atha shrIshivastuti:
sphuTaM sphaTikasaprabhaM sphuTitahATakashrIjaTaM
shashAMkadalashekharaM kapilaphullanetratrayam |
tarakShuvarakRRittimadbhujagabhUShaNaM bhUtimat
kadA tu shitikaMTha te vapuravekShate vIkShaNam ||1||
trilochana vilochane lasati te lalAmAyite
smaro niyamaghasmaro niyaminAmabhUdbhasmasAt |
svabhaktilatayA vashIkRRitavatI satIyaM satI
svabhaktavashago bhavAnapi vashI prasIda prabho ||2||
mahesha mahito.asi tatpuruSha pUruShAgryo bhavAn
aghora ripughora te.anavama vAmadevAMjali: |
nama: sapadijAta te tvamiti paMcharUpoM.achita:
prapaMchaya cha paMchavRRinmama manastamastADaya ||3||
rasAghanarasAnalAnilaviyadvivasvadvidhu-
prayaShTRRiShu niviShTamityaja bhajAmi mUrtyaShTakam |
prashAMtamuta bhIShaNaM bhuvanamohanaM chetyaho
vapUMShi guNapuMShi te.ahamahamAtmano.ahaM bhide ||4||
vimuktiparamAdhvanAM tava ShaDadhvanAmAspadaM
padaM nigamavedino jagati vAmadevAdaya: |
kathaMchidupashikShitA bhagavataiva saMvidrate
vayaM tu viralAMtarA: kathamumesha tanmanmahe ||5||
kaThoritakuThArayA lalitashUlayA bAhayA
raNaDDhamarayA sphuraddhariNayA sakhaTvAMgayA |
chalAbhirachalAbhirapyagaNitAbhirunnRRityata:
chaturdasha jagaMti te jaya jayetyayurvismayam ||6||
puratripuraraMdhanaM vividhadaityavidhvaMsanaM
parAkramaparaMparA api parA na te vismaya: |
amarShabalaharShitakShubhitavRRittanetratrayo-
jjvalajvalana helayA shalabhitaM hi lokatrayam ||7||
sahasranayano guha: sahasahasrarashmirvidhu:
bRRihaspatirutAppati: sasurasiddhavidyAdharA: |
bhavatpadaparAyaNA: shriyamimAmagu: prArthinAM
bhavAn suratarurdRRishaM disha shivAM shivAvallabha ||8||
tava priyatamAdatipriyatamaM sadaivAMtaraM
payasyupahitaM ghRRitaM svayamiva shriyo vallabham |
vibhidya laghubuddhaya: svaparapakShalakShAyitaM
paThaMti hi luThaMti te shaThahRRida: shuchA shuMThitA: ||9||
nivAsanilayashchitA tava shirastatirmAlikA
kapAlamapi te kare tvamashivo.asyanaMtardhiyAm |
tathA.api bhavata: padaM shiva shivetyado jalpatAM
akiMchana na kiMchana vRRijinamastyabhasmIbhavat ||10||
tvameva kila kAmadhuk sakalakAmamApUrayan
api trinayana: sadA vahasi chAtrinetrodbhavam |
viShaM viShadharAn dadhat pibasi tena chAnaMdavAn
viruddhacharitochitA jagadadhIsha te bhikShutA ||11||
nama: shiva shivAshivAshiva shivArdha kRRiMtAshivaM
namo hara harAharAharaharAMtarIM me dRRisham |
namo bhava bhavAbhava prabhava bhUtaye saMpadAM
namo mRRiDa namo namo nama umesha tubhyaM nama: ||12||
satAM shravaNapaddhatiM saratu sannatoktetyasau
shivasya karuNAMkurAt pratikRRitAt sadA soditA |
iti prathitamAnaso vyadhita nAma nArAyaNa:
shivastutimimAM shivAM likuchasUrisUnu: sudhI: ||13||
|| iti shrI nArAyaNapaMDitAchAryavirachitA shrI shivastutiH ||