श्रीरमेशगीतिः 
अथ श्रीरमेशगीतिः 
जलचरतया ददौ वेदमादौ 
तरुणतरणिच्छविर्यो विधात्रे  |
शरणदमदोषमानंदपूर्णं 
शरणमनिषं रमेशं प्रपद्ये ||1||
अधृत सुमनोमनोवल्लभो यः 
कमठवपुषा महामंदराद्रिम् |
शरणदमदोषमानंदपूर्णं 
शरणमनिषं रमेशं प्रपद्ये ||2||
जितदितिसुतो वराहो वरेण्यो 
धरणिमुदधादधीरां पुरा यः |
शरणदमदोषमानंदपूर्णं 
शरणमनिषं रमेशं प्रपद्ये ||3||
दितिगजराजविध्वंससिंहं 
प्रखरनखराख्यवज्रं नृसिंहम् |
शरणदमदोषमानंदपूर्णं 
शरणमनिषं रमेशं प्रपद्ये ||4||
अनुजममराधिराजस्य बालं 
सितबतिबलं त्रिविक्रांतिमंतम् |
शरणदमदोषमानंदपूर्णं 
शरणमनिषं रमेशं प्रपद्ये ||5||
अवनिपवनानलं जामदग्न्यं 
गिरिशवरदायिनं रामदेवम् |
शरणदमदोषमानंदपूर्णं 
शरणमनिषं रमेशं प्रपद्ये ||6||
दशमुखमुखद्विजाहारिमृत्युं 
दशरथसुतं पतिं भूमिजायाः |
शरणदमदोषमानंदपूर्णं 
शरणमनिषं रमेशं प्रपद्ये ||7||
मथितपृथिवीभरं वासुदेवं 
मधुरमधिकप्रियं पांडवानाम् |
शरणदमदोषमानंदपूर्णं 
शरणमनिषं रमेशं प्रपद्ये ||8||
असुरमनसां महामोहहेतुं 
विशदमनसां हितं बुद्धरूपम् |
शरणदमदोषमानंदपूर्णं 
शरणमनिषं रमेशं प्रपद्ये ||9||
कलिकलिलकालवैकल्यमूलं 
कलितखलसंकटं कल्किदेवम्  |
शरणदमदोषमानंदपूर्णं 
शरणमनिषं रमेशं प्रपद्ये ||10||
अगणितगुणं गुणापेतमेकं 
विधिमुखविचिंतितं ब्रह्मसंज्ञम्
शरणदमदोषमानंदपूर्णं 
शरणमनिषं रमेशं प्रपद्ये ||11||
दशशततनुं तथाप्येकरूपं 
दशशततनुं तथानंतरूपम् |
शरणदमदोषमानंदपूर्णं 
शरणमनिषं रमेशं प्रपद्ये ||12||
लिकुचकविनंदनः सन्नुपांत्यो 
व्यदधदिति वै रमेशस्य गीतिम् 
शरणदमदोषमानंदपूर्णं 
शरणमनिषं रमेशं प्रपद्ये ||13||
|| इति श्रीमत् शंकरपंडिताचार्यकृता श्रीरमेशगीतिः ||