śrīrameśagītiḥ 
atha śrīrameśagītiḥ 
jalacaratayā dadau vedamādau 
taruṇataraṇicchaviryo vidhātre |  
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||1||
adhṛta sumanomanovallabho yaḥ 
kamaṭhavapuṣā mahāmaṃdarādrim |
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||2||
jitaditisuto varāho vareṇyo 
dharaṇimudadhādadhīrāṃ purā yaḥ |
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||3||
ditigajarājavidhvaṃsasiṃhaṃ 
prakharanakharākhyavajraṃ nṛsiṃham |
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||4||
anujamamarādhirājasya bālaṃ 
sitabatibalaṃ trivikrāṃtimaṃtam |
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||5||
avanipavanānalaṃ jāmadagnyaṃ 
giriśavaradāyinaṃ rāmadevam |
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||6||
daśamukhamukhadvijāhārimṛtyuṃ 
daśarathasutaṃ patiṃ bhūmijāyāḥ |
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||7||
mathitapṛthivībharaṃ vāsudevaṃ 
madhuramadhikapriyaṃ pāṃḍavānām |
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||8||
asuramanasāṃ mahāmohahetuṃ 
viśadamanasāṃ hitaṃ buddharūpam |
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||9||
kalikalilakālavaikalyamūlaṃ 
kalitakhalasaṃkaṭaṃ kalkidevam  |
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||10||
agaṇitaguṇaṃ guṇāpetamekaṃ 
vidhimukhaviciṃtitaṃ brahmasaṃjñam
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||11||
daśaśatatanuṃ tathāpyekarūpaṃ 
daśaśatatanuṃ tathānaṃtarūpam |
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||12||
likucakavinaṃdanaḥ sannupāṃtyo 
vyadadhaditi vai rameśasya gītim 
śaraṇadamadoṣamānaṃdapūrṇaṃ 
śaraṇamaniṣaṃ rameśaṃ prapadye ||13||
|| iti śrīmat śaṃkarapaṃḍitācāryakṛtā śrīrameśagītiḥ ||