|| atha shrIraghUttamagurustotram ||

gaMbhIrAshayaguMbhasaMbhRRitavacha:saMdarbhagarbhollasat-
TIkAbhAvavibodhanAya jagatAM yasyAvatAro.ajani |
tattAdRRikShaduraMtasaMtatatapa:saMtAnasaMtoShita-
shrIkAMtaM suguNaM raghUttamaguruM vaMde paraM deshikam ||1||

sachChAstrAmalabhAvabodhakiraNai: saMvardhayan madhvasat-
siddhAMtAbdhimanaMtashiShyakumudavrAtaM vikAsaM nayan |
udbhUto raghuvaryatIrthajaladhestApatrayaM trAsayan
yastaM naumi raghUttamAkhyashashinaM shrIviShNupAdAshrayam ||2||

udyanmArtaMDasaMkAshaM daMDamAlAkamaMDalUn |
dharaM kaupInasUtraM cha sItArAghavamAnasam ||3||

shrInivAsena vaMdyAMghriM tulasIdAmabhUShaNam |
dhyAyedraghUttamaguruM sarvasaukhyapradaM nRRiNAm ||4||

raghUttamaguruM naumi shAMtyAdiguNamaMDitam |
raghUttamapadadvaMdvakaMjabhRRiMgAyitAMtaram ||5||

raghUttamaguruM vaMde raghUttamapadArchakam |
gAMbhIryeNArthabAhulyaTIkAtAtparyabodhakam ||6||

bhAvabodhakRRitaM naumi bhAvabhAvitabhAvukam |
bhAvabhAjaM bhAvajAdiparIbhAvaparAyaNam ||7||

saMnyAyavivRRiteShTIkAsheShasaMpUrNakAriNam |
TIkAM dRRiShTvA peTikAnAM nichayaM cha chakAra ya:
prameyamaNimAlAnAM sthApanAya mahAmati: ||8||

yachChiShyashiShyashiShyAdyAShTippaNyAchAryasaMj~nitA: |
tamalaM bhAvabodhAryaM bhUyo bhUyo namAmyaham ||9||

shukena shAMtyAdiShu vA~NmayeShu vyAsena dhairyeM.abudhinopameyam |
manojajityAM manasAM hi patyA raghUttamAkhyaM svaguruM namAmi ||10||

rAma rAma tava pAdapaMkajaM chiMtayAmi bhavabaMdhamuktaye |
vaMditaM suranareMdramaulibhirdhyAyate manasi yogibhi: sadA ||11||

pinAkinIrasaMjuShTadeshe vAsamanoramam |
pinAkipUjyashrImadhvashAstravArdhinishAkaram ||12||

paMchakairbhAvabodhAkhyairgraMthai: paMcha lasanmukhai: |
tattvavij~nApakai: svAnAmupameyaM pinAkinA ||13||

gAMbhIrye sarvadurvAdigiripakShavidAraNe |
viShayeShu virAgitve chopameyaM pinAkinA ||14||

dharaNe bhagavanmUrterbharaNe bhaktasaMtate: |
vinA vinA chopameyaM meyaM tattvaprakAshane ||15||

gurutve.akhilalokAnAM pradAne.abhIShTasaMtate: |
shiShyebhyastattvavij~nAnapradAne paramaM gurum ||16||

sadArarAmapAdAbjasadAratisudhAkaram |
sadA.aribhedane viShNugadArisadRRishaM sadA ||17||

raghunAthAMghrisadbhaktau raghunAthAnujAyitam |
raghunAthAryapANyuttharaghuvaryakaroditam ||18||

vedeshArchitapAdAbjaM vedeshAMghryabjapUjakam |
raghUttamaguruM vaMde raghUttamapadArchakam ||19||

raghUttamagurustotrasyAShTakaM ya: paThennara: |
raghUttamaprasAdAchcha sa sarvAbhIShTabhAgbhavet ||20||

yadvRRiMdAvanapUrvata: phalavatI dhAtrI jagatpAvanI
yAmyAyAM tu pinAkinI chaladalo mUrtitrayAdhiShThita: |
vAruNyAM dishi vAmata: pratikRRitau ChAyAkRRitA tiMtriNI
tadvRRiMdAvanamadhyago guruvaro bhUyAt sa na: shreyase ||21||

praNamatkAmadhenuM cha bhajatsuratarUpamam |
shrIbhAvabodhakRRitpAdachiMtAmaNimupAsmahe ||22||

|| iti shrIraghUttamagurustotram ||