atha śrīrāmapaṁcakam
prātaḥ smarāmi raghunāthapadāraviṁdaṁ
maṁdasmitaṁ madhurabhāṣaviśālaghālam |

karṇāvalaṁbicalakuṁḍalalolagaṁḍaṁ
karṇāṁtadīrghanayanaṁ nayanābhirāmam ||1||

prātarbhajāmi raghunāthakarāraviṁdaṁ
rakṣogaṇāya bhayadaṁ varadaṁ dvijebhyaḥ |

yadrājyasaṁsadi vibhajya maheśacāpaṁ
sītākaragrahaṇamaṁḍalamāpa sadyaḥ ||2||

prātarnamāmi raghunāthapadāraviṁdaṁ
vajrāṁkuśādiśubharekhadhvajāvahaṁ me |

yogīṁdramānasamadhuvratasevyamānaṁ
śāpāpahaṁ sapadi gautamadharmapatnyāḥ||3||

prātaḥ śraye śrutinutāṁ raghunāthakīrtiṁ
nīlāṁbudotpalasitetararatnanīlām |

āmuktavauktikavibhūṣaṇabhūṣaṇāḍyāṁ
dhyeyāṁ samastamunibhirjanamṛtyuhaṁtrīm ||4||

prātarvadāmi vacasā raghunāthanāma
vāgdoṣahāri sakalaṁ śamalaṁ nihaṁti |

yat pārvati svapatinā saha bhoktukāmā
prītyā sahasraharināmasamaṁ jajāpa ||5||

yaḥ ślokapaṁcakamidaṁ niyataṁ paṭhettu
prātaḥ prabhātasamaye puruṣaḥ prabuddhaḥ |

śrīrāmakiṁkarajaneṣu sa eva mukhyo
bhūtvā prayāti harilokamananyalabhyam ||6||

vādirājayati proktaṁ paṁcakaṁ jānakīpateḥ |

śravaṇāt sarvapāpaghnaṁ paṭhanāt mokṣadāyakam ||7||

|| iti śrīvādirājatīrtha viracitaṁ śrīrāmapaṁcakam ||