் த்ரிலோக்யாம் | 
ப்ராணேஶ்வர: ப்ராணி-க³ண-ப்ரணேதா 
கு³ரு: ஸதாம் கேஸரிணோ க்³ருʼஹே(அ)பூ⁴த்	|| 9 ||
யே-யே கு³ணா நாம ஜக³த்-ப்ரஸித்³தா⁴: 
யம் தேஷு தேஷு ஸ்ம நித³ர்ஶயந்தி | 
ஸாக்ஷான்-மஹா-பா⁴க³வத-ப்ரப³ர்ஹம் 
ஶ்ரீமந்தமேனம் ஹனுமந்தமாஹு:	|| 10 ||
கர்மாணி குர்வன் பரமாத்³பு⁴தானி 
ஸபா⁴ஸு தை³வீஷு ஸபா⁴ஜிதானி | 
ஸுக்³ரீவ-மித்ரம் ஸ ஜக³த்-பவித்ரம் 
ரமா-பதிம் ராம-தனும் த³த³ர்ஶ	|| 11 ||
பாதா³ரவிந்த³-ப்ரணதோ ஹரீந்த்³ர: 
ததா³ மஹாப⁴க்தி-ப⁴ராபி⁴னுன்ன: | 
அக்³ராஹி பத்³மோத³ர-ஸுந்த³ராப்⁴யாம் 
தோ³ர்ப்⁴யாம் புராணேன ஸ பூருஷேண	|| 12 ||
அதா³ர்ய-ஸாலாவலி-தா³ரணேன 
வ்யாபாதி³தேந்த்³ர-ப்ரப⁴வேன தேன | 
ப்ராத்³யோதனி-ப்ரீதி-க்ருʼதா நிகாமம் 
மது⁴த்³விஷா ஸந்தி³தி³ஶே ஸ வீர:	|| 13 ||
கர்ணாந்தமானீய கு³ண-க்³ரஹீத்ரா 
ராமேண முக்தோ ரண-கோவிதே³ன | 
ஸ்பு²ரன்னஸௌ வைரி-ப⁴யங்கரோ(அ)பூ⁴த் 
ஸத்-பக்ஷபாதீ ப்ரத³ரோ யதா²(அ)க்³ர்ய:	|| 14 ||
கோ³பி⁴: ஸமானந்தி³த-ரூபஸீத: 
ஸ்வ-வஹ்னி-நிர்த³க்³த⁴-பலாஶி-ராஶி: | 
அஹோ ஹனூமன்-நவ-வாரிதோ³(அ)ஸௌ 
தீர்ணாம்பு³தி⁴ர்விஷ்ணு-பதே³ நநாம	|| 15 ||
அபக்ஷ-பாதீ புருஷஸ்த்ரிலோக்யாம் 
அபோ⁴க³-போ⁴க்தா பதகா³தி⁴-ராஜம் | 
விஶ்வம்ப⁴ரம் பி³ப்⁴ரத³ஸௌ ஜிகா³ய 
த்வரா-பராக்ராந்திஷு சித்ரமேதத்	|| 16 ||
நிப³த்³த்⁴ய ஸேதும் ரகு⁴-வம்ஶ-கேது-
ப்⁴ரூ-ப⁴ங்க³-ஸம்ப்⁴ராந்த-பயோதி⁴-மத்⁴யே | 
முஷ்டி-ப்ரஹாரம் த³ஶ-காய ஸீதா-
ஸந்தர்ஜனாக்³ர்யோத்தரமேஷகோ(அ)தா³த்	|| 17 ||
ஜாஜ்வல்யமானோஜ்ஜ்வல-ராக⁴வாக்³னௌ 
சக்ரே ஸ ஸுக்³ரீவ-ஸு-யாயஜூகே | 
ஆத்⁴வர்யவம் யுத்³த⁴-மகே² ப்ரதிப்ர-
ஸ்தா²த்ரா ஸுமித்ரா-தனயேன ஸாகம்	|| 18 ||
ராமார்சனே யோ நயத: ப்ரஸூனம் 
த்³வாப்⁴யாம் கராப்⁴யாமப⁴வத் ப்ரயத்ன: | 
ஏகேன தோ³ஷ்ணா நயதோ கி³ரீந்த்³ரம் 
ஸஞ்ஜீவனாத்³யாஶ்ரயமஸ்ய நாபூ⁴த்	|| 19 ||
ஸ தா³ரிதாரிம் பரமம் புமாம்ஸம் 
ஸமன்வயாஸீன்நர-தே³வ-புத்ர்யா | 
வஹ்னி-ப்ரவேஶாதி⁴க³தாத்ம-ஶுத்³த்⁴யா 
விராஜிதம் காஞ்சன-மாலயேவ	|| 20 ||
ஶ்யாமம் ஸ்மிதாஸ்யம் ப்ருʼது²-தீ³ர்க⁴-ஹஸ்தம் 
ஸரோஜ-நேத்ரம் க³ஜராஜ-யாத்ரம் | 
வபுர்-ஜக³ன்-மங்க³லமேஷ த்³ருʼக்³ப்⁴யாம் 
சிராத³யோத்⁴யாதி⁴பதே: ஸிஷேவே	|| 21 ||
ராஜ்யாபி⁴ஷேகே(அ)வஸிதே(அ)த்ர ஸீதா 
ப்ரேஷ்டா²ய நஸ்தாம் ப⁴ஜதாம் தி³ஶேதி | 
ராமஸ்ய வாண்யா மணி மஞ்ஜு-மாலா-
வ்யாஜேன தீ³ர்கா⁴ம் கருணாம் ப³ப³ந்த⁴	|| 22 ||
ஹ்ருʼதோ³ரு-ஸௌஹார்த³-ப்⁴ருʼதா(அ)தி⁴மௌலி 
ந்யஸ்தேன ஹஸ்தேன த³யார்த்³ர த்³ருʼஷ்ட்யா | 
ஸேவா-ப்ரஸன்னோ(அ)ம்ருʼத-கல்ப-வாசா 
தி³தே³ஶ ராம: ஸஹ-போ⁴க³மஸ்மை	|| 23 ||
ப்ரேஷ்டோ² ந ராமஸ்ய ப³பூ⁴வ தஸ்மாத் 
ந ராம-ராஜ்யே(அ)ஸுலப⁴ம் ச கிஞ்சித் | 
தத்-பாத³-ஸேவா-ரதிரேஷ நைச்ச²த் 
ததா²(அ)பி போ⁴கா³ன் நனு ஸா விரக்தி:	|| 24 ||
நமோ நமோ நாத² நமோ-நமஸ்தே 
நமோ நமோ ராம நமோ நமஸ்தே | 
புன:-புனஸ்தே சரணாரவிந்த³ம் 
நமாமி நாதே²தி நமன் ஸ ரேமே	|| 25 ||
கிம் வர்ணயாம: பரமம் ப்ரஸாத³ம் 
ஸீதாபதேஸ்தத்ர ஹரி-ப்ரப³ர்ஹே | 
முஞ்சன் மஹீம் நித்ய-நிஷேவணார்த²ம் 
ஸ்வாத்மானமேவைஷ த³தௌ³ யத³ஸ்மை	|| 26 ||
ஸ்வானந்த³-ஹேதௌ ப⁴ஜதாம் ஜனானாம் 
மக்³ன: ஸதா³ ராம-கதா²-ஸுதா⁴யாம் | 
அஸாவிதா³னீம் ச நிஷேவமணோ 
ராமம் பதிம் கிம்புருஷே கிலா(அ)ஸ்தே	|| 27 ||
தஸ்யைவ வாயோரவதாரமேனம் 
ஸந்தோ த்³விதீயம் ப்ரவத³ந்தி பீ⁴மம் | 
ஸ்ப்ருʼஷ்டைவ யம் ப்ரீதிமதா(அ)னிலேன 
நரேந்த்³ர-காந்தா ஸுஷுவே(அ)த்ர குந்தீ	|| 28 ||
இந்த்³ராயுத⁴ம் ஹீந்த்³ர-கராபி⁴னுன்னம் 
சிச்சே²த³ பக்ஷான் க்ஷிதி-தா⁴ரிணாம் ப்ராக் | 
பி³பே⁴த³ பூ⁴ப்⁴ருʼத்³-வபுரங்க³-ஸங்கா³த் 
சித்ரம் ஸ பன்னோ ஜனனீ-கராக்³ராத்	|| 29 ||
புரே குமாரானலஸான் விஹாராத் 
நிரீக்ஷ்ய ஸர்வானபி மந்த³-லீல: | 
கைஶோர-லீலாம் ஹத-ஸிம்ஹ-ஸங்கா⁴ம் 
வனே ப்ரவ்ருʼத்தாம் ஸ்மரதி ஸ்ம ஸூத்க:	|| 30 ||
பு⁴க்தம் ச ஜீர்ணம் பரிபந்தி²-த³த்தம் 
விஷம் விஷண்ணோ விஷ-ப்⁴ருʼத்³-க³ணோ(அ)த: | 
ப்ரமாண-கோடே: ஸ ஹி ஹேலயா(அ)கா³த் 
நேத³ம் ஜக³ஜ்ஜீவன-தே³(அ)த்ர சித்ரம்	|| 31 ||
த³க்³த்⁴வா புரம் யோக³-ப³லாத் ஸ நிர்யன் 
த⁴ர்மானிவ ஸ்வான் ஸஹஜான் த³தா⁴ன: | 
அதா³ரி-பா⁴வேன ஜக³த்ஸு பூஜ்யோ 
யோகீ³வ நாராயணமாஸஸாத³	|| 32 ||
ஸமர்ப்ய க்ருʼத்யானி க்ருʼதீ க்ருʼதானி 
வ்யாஸாய பூ⁴ம்னே ஸுக்ருʼதானி தாவத் | 
கரிஷ்யமாணானி ச தஸ்ய பூஜாம் 
ஸங்கல்பயாமாஸ ஸ ஶுத்³த⁴-பு³த்³தி⁴:	|| 33 ||
விஷ்ணோ:-பத³-ஶ்ரித்³ ப³க-ஸன்னிராஸீ 
க்ஷிப்தான்ய-பக்ஷி-ப்ரகர: ஸு-பக்ஷ: | 
ஸ-ஸோத³ரோ(அ)தா²தி³த ராஜ-ஹம்ஸ: 
ஸ ராஜ-ஹம்ஸீமிவ ராஜ-கன்யாம்	|| 34 ||
இந்தீ³வர-ஶ்ரீ-ஜயி-ஸுந்த³ராப⁴ம் 
ஸ்மேரானனேந்து³ம் த³யிதம் முகுந்த³ம் | 
ஸ்வ-மாதுலேயம் கமலாயதாக்ஷம் 
ஸமப்⁴யனந்த³த் ஸு-சிராய பீ⁴ம:	|| 35 ||
மஹா-க³த³ம் சண்ட³-ரணம் ப்ருʼதி²வ்யாம் 
பா³ர்ஹத்³ரத²ம் மங்க்ஷு நிரஸ்ய வீர: | 
ராஜானமத்யுஜ்ஜ்வல-ராஜ-ஸூயம் 
சகார கோ³விந்த³-ஸுரேந்த்³ரஜாப்⁴யாம்	|| 36 ||
து³:ஶாஸனேனாகுலிதான் ப்ரியாயா: 
ஸூக்ஷ்மானராளானஸிதாம்ஶ்ச கேஶான் | 
ஜிகா⁴ம்ஸயா வைரி-ஜனஸ்ய தீக்ஷ்ண: 
ஸ க்ருʼஷ்ண-ஸர்பானிவ ஸஞ்சிகாய	|| 37 ||
ஜாஜ்வல்யமானஸ்ய வனே வனே(அ)லம் 
தி³த⁴க்ஷத: பார்தி²வ-ஸார்த²முக்³ரம் | 
ஸத்த்வானி பும்ஸாம் ப⁴யதா³னி நாஶம் 
வ்ருʼகோத³ராக்³னேர்-கு³ரு-தேஜஸாபு: 	|| 38 ||
போ⁴கா³தி⁴காபோ⁴க³-வதோ(அ)ருணாக்ஷான் 
இதஸ்தத: ஸஞ்சலதோ த⁴ரேந்த்³ரே | 
ப³ஹூன் த்³விஜிஹ்வான் மணிமத்-புரோகா³ன் 
அஸௌ கடூன் க்ரோத⁴-வஶான் ஜகா⁴ன	|| 39 ||
அதை²ஷ வேஷாந்தர-ப⁴ஸ்ம-லீன: 
க்ரமேண வாயு-ப்ரப⁴வ: ஸு-தேஜா: | 
ருத்³தா⁴கி²லாஶம் முக²ரம் ப்ரசண்ட³ம் 
ப⁴ஸ்மீ-சகாராகி²ல-கீசகௌக⁴ம்	|| 40 ||
ஸ க்ருʼஷ்ண-வர்த்மா விஜயேன யுக்தோ 
முஹுர்மஹா-ஹேதி-த⁴ரோப்ரத்⁴ருʼஷ்ய: | 
பீ⁴ஷ்ம-த்³விஜாத்³யைரதி-பீ⁴ஷணாப⁴ம் 
விபக்ஷ-கக்ஷம் க்ஷபயன் விரேஜே	|| 41 ||
தரஸ்வின: ப்ரோச்சலிதானதீ⁴ரான் 
நிர்த³க்³த⁴-பக்ஷானதிதீக்ஷ்ண-கோபான் | 
ஸ தா⁴ர்தராஷ்ட்ரான் ப³ஹு-ஹேதி-லீலோ 
வினாஶ்ய விஶ்வான் பரயா ஶ்ரியா(அ)பா⁴த்	|| 42 ||
க்ருʼஷ்ணாங்க்⁴ரி-பங்கேருஹ-ப்⁴ருʼங்க³-ராஜ: 
க்ருʼஷ்ணா-முகா²ம்போ⁴ருஹ-ஹம்ஸ-ராஜ: | 
ப்ரஜா-ஸரோஜாவலி-ரஶ்மி-ராஜ: 
ஸ-ஸோத³ரோ(அ)ராஜத வீர-ராஜ:	|| 43 ||
பௌத்ரே பவித்ராஹ்வய-ஜாமி-பௌத்ரே 
த⁴ராம் நிதா⁴யாஸுர-தீ⁴ஷு தாபம் | 
கீர்திம் த்ரிலோக்யாம் ஹ்ருʼத³யே முகுந்த³ம் 
பே⁴ஜே பத³ம் ஸ்வம் ஸஹஜை: ஸ பீ⁴ம:	|| 44 ||
விஷ்ணோ: பதா³ந்தம் ப⁴ஜதா(அ)னிலேன 
கோ⁴ர-ப்ரகா⁴தைரிதி நாஶிதாஸ்தே | 
ரஸோஜ்ஜி⁴தாஶ்சஞ்சல-வ்ருʼத்தயோ(அ)லம் 
ஶோபா⁴ம் ந பே⁴ஜு: ஸுர-வைரி-மேகா⁴:	|| 45 ||
ஏதத்-ப்ரதீபம் கில கர்துகாமா: 
நஷ்டௌஜஸ: ஸங்கடமேவமாப்ய | 
முகுந்த³-வைகு³ண்ய-கதா²ம் ஸ்வ-யோக்³யாம் 
காலே கலாவாகலயந்த தே(அ)லம்	|| 46 ||
யோ பூ⁴ரி-வைரோ மணிமான் ம்ருʼத: ப்ராக்³- 
வாக்³மீ பு³பூ⁴ஷு: பரிதோஷிதேஶ: | 
ஸ ஸங்கராக்²யோ(அ)ங்க்⁴ரி தலேஷு ஜக்ஞே 
ஸ்ப்ருʼதா⁴(அ)பரே(அ)ப்யாஸுரிஹாஸுரேந்த்³ரா:		|| 47 ||
ஸான்னாய்யமவ்யக்த-ஹ்ருʼதா³கு²-பு⁴க்³ வா 
ஶ்வா வா புரோடா³ஶமஸார-காம: | 
மணிஸ்ரஜம் வா ப்லவகோ³(அ)வ்யவஸ்தோ² 
ஜக்³ராஹ வேதா³தி³கமேஷ பாப:	|| 48 ||
ஜனோ நமேன்னாபரதே²தி மத்வா 
ஶட²ஶ்சதுர்தா²ஶ்ரமமேஷ பே⁴ஜே | 
பத்³மாகரம் வா கலுஷீ-சிகீர்ஷு: 
ஸு-து³ர்த³மோ து³ஷ்ட-க³ஜோ விஶுத்³த⁴ம்	|| 49 ||
அவைதி³கம் மாத்⁴யமிகம் நிரஸ்தம் 
நிரீக்ஷ்ய தத்-பக்ஷ-ஸுபக்ஷ-பாதீ | 
தமேவ பக்ஷம் ப்ரதி-பாது³கோ(அ)ஸௌ 
ந்யரூருபன்மார்க³மிஹானுரூபம்	|| 50 ||
அஸத்-பதே³(அ)ஸன் ஸத³ஸத்³-விவிக்தம் 
மாயாக்²யயா ஸம்வ்ருʼதிமப்⁴யத⁴த்த | 
ப்³ரஹ்மாப்யக²ண்ட³ம் ப³த ஶூன்ய-ஸித்³த்⁴யை 
ப்ரச்ச²ன்ன-பௌ³த்³தோ⁴(அ)யமத: ப்ர-ஸித்³த⁴:	|| 51 ||
யத்³ ப்³ரஹ்ம-ஸூத்ரோத்கர-பா⁴ஸ்கரம் ச 
ப்ரகாஶயந்தம் ஸகலம் ஸ்வ-கோ³பி⁴: | 
அசூசுரத்³ வேத³-ஸமூஹ-வாஹம் 
ததோ மஹா-தஸ்கரமேனமாஹு:	|| 52 ||
ஸ்வ-ஸூத்ர-ஜாதஸ்ய விருத்³த⁴-பா⁴ஷீ 
தத்³-பா⁴ஷ்ய-காரோ(அ)ஹமிதி ப்³ருவன் ய: | 
தம் தத்-க்ஷணாத்³ யோ ந தி³த⁴க்ஷதி ஸ்ம 
ஸ வ்யாஸ-ரூபோ ப⁴க³வான் க்ஷமாப்³தி⁴:	|| 53 ||
நிக³ம-ஸன்மணி-தீ³ப-க³ணோ(அ)ப⁴வத் 
தது³ரு-வாக்³-க³ண-பங்க-நிகூ³ட⁴-பா⁴: | 
அவிது³ஷாமிதி ஸங்கரதா-கர: 
ஸ கில ஸங்கர இத்யபி⁴-ஶுஶ்ருவே	|| 54 ||
விஶ்வம் மித்²யா விபு⁴ரகு³ணவானாத்மனாம் நாஸ்தி பே⁴தோ³ 
தை³த்யா இத்த²ம் வ்யத³த⁴த கி³ராம் தி³க்ஷு பூ⁴ய: ப்ரஸித்³தி⁴ம் |
ஆனந்தா³த்³யைர்கு³ரு-கு³ண-க³ணை: பூரிதோ வாஸுதே³வோ 
மந்த³ம்-மந்த³ம் மனஸி ச ஸதாம் ஹந்த நூனம் திரோ(அ)பூ⁴த்	|| 55 ||
	|| இதி ஶ்ரீமத்-கவிகுல-திலக-ஶ்ரீ-த்ரிவிக்ரம-பண்டி³தாசார்ய-ஸுத-ஶ்ரீநாராயண-பண்டி³தாசார்ய-விரசிதே ஶ்ரீமத்-ஸுமத்⁴வ-விஜயே மஹாகாவ்யே ஆனந்தா³ங்கே ப்ரத²ம​: ஸர்க³​: ||