ಶ್ರೀರಾಮರಕ್ಷಾಸ್ತೋತ್ರಮ್ 
ಅಥ ಶ್ರೀರಾಮರಕ್ಷಾಸ್ತೋತ್ರಮ್ 
ಅತಸೀಪುಷ್ಪಸಂಕಾಶಂ
ಪೀತವಾಸಸಮಚ್ಯುತಮ್ | 
ಧ್ಯಾತ್ವಾ ವೈ ಪುಂಡರೀಕಾಕ್ಷ 
ಶ್ರೀರಾಮಂ ವಿಷ್ಣುಮವ್ಯಯಮ್ ||1||
ಪಾತು ವೋ ಹೃದಯಂ ರಾಮಃ 
ಶ್ರೀಕಂಠಃ ಕಂಠಮೇವ ಚ |
ನಾಭಿಂ ತ್ರಾತು ಮಖತ್ರಾತಾ 
ಕಟೀಂ ಮೇ ವಿಶ್ವರಕ್ಷಕಃ ||2||
ಕರೌ ದಾಶರಥಿಃ ಪಾತು 
ಪಾದೌ ಮೇ ವಿಶ್ವರೂಪಧೃಕ್ |
ಚಕ್ಷುಷಿ ಪಾತು ವೈ ದೇವಃ 
ಸೀತಾಪತಿರನುತ್ತಮಃ ||3||
ಶಿಖಾಂ ಮೇ ಪಾತು ವಿಶ್ವಾತ್ಮಾ 
ಕರ್ಣೌ ಮೇ ಪಾತು ಕಾಮದಃ |
ಪಾರ್ಶ್ವಯೋಸ್ತು ಸುರತ್ರಾತಾ 
ಕಾಲಕೋಟಿದುರಾಸದಃ ||4||
ಅನಂತಃ ಸರ್ವದಾ ಪಾತು 
ಶರೀರಂ ವಿಶ್ವನಾಯಕಃ |
ಜಿಹ್ವಾಂ ಮೇ ಪಾತು ಪಾಪಘ್ನೋ 
ಲೋಕಶಿಕ್ಷಾಪ್ರವರ್ತಕಃ ||5||
ರಾಘವಃ ಪಾತು ಮೇ ದಂತಾನ್ 
ಕೇಶಾನ್ ರಕ್ಷತು ಕೇಶವಃ |
ಸಕ್ಥಿನೀ ಪಾತು ಮೇ ದತ್ತ
ವಿಜಯೋ ನಾಮ ವಿಶ್ವಸೃಕ್ ||6||
ಏತಾಂ ರಾಮಬಲೋಪೇತಾಂ 
ರಕ್ಷಾಂ ಯೋ ವೈ ಪುಮಾನ್ ಪಠೇತ್ |
ಸ ಚಿರಾಯುಃ ಸುಖೀ ವಿದ್ವಾನ್ 
ಲಭತೇ ದಿವ್ಯಸಂಪದಮ್ ||7||
ರಕ್ಷಾಂ ಕರೋತಿ ಭೂತೇಭ್ಯಃ 
ಸದಾ ರಕ್ಷಾತು ವೈಷ್ಣವೀ |
ರಾಮೇತಿ ರಾಮಭದ್ರೇತಿ 
ರಾಮಚಂದ್ರೇತಿ ಯಃ ಸ್ಮರೇತ್ ||8||
ವಿಮುಕ್ತಃ ಯ ನರಃ ಪಾಪಾತ್ 
ಮುಕ್ತಿಂ ಪ್ರಾಪ್ನೋತಿ ಶಾಶವತೀಮ್ |
ವಸಿಷ್ಠೇನ ಇದಂ ಪ್ರೋಕ್ತಂ 
ಗುರುವೇ ವಿಷ್ಣುರೂಪಿಣೇ ||9||
ತತೋ ಮೇ ಬ್ರಹ್ಮಣಃ ಪ್ರಾಪ್ತಂ 
ಮಯೋಕ್ತಂ ನಾರದಂ ಪ್ರತಿ |
ನಾರದೇನ ತು ಭೂಲೋಕೆ 
ಪ್ರಾಪಿತಂ ಸುಜನೇಷ್ವಿಹ ||10||
ಸುಪ್ತ್ವಾವಾಥ ಗೃಹೇ ವಾಪಿ 
ಮಾರ್ಗೇ ಗಚ್ಛತಿ ಏವ ವಾ |
ಯೇ ಪಠಂತಿ ನರಶ್ರೇಷ್ಠಾ-
ಸ್ತೇ ಜ್ಞೇಯಾಃ ಪುಣ್ಯಭಾಗಿನಃ ||11||
|| ಇತಿ ಶ್ರೀಪದ್ಮಪುರಾಣೋಕ್ತಂ ಶ್ರೀರಾಮರಕ್ಷಾಸ್ತೋತ್ರಮ್ ||