अथ ऋणमोचनस्तोत्रम्
देवताकार्यसिद्ध्यर्थं सभास्तंभसमुद्भवम् |
श्रीनृसिंहं महावीरं नमामि ऋणमुक्तये || १||
लक्ष्म्याऽलिंगितवामांगं भक्तानां वरदायकम् |
श्रीनृसिंहं महावीरं नमामि ऋणमुक्तये || २||
आंत्रमालाधरं शंखचक्राब्जायुधधारिणम् |
श्रीनृसिंहं महावीरं नमामि ऋणमुक्तये || ३||
स्मरणात् सर्वपापघ्नं कद्रूजविषनाशनम् |
श्रीनृसिंहं महावीरं नमामि ऋणमुक्तये || ४||
सिंहनादेन महता दिग्दंतिभयनाशनम् |
श्रीनृसिंहं महावीरं नमामि ऋणमुक्तये || ५||
प्रह्लादवरदं श्रीशं दैत्येश्वरविदारणम् |
श्रीनृसिंहं महावीरं नमामि ऋणमुक्तये || ६||
क्रूरगृहैः पीडितानां भक्तानामभयप्रदम् |
श्रीनृसिंहं महावीरं नमामि ऋणमुक्तये || ७||
वेदवेदांत यज्ञेशं ब्रह्मरुद्रादिवंदितम् |
श्रीनृसिंहं महावीरं नमामि ऋणमुक्तये || ८||
य इदं पठते नित्यमृणमोचनसंज्ञितम् |
अनृणो जायते सद्यो धनं शीघ्रमवाप्नुयात् || ९||
|| इति श्रीवादिराजदृष्टं नृसिंहपुराणोक्तं ऋणमोचनस्तोत्रम् ||