saṃkasṭanāśana viṣṇustotram 
atha saṃkasṭanāśana viṣṇustotram 
punardaityaṃ samāyātaṃ dṛṣṭvā devāḥ savāsavāḥ |
bhayaprakaṃpitāḥ sarve viṣṇuṃ stotuṃ pracakramuḥ ||1||
namo matsyakūrmādinānāsvarūpaiḥ 
sadā bhaktakāryodyatāyārtihaṃtre  |
vidhātrādisargasthitidhvaṃsakartre 
gadāpadmaśaṃkhārihastāya testu ||2||
ramāvallabhāyāsurāṇāṃ nihaṃtre 
bhujaṃgāriyānāya pītāṃbarāya |
makhādikriyāpākakartre vikartre 
śaraṇyāya tasmai natāḥ smo natāḥ smaḥ ||2||
namo daityasaṃtāpitāmartyaduḥkhā-
caladhvaṃsadaṃbholaye viṣṇave te |
bhujaṃgeśatalpāya ramyārkacaṃdra
dvinetrāya tasmai natāḥ smo natāḥ smaḥ ||3||
saṃkaṣṭanāśanaṃ nāma stotrametat paṭhannaraḥ 
kadācit saṃkaṭairnaiva pīḍyate kṛpayā hareḥ ||4||
|| iti śrīpadmapurāṇe saṃkaṣṭanāśanaviṣṇustotram ||