శ్రీరమేశగీతిః 
అథ శ్రీరమేశగీతిః 
జలచరతయా దదౌ వేదమాదౌ 
తరుణతరణిచ్ఛవిర్యో విధాత్రే |  
శరణదమదోషమానందపూర్ణం 
శరణమనిషం రమేశం ప్రపద్యే ||1||
అధృత సుమనోమనోవల్లభో యః 
కమఠవపుషా మహామందరాద్రిం |
శరణదమదోషమానందపూర్ణం 
శరణమనిషం రమేశం ప్రపద్యే ||2||
జితదితిసుతో వరాహో వరేణ్యో 
ధరణిముదధాదధీరాం పురా యః |
శరణదమదోషమానందపూర్ణం 
శరణమనిషం రమేశం ప్రపద్యే ||3||
దితిగజరాజవిధ్వంససింహం 
ప్రఖరనఖరాఖ్యవజ్రం నృసింహం |
శరణదమదోషమానందపూర్ణం 
శరణమనిషం రమేశం ప్రపద్యే ||4||
అనుజమమరాధిరాజస్య బాలం 
సితబతిబలం త్రివిక్రాంతిమంతం |
శరణదమదోషమానందపూర్ణం 
శరణమనిషం రమేశం ప్రపద్యే ||5||
అవనిపవనానలం జామదగ్న్యం 
గిరిశవరదాయినం రామదేవం |
శరణదమదోషమానందపూర్ణం 
శరణమనిషం రమేశం ప్రపద్యే ||6||
దశముఖముఖద్విజాహారిమృత్యుం 
దశరథసుతం పతిం భూమిజాయాః |
శరణదమదోషమానందపూర్ణం 
శరణమనిషం రమేశం ప్రపద్యే ||7||
మథితపృథివీభరం వాసుదేవం 
మధురమధికప్రియం పాండవానాం |
శరణదమదోషమానందపూర్ణం 
శరణమనిషం రమేశం ప్రపద్యే ||8||
అసురమనసాం మహామోహహేతుం 
విశదమనసాం హితం బుద్ధరూపం |
శరణదమదోషమానందపూర్ణం 
శరణమనిషం రమేశం ప్రపద్యే ||9||
కలికలిలకాలవైకల్యమూలం 
కలితఖలసంకటం కల్కిదేవం  |
శరణదమదోషమానందపూర్ణం 
శరణమనిషం రమేశం ప్రపద్యే ||10||
అగణితగుణం గుణాపేతమేకం 
విధిముఖవిచింతితం బ్రహ్మసంజ్ఞం
శరణదమదోషమానందపూర్ణం 
శరణమనిషం రమేశం ప్రపద్యే ||11||
దశశతతనుం తథాప్యేకరూపం 
దశశతతనుం తథానంతరూపం |
శరణదమదోషమానందపూర్ణం 
శరణమనిషం రమేశం ప్రపద్యే ||12||
లికుచకవినందనః సన్నుపాంత్యో 
వ్యదధదితి వై రమేశస్య గీతిం 
శరణదమదోషమానందపూర్ణం 
శరణమనిషం రమేశం ప్రపద్యే ||13||
|| ఇతి శ్రీమత్ శంకరపండితాచార్యకృతా శ్రీరమేశగీతిః ||