atha sarasvati stotram
bṛhaspatiruvāca
sarasvatīṁ namasyāmi cetanānāṁ hṛdi sthitām |

kaṁṭhasthāṁ padmayonĕstu himākarapriyāṁ sadā ||1||

matidāṁ varadāṁ śuddhāṁ vīṇāhastavarapradām |

aiṁ aiṁ maṁtrapriyāṁ hniṁ hrāṁ kumatidhvaṁsakāriṇīm ||2||

suprakāśāṁ nirālaṁbāṁ ajñānatimirāpahām |

śuklāṁ mokṣapradāṁ ramyāṁ śubhāṁgīṁ śobhanapradām ||3||

padmasaṁsthāṁ kuṁḍalinīṁ śuklavarṇāṁ manoramām |

ādityamaṁḍale līnāṁ praṇamāmi haripriyām ||4||

iti mā saṁstutānena vāgīśena mahātmanā |

ātmānaṁ darśayāmāsa śaradiṁdusamaprabhām ||5||

sarasvatyuvāca
varaṁ vṛṇīśva bhadraṁ te yaste manasi vartate |

bṛhaspatiruvāca
varadā yadi me devi samyak jñānaṁ prayaccha me ||6||

sarasvatyuvāca
idaṁ te nirmalaṁ jñānaṁ ajñānatimirāpaham |

stotreṇānena māṁ stauti samyagvedavidāṁ vara ||7||

labhyate paramaṁ jñānaṁ mama tulyaparākramam |

trisaṁdhyaṁ yaḥ paṭhennityaṁ yastvidaṁ japate sadā ||

teṣāṁ kaṁṭhe sadā vāsaṁ kariṣyāmi na saṁśayaḥ ||8||

|| iti padmapurāṇe bṛhaspatiproktaṁ sarasvatistotraṁ ||