ஶிவஸ்துதி:
||  அத² ஶிவஸ்துதி: || 
ஸ்பு²டம்ʼ ஸ்ப²டிகஸப்ரப⁴ம்ʼ ஸ்பு²டிதஹாடகஶ்ரீஜடம்ʼ
ஶஶாங்கத³லஶேக²ரம்ʼ கபிலபு²ல்லநேத்ரத்ரயம் |  
தரக்ஷுவரக்ருʼத்திமத்³பு⁴ஜக³பூ⁴ஷணம்ʼ பூ⁴திமத்
கதா³ து ஶிதிகண்ட² தே வபுரவேக்ஷதே வீக்ஷணம்|| 1|| 
த்ரிலோசன விலோசனே லஸதி தே லலாமாயிதே
ஸ்மரோ நியமக⁴ஸ்மரோ நியமினாமபூ⁴த்³ப⁴ஸ்மஸாத் |  
ஸ்வப⁴க்திலதயா வஶீக்ருʼதவதீ ஸதீயம்ʼ ஸதீ
ஸ்வப⁴க்தவஶகோ³ ப⁴வானபி வஶீ ப்ரஸீத³ ப்ரபோ⁴|| 2|| 
மஹேஶ மஹிதோऽஸி தத்புருஷ பூருஷாக்³ரயோ ப⁴வான்
அகோ⁴ர ரிபுகோ⁴ர தேऽநவம வாமதே³வாஞ்ஜலி: | 
நம: ஸபதி³ஜாத தே த்வமிதி பஞ்சரூபோऽஞ்சித:
ப்ரபஞ்சய ச பஞ்சவ்ருʼன்மம மனஸ்தமஸ்தாட³ய|| 3|| 
ரஸாக⁴னரஸானலானிலவியத்³விவஸ்வத்³விது⁴-
ப்ரயஷ்ட்ருʼஷு நிவிஷ்டமித்யஜ ப⁴ஜாமி மூர்த்யஷ்டகம் |  
ப்ரஶாந்தமுத பீ⁴ஷணம்ʼ பு⁴வனமோஹனம்ʼ சேத்யஹோ 
வபூம்ʼஷி கு³ணபும்ʼஷி தேऽஹமஹமாத்மனோऽஹம்ʼ பி⁴தே³|| 4|| 
விமுக்திபரமாத்⁴வனாம்ʼ தவ ஷட³த்⁴வநாமாஸ்பத³ம்ʼ
பத³ம்ʼ நிக³மவேதி³னோ ஜக³தி வாமதே³வாத³ய: | 
கத²ஞ்சிது³பஶிக்ஷிதா ப⁴க³வதைவ ஸம்ʼவித்³ரதே
வயம்ʼ து விரலாந்தரா: கத²முமேஶ தன்மன்மஹே|| 5|| 
கடோ²ரிதகுடா²ரயா லலிதஶூலயா பா³ஹயா
ரணட்³ட⁴மரயா ஸ்பு²ரத்³த⁴ரிணயா ஸக²ட்வாங்க³யா | 
சலாபி⁴ரசலாபி⁴ரப்யக³ணிதாபி⁴ருன்ந்ருʼத்யத:
சதுர்த³ஶ ஜக³ந்தி தே ஜய ஜயேத்யயுர்விஸ்மயம்|| 6|| 
புரத்ரிபுரரந்த⁴னம்ʼ விவித⁴தை³த்யவித்⁴வம்ʼஸனம்ʼ
பராக்ரமபரம்பரா அபி பரா ந தே விஸ்மய: | 
அமர்த²வலஹர்ஷிதக்ஷுபி⁴தவ்ருʼத்தநேத்ரத்ரயோ-
ஜ்ஜ்வலஜ்வலன ஹேலயா ஶலபி⁴தம்ʼ ஹி லோகத்ரயம்|| 7|| 
ஸஹஸ்ரநயனோ கு³ஹ: ஸஹஸஹஸ்ரரஶ்மிர்விது⁴:
ப்³ருʼஹஸ்பதிருதாப்பதி: ஸஸுரஸித்³த⁴வித்³யாத⁴ரா: | 
ப⁴வத்பத³பராயணா: ஶ்ரியமிமாமகு³: ப்ரார்தி²னாம்ʼ
ப⁴வான் ஸுரதருர்த்³ருʼஶம்ʼ தி³ஶ ஶிவாம்ʼ ஶிவாவல்லப⁴|| 8|| 
தவ ப்ரியதமாத³திப்ரியதமம்ʼ ஸதை³வாந்தரம்ʼ
பயஸ்யுபஹிதம்ʼ க்⁴ருʼதம்ʼ ஸ்வயமிவ ஶ்ரியோ வல்லப⁴ம் |  
விபி⁴த்³ய லகு⁴பு³த்³த⁴ய: ஸ்வபரபக்ஷலக்ஷாயிதம்ʼ
பட²ந்தி ஹி லுட²ந்தி தே ஶட²ஹ்ருʼத³: ஶுசா ஶுண்டி²தா:|| 9|| 
விலாஸநிலயஶ்சிதா தவ ஶிரஸ்ததிர்மாலிகா
கபாலமபி தே கரே த்வமஶிவோऽஸ்யனந்தர்தி⁴யாம் | 
ததா²ऽபி ப⁴வத: பத³ம்ʼ ஶிவ ஶிவேத்யதோ³ ஜல்பதா-
மகிஞ்சன ந கிஞ்சன வ்ருʼஜினமஸ்த்யப⁴ஸ்மீப⁴வத்|| 10|| 
த்வமேவ கில காமது⁴க் ஸகலகாமமாபூரயன்
அபி த்ரிநயன: ஸதா³ வஹஸி சாத்ரிநேத்ரோத்³ப⁴வம் | 
விஷம்ʼ விஷத⁴ரான் த³த⁴த் பிப³ஸி தேன சானந்த³வான்
விருத்³த⁴சரிதோசிதா ஜக³த³தீ⁴ஶ தே பி⁴க்ஷுதா|| 11|| 
நம: ஶிவ ஶிவாஶிவாஶிவ ஶிவார்த⁴ க்ருʼந்தாஶிவம்ʼ
நமோ ஹர ஹராஹராஹரஹராந்தரீம்ʼ மே த்³ருʼஶம் | 
நமோ ப⁴வ ப⁴வாப⁴வ ப்ரப⁴வ பூ⁴தயோ ஸம்பதா³ம்ʼ
நமோ ம்ருʼட³ நமோ நமோ நம உமேஶ துப்⁴யம்ʼ நம: || 12|| 
ஸதாம்ʼ ஶ்ரவணபத்³த⁴திம்ʼ ஸரது ஸன்னதோக்தேத்யஸௌ
ஶிவஸ்ய கருணாங்குராத் ப்ரதிக்ருʼதாத் ஸதா³ ஸோதி³தா |  
இதி ப்ரதி²தமானஸோ வ்யதி⁴த நாம நாராயண:
ஶிவஸ்துதிமிமாம்ʼ ஶிவாம்ʼ லிகுசஸூரிஸூனு: ஸுதீ⁴:|| 13|| 
||  இதி ஶிவஸ்துதி: ||