అథ శ్రీరామపంచకం
ప్రాతః స్మరామి రఘునాథపదారవిందం
మందస్మితం మధురభాషవిశాలఘాలం |

కర్ణావలంబిచలకుండలలోలగండం
కర్ణాంతదీర్ఘనయనం నయనాభిరామం || 1||

ప్రాతర్భజామి రఘునాథకరారవిందం
రక్షోగణాయ భయదం వరదం ద్విజేభ్యః |

యద్రాజ్యసంసది విభజ్య మహేశచాపం
సీతాకరగ్రహణమండలమాప సద్యః || 2||

ప్రాతర్నమామి రఘునాథపదారవిందం
వజ్రాంకుశాదిశుభరేఖధ్వజావహం మే |

యోగీంద్రమానసమధువ్రతసేవ్యమానం
శాపాపహం సపది గౌతమధర్మపత్న్యాః|| 3||

ప్రాతః శ్రయే శ్రుతినుతాం రఘునాథకీర్తిం
నీలాంబుదోత్పలసితేతరరత్ననీలాం |

ఆముక్తవౌక్తికవిభూషణభూషణాడ్యాం
ధ్యేయాం సమస్తమునిభిర్జనమృత్యుహంత్రీం || 4||

ప్రాతర్వదామి వచసా రఘునాథనామ
వాగ్దోషహారి సకలం శమలం నిహంతి |

యత్ పార్వతి స్వపతినా సహ భోక్తుకామా
ప్రీత్యా సహస్రహరినామసమం జజాప || 5||

యః శ్లోకపంచకమిదం నియతం పఠేత్తు
ప్రాతః ప్రభాతసమయే పురుషః ప్రబుద్ధః |

శ్రీరామకింకరజనేషు స ఏవ ముఖ్యో
భూత్వా ప్రయాతి హరిలోకమనన్యలభ్యం || 6||

వాదిరాజయతి ప్రోక్తం పంచకం జానకీపతేః |

శ్రవణాత్ సర్వపాపఘ్నం పఠనాత్ మోక్షదాయకం || 7||

|| ఇతి శ్రీవాదిరాజతీర్థ విరచితం శ్రీరామపంచకం ||