అథ శ్రీరామరక్షాస్తోత్రం
అతసీపుష్పసంకాశం
పీతవాససమచ్యుతం |
ధ్యాత్వా వై పుండరీకాక్ష
శ్రీరామం విష్ణుమవ్యయం ||1||

పాతు వో హృదయం రామః
శ్రీకంఠః కంఠమేవ చ |
నాభిం త్రాతు మఖత్రాతా
కటీం మే విశ్వరక్షకః ||2||

కరౌ దాశరథిః పాతు
పాదౌ మే విశ్వరూపధృక్ |
చక్షుషి పాతు వై దేవః
సీతాపతిరనుత్తమః ||3||

శిఖాం మే పాతు విశ్వాత్మా
కర్ణౌ మే పాతు కామదః |
పార్శ్వయోస్తు సురత్రాతా
కాలకోటిదురాసదః ||4||

అనంతః సర్వదా పాతు
శరీరం విశ్వనాయకః |
జిహ్వాం మే పాతు పాపఘ్నో
లోకశిక్షాప్రవర్తకః ||5||

రాఘవః పాతు మే దంతాన్
కేశాన్ రక్షతు కేశవః |
సక్థినీ పాతు మే దత్త
విజయో నామ విశ్వసృక్ ||6||

ఏతాం రామబలోపేతాం
రక్షాం యో వై పుమాన్ పఠేత్ |
స చిరాయుః సుఖీ విద్వాన్
లభతే దివ్యసంపదం ||7||

రక్షాం కరోతి భూతేభ్యః
సదా రక్షాతు వైష్ణవీ |
రామేతి రామభద్రేతి
రామచంద్రేతి యః స్మరేత్ ||8||

విముక్తః య నరః పాపాత్
ముక్తిం ప్రాప్నోతి శాశవతీం |
వసిష్ఠేన ఇదం ప్రోక్తం
గురువే విష్ణురూపిణే ||9||

తతో మే బ్రహ్మణః ప్రాప్తం
మయోక్తం నారదం ప్రతి |
నారదేన తు భూలోకె
ప్రాపితం సుజనేష్విహ ||10||

సుప్త్వావాథ గృహే వాపి
మార్గే గచ్ఛతి ఏవ వా |
యే పఠంతి నరశ్రేష్ఠా-
స్తే జ్ఞేయాః పుణ్యభాగినః ||11||

|| ఇతి శ్రీపద్మపురాణోక్తం శ్రీరామరక్షాస్తోత్రం ||