ஶ்ரீரகூ⁴த்தமகு³ருஸ்தோத்ரம்
க³ம்பீ⁴ராஶயகு³ம்ப⁴ஸம்ப்⁴ருʼதவச:ஸந்த³ர்ப⁴க³ர்போ⁴ல்லஸத்-
டீகாபா⁴வவிபோ³த⁴னாய ஜக³தாம்ʼ யஸ்யாவதாரோऽஜனி | 
தத்தாத்³ருʼக்ஷது³ரந்தஸந்தததப:ஸந்தானஸந்தோஷித-
ஶ்ரீகாந்தம்ʼ ஸுகு³ணம்ʼ ரகூ⁴த்தமகு³ரும்ʼ வந்தே³ பரம்ʼ தே³ஶிகம் || 1|| 
ஸச்சா²ஸ்த்ராமலபா⁴வபோ³த⁴கிரணை: ஸம்ʼவர்த⁴யன் மத்⁴வஸத்-
ஸித்³தா⁴ந்தாப்³தி⁴மனந்தஶிஷ்யகுமுத³வ்ராதம்ʼ விகாஸம்ʼ நயன் | 
உத்³பூ⁴தோ ரகு⁴வர்யதீர்த²ஜலதே⁴ஸ்தாபத்ரயம்ʼ த்ராஸயன் 
யஸ்தம்ʼ நௌமி ரகூ⁴த்தமாக்²யஶஶினம்ʼ ஶ்ரீவிஷ்ணுபாதா³ஶ்ரயம் || 2|| 
உத்³யன்மார்தண்ட³ஸங்காஶம்ʼ த³ண்ட³மாலாகமண்ட³லூன் | 
த⁴ரம்ʼ கௌபீனஸூத்ரம்ʼ ச ஸீதாராக⁴வமானஸம் || 3|| 
ஶ்ரீநிவாஸேன வந்த்³யாங்க்⁴ரிம்ʼ துலஸீதா³மபூ⁴ஷணம் | 
த்⁴யாயேத்³ரகூ⁴த்தமகு³ரும்ʼ ஸர்வஸௌக்²யப்ரத³ம்ʼ ந்ருʼணாம் || 4|| 
ரகூ⁴த்தமகு³ரும்ʼ நௌமி ஶாந்த்யாதி³கு³ணமண்டி³தம் | 
ரகூ⁴த்தமபத³த்³வந்த்³வகஞ்ஜப்⁴ருʼங்கா³யிதாந்தரம் || 5|| 
ரகூ⁴த்தமகு³ரும்ʼ வந்தே³ ரகூ⁴த்தமபதா³ர்சகம் | 
கா³ம்பீ⁴ர்யேணார்த²பா³ஹுல்யடீகாதாத்பர்யபோ³த⁴கம் || 6|| 
பா⁴வபோ³த⁴க்ருʼதம்ʼ நௌமி பா⁴வபா⁴விதபா⁴வுகம் | 
பா⁴வபா⁴ஜம்ʼ பா⁴வஜாதி³பரீபா⁴வபராயணம் || 7|| 
ஸன்ந்யாயவிவ்ருʼதேஷ்டீகாஶேஷஸம்பூர்ணகாரிணம் | 
டீகாம்ʼ த்³ருʼஷ்ட்வா பேடிகானாம்ʼ நிசயம்ʼ ச சகார ய: 
ப்ரமேயமணிமாலானாம்ʼ ஸ்தா²பனாய மஹாமதி: || 8|| 
யச்சி²ஷ்யஶிஷ்யஶிஷ்யாத்³யாஷ்டிப்பண்யாசார்யஸம்க்ஞிதா: | 
தமலம்ʼ பா⁴வபோ³தா⁴ர்யம்ʼ பூ⁴யோ பூ⁴யோ நமாம்யஹம் || 9|| 
ஶுகேன ஶாந்த்யாதி³ஷு வாங்மயேஷு வ்யாஸேன தை⁴ர்யேऽம்பு³தி⁴னோபமேயம் | 
மனோஜஜித்யாம்ʼ மனஸாம்ʼ ஹி பத்யா ரகூ⁴த்தமாக்²யம்ʼ ஸ்வகு³ரும்ʼ நமாமி || 
ராம ராம தவ பாத³பங்கஜம்ʼ சிந்தயாமி ப⁴வப³ந்த⁴முக்தயே | 
வந்தி³தம்ʼ ஸுரநரேந்த்³ரமௌலிபி⁴ர்த்⁴யாயதே மனஸி யோகி³பி⁴: ஸதா³ || 11|| 
பினாகிநீரஸஞ்ஜூஷ்டதே³ஶே வாஸமனோரமம் | 
பினாகிபூஜ்யஶ்ரீமத்⁴வஶாஸ்த்ரவார்தி⁴நிஶாகரம் || 12|| 
பஞ்சகைர்பா⁴வபோ³தா⁴க்²யைர்க்³ரந்தை²: பஞ்ச லஸன்முகை²: | 
தத்த்வவிக்ஞாபகை: ஸ்வானாமுபமேயம்ʼ பினாகினா || 13|| 
கா³ம்பீ⁴ர்யே ஸர்வது³ர்வாதி³கி³ரிபக்ஷவிதா³ரணே | 
விஷயேஷு விராகி³த்வே சோபமேயம்ʼ பினாகினா || 14|| 
த⁴ரணே ப⁴க³வன்மூர்தேர்ப⁴ரணே ப⁴க்தஸந்ததே: | 
வினா வினா சோபமேயம்ʼ மேயம்ʼ தத்த்வப்ரகாஶனே || 15|| 
கு³ருத்வேऽகி²லலோகானாம்ʼ ப்ரதா³னேऽபீ⁴ஷ்டஸந்ததே: | 
ஶிஷ்யேப்⁴யஸ்தத்த்வவிக்ஞானப்ரதா³னே பரமம்ʼ கு³ரும் || 16|| 
ஸதா³ரராமபாதா³ப்³ஜஸதா³ரதிஸுதா⁴கரம் | 
ஸதா³ऽரிபே⁴த³னே விஷ்ணுக³தா³ரிஸத்³ருʼஶம்ʼ ஸதா³ || 17|| 
ரகு⁴நாதா²ங்க்⁴ரிஸத்³ப⁴க்தௌ ரகு⁴நாதா²னுஜாயிதம் | 
ரகு⁴நாதா²ர்யபாண்யுத்த²ரகு⁴வர்யகரோதி³தம் || 18|| 
வேதே³ஶார்சிதபாதா³ப்³ஜம்ʼ வேதே³ஶாங்க்⁴ர்யப்³ஜபூஜகம் | 
ரகூ⁴த்தமகு³ரும்ʼ வந்தே³ ரகூ⁴த்தமபதா³ர்சகம் || 19|| 
ரகூ⁴த்தமகு³ருஸ்தோத்ரஸ்யாஷ்டகம்ʼ ய: படே²ந்நர: | 
ரகூ⁴த்தமப்ரஸாதா³ச்ச ஸ ஸர்வாபீ⁴ஷ்டபா⁴க்³ப⁴வேத் || 20|| 
யத்³வ்ருʼந்தா³வனபூர்வத: ப²லவதீ தா⁴த்ரீ ஜக³த்பாவனீ 
யாம்யாயாம்ʼ து பினாகினீ சலத³லோ மூர்தித்ரயாதி⁴ஷ்டி²த: | 
வாருண்யாம்ʼ தி³ஶி வாமத: ப்ரதிக்ருʼதௌ சா²யாக்ருʼதா திந்த்ரிணீ 
தத்³வ்ருʼந்தா³வனமத்⁴யகோ³ கு³ருவரோ பூ⁴யாத் ஸ ந: ஶ்ரேயஸே || 21|| 
ப்ரணமத்காமதே⁴னும்ʼ ச ப⁴ஜத்ஸுரதரூபமம் | 
ஶ்ரீபா⁴வபோ³த⁴க்ருʼத்பாத³சிந்தாமணிமுபாஸ்மஹே || 22|| 
|| இதி ஶ்ரீரகூ⁴த்தமகு³ருஸ்தோத்ரம் ||