ಸರಸ್ವತಿ ಸ್ತೋತ್ರಮ್
ಅಥ ಸರಸ್ವತಿ ಸ್ತೋತ್ರಮ್ 
ಬೃಹಸ್ಪತಿರುವಾಚ 
ಸರಸ್ವತೀಂ ನಮಸ್ಯಾಮಿ ಚೇತನಾನಾಂ ಹೃದಿ ಸ್ಥಿತಾಮ್ |
ಕಂಠಸ್ಥಾಂ ಪದ್ಮಯೋನೆಸ್ತು ಹಿಮಾಕರಪ್ರಿಯಾಂ ಸದಾ ||೧||
ಮತಿದಾಂ ವರದಾಂ ಶುದ್ಧಾಂ ವೀಣಾಹಸ್ತವರಪ್ರದಾಮ್ |
ಐಂ ಐಂ ಮಂತ್ರಪ್ರಿಯಾಂ ಹ್ನಿಂ ಹ್ರಾಂ ಕುಮತಿಧ್ವಂಸಕಾರಿಣೀಮ್ ||೨||
ಸುಪ್ರಕಾಶಾಂ ನಿರಾಲಂಬಾಂ ಅಜ್ಞಾನತಿಮಿರಾಪಹಾಮ್ |
ಶುಕ್ಲಾಂ ಮೋಕ್ಷಪ್ರದಾಂ ರಮ್ಯಾಂ ಶುಭಾಂಗೀಂ ಶೋಭನಪ್ರದಾಮ್ ||೩||
ಪದ್ಮಸಂಸ್ಥಾಂ ಕುಂಡಲಿನೀಂ ಶುಕ್ಲವರ್ಣಾಂ ಮನೋರಮಾಮ್ |
ಆದಿತ್ಯಮಂಡಲೇ ಲೀನಾಂ ಪ್ರಣಮಾಮಿ ಹರಿಪ್ರಿಯಾಮ್ ||೪||
ಇತಿ ಮಾ ಸಂಸ್ತುತಾನೇನ ವಾಗೀಶೇನ ಮಹಾತ್ಮನಾ |
ಆತ್ಮಾನಂ ದರ್ಶಯಾಮಾಸ ಶರದಿಂದುಸಮಪ್ರಭಾಮ್ ||೫||
ಸರಸ್ವತ್ಯುವಾಚ 
ವರಂ ವೃಣೀಶ್ವ ಭದ್ರಂ ತೇ ಯಸ್ತೇ ಮನಸಿ ವರ್ತತೇ |
ಬೃಹಸ್ಪತಿರುವಾಚ 
ವರದಾ ಯದಿ ಮೇ ದೇವಿ ಸಮ್ಯಕ್  ಜ್ಞಾನಂ ಪ್ರಯಚ್ಛ ಮೇ ||೬||
ಸರಸ್ವತ್ಯುವಾಚ 
ಇದಂ ತೇ ನಿರ್ಮಲಂ  ಜ್ಞಾನಂ ಅಜ್ಞಾನತಿಮಿರಾಪಹಮ್ |
ಸ್ತೋತ್ರೇಣಾನೇನ ಮಾಂ ಸ್ತೌತಿ ಸಮ್ಯಗ್ವೇದವಿದಾಂ ವರ ||೭||
ಲಭ್ಯತೇ ಪರಮಂ ಜ್ಞಾನಂ ಮಮ ತುಲ್ಯಪರಾಕ್ರಮಮ್ |
ತ್ರಿಸಂಧ್ಯಂ ಯಃ ಪಠೇನ್ನಿತ್ಯಂ ಯಸ್ತ್ವಿದಂ ಜಪತೇ ಸದಾ ||
ತೇಷಾಂ ಕಂಠೇ ಸದಾ ವಾಸಂ ಕರಿಷ್ಯಾಮಿ ನ ಸಂಶಯಃ ||೮||
|| ಇತಿ ಪದ್ಮಪುರಾಣೇ ಬೃಹಸ್ಪತಿಪ್ರೋಕ್ತಂ ಸರಸ್ವತಿಸ್ತೋತ್ರಮ್‌ ||