atha rudradvādaśanāmastotram
prathamaṁ tu mahādevaṁ dvitīyaṁ tu maheśvaram |
tṛtīyaṁ śaṁkaraṁ proktaṁ caturthaṁ vṛṣabhadhvajam ||1||

paṁcamaṁ kṛttivāsaṁ ca ṣaṣṭhaṁ kāmāṁganāśanam |
saptamaṁ devadeveśaṁ śrīkaṇṭhaṁ cāṣṭamaṁ tathā ||2||

navamaṁ tu haraṁ devaṁ daśamaṁ pārvatīpatim |
rudramekādaśaṁ proktaṁ dvādaśaṁ śivamucyate ||3||

etaddvādaśanāmāni trisandhyaṁ yaḥ paṭhennaraḥ |
goghnaścaiva kṛtaghnaśca bhrūṇahā gurutalpagaḥ ||4||

strībālaghātakaścaiva surāpo vṛṣalīpatiḥ |
sarvaṁ nāśayate pāpaṁ śivalokaṁ sa gacchati ||5||

śuddhasphaṭikasaṁkāśaṁ trinetraṁ candraśekharam |
iṉdumaṇḍalamadhẏasthaṁ vande devaṁ sadāśivam ||6||

|| iti rudradvādaśanāmastotram ||