அத² ஶ்ரீரகூ⁴த்தமமங்க³லாஷ்டகம்ʼ
ஶ்ரீமத்³ய்வாஸஸுதீர்த²பூஜ்யசரணஶ்ரீபாத³ராட்ஸம்ʼஸ்துத-
ஶ்ரீமச்ச்²ரீரகு⁴நாத²தீர்த²யமிஸத்³த⁴ஸ்தோத³யாத் ஸத்³கு³ரோ꞉ |
தீ⁴ரஶ்ரீரகு⁴வர்யதீர்த²முனித꞉ ஸம்ப்ராப்ததுர்யாஶ்ரம꞉
யோகீ³ஶவ்ரதிராட் ரகூ⁴த்தமகு³ரு꞉ குர்யாத் ஸதா³ மங்க³லம்ʼ ||1||

ஶ்ரீமத்³ராமபதா³ப்³ஜப⁴க்திப⁴ரித꞉ ஶ்ரீவ்யாஸஸேவாரத꞉
ஸன்மான்யோருஸமீரவம்ʼஶவிலஸத்ஸத்கீர்திவிஸ்பா²ரக꞉ |
ப்ரீத்யர்த²ம்ʼ புருஷோத்தமஸ்ய ஸததம்ʼ ஶாஸ்த்ரார்த²சர்சாசண꞉
யோகீ³ஶவ்ரதிராட் ரகூ⁴த்தமகு³ரு꞉ குர்யாத் ஸதா³ மங்க³லம்ʼ ||2||

வாசம்ʼ வாசமனந்தபு³த்³தி⁴ஸுக்ருʼதம்ʼ ஶாஸ்த்ரம்ʼ ஸதா³ ஶுத்³தி⁴மான்
ஜாபம்ʼ ஜாபமமோக⁴மந்த்ரனிவஹம்ʼ ஸம்ப்ராப்தஸித்³த்⁴யஷ்டக꞉ |
த்⁴யாயம்ʼ த்⁴யாயமமேயமூர்திமமலாம்ʼ ஜாதாபரோக்ஷ꞉ ஸுதீ⁴꞉
யோகீ³ஶவ்ரதிராட் ரகூ⁴த்தமகு³ரு꞉ குர்யாத் ஸதா³ மங்க³லம்ʼ ||3||

யத்³வ்ருʼந்தா³வனஸேவயா ஸுவிபுலா வித்³யானவத்³யா ப⁴வேத்
யந்நாமக்³ரஹணேன பாபனிசயோ த³ஹ்யேத நிஶ்சப்ரசம்ʼ |
யந்நாமஸ்மரணேன கே²த³னிவஹாத் ஸங்க்ருʼஷ்யதே ஸஜ்ஜன꞉
யோகீ³ஶவ்ரதிராட் ரகூ⁴த்தமகு³ரு꞉ குர்யாத் ஸதா³ மங்க³லம்ʼ ||4||

தாரேஶாச்ச²பினாகினீஸுதடினீதீரே பினாகிஸ்துதே
த்³வாரே மோக்ஷநிகேதனஸ்ய வஸுதா⁴ஸாரே ஸுகா²ஸாரக்ருʼத் |
யோகீ³ட்³யோ மஹிமா ஹி யஸ்ய பரம꞉ பாரே கி³ராம்ʼ மாத்³ருʼஶாம்ʼ
யோகீ³ஶவ்ரதிராட் ரகூ⁴த்தமகு³ரு꞉ குர்யாத் ஸதா³ மங்க³லம்ʼ ||5||

பா³ல்யே(அ)த்⁴யாபகதோ(அ)வமானஸுமஹாஶல்யானுவித்³தா⁴ந்தர꞉
கல்யே ஸ்வப்னகு³ரூதி³தேன ஹி ஸுதா⁴துல்யேன ஸூர்யக்³ரணீ꞉ |
குல்யேன த்³விஜமண்ட³லேன மஹித꞉ ஸ்வல்பேதரேஷாம்ʼ ஸுதா⁴-
குல்யானந்த³கரோ ரகூ⁴த்தமகு³ரு꞉ குர்யாத் ஸதா³ மங்க³லம்ʼ ||6||

ஸூர்யாஶ்சர்யகரோபலப்³த⁴விப⁴வ꞉ ஸூர்யாதுலோருப்ரப⁴꞉
பூ⁴ர்யாசார்யஸுஸேவகேஷ்டப²லத³ஸ்துர்யாஶ்ரிதானுக்³ரஹ꞉ |
ஸ்வர்யாதாச்ச²யஶாஸ்தபோ(அ)தி⁴மஹிமைஶ்வர்யாலயோம்ʼஹோலய꞉
வர்யாசார்யகு³ரூ ரகூ⁴த்தமகு³ரு꞉ குர்யாத் ஸதா³ மங்க³லம்ʼ ||7||

வைராக்³யாதி³கு³ணாகரோ வனகரோ தா³னே ஸதோ³த்³யத்கரோ
பா⁴ஸ்வத்³ப⁴க்திசிது³த்கரோ ஜயகர꞉ ஶ்ரீஶாங்க்⁴ரிஸத்கிங்கர꞉ |
தோ³ஷாங்கூரமரு꞉ ஶ்ரிதாமரதருர்து³வாத³வ்ருʼக்ஷத்ஸரு꞉
மர்த்யாதீதகு³ரூ ரகூ⁴த்தமகு³ரு꞉ குர்யாத் ஸதா³ மங்க³லம்ʼ ||8||

ஸர்வஜ்ஞப்ரியஸஜ்ஜயார்யவிவ்ருʼதே꞉ பா⁴வாவபோ³தா⁴ம்ருʼதீ-
பா⁴வாட்⁴யா꞉ ஸுக்ருʼதீர்விதா⁴ய விஶயாபா⁴வாய ஸுஜ்ஞானினாம்ʼ |
ஸேவானம்ரஜனேஷ்டதா³னமஹஸா தே³வாவனீக்ஷ்மாருஹோ
வ்ரீடா³பாத³யிதா ரகூ⁴த்தமகு³ரு꞉ குர்யாத் ஸதா³ மங்க³லம்ʼ ||9||

ராமாராமயமீந்த்³ரவந்த்³யசரண꞉ ஸாமாதி³மானோரும꞉
ஆம்னாயாதி³ஸுகே³யமேயமஹிமாஶ்ரீமூலராமார்சக꞉ |
ஸீமா ஸத்கருணாரஸஸ்ய சரமா ஸோமாயமானோ முனி-
ஸ்தோமானாம்ʼ வ்ரதிராட் ரகூ⁴த்தமகு³ரு꞉ குர்யாத் ஸதா³ மங்க³லம்ʼ ||10

வேத³வ்யாஸோருயோகீ³ யது³பதிஸுகு³ருர்வந்த்³யவேதே³ஶபி⁴க்ஷு꞉
வித்³யாவத்³வர்யது⁴ர்யப்ரதி²தவிவரணக்³ரந்த²நிர்மாணவித்த꞉ |
வித்³யாதீ⁴ஶோ(அ)பி தத்³வத்³ பு³த⁴ஜனமணயோ யஸ்ய ஶிஷ்யா ப்ரஶிஷ்யா꞉
ஸோ(அ)யம்ʼ ஶ்ரீயோகி³ராஜோ ரகு⁴வரதனயோ மங்க³லான்யாதனோது ||

காஶீகாஞ்சீஸுமாயாஹிமகி³ரிமது⁴ராத்³வாரகாவேங்கடாத்³ரி-
ஶ்ரீரங்க³க்ஷேத்ரபூர்வத்ரிபு⁴வனவிலஸத்புண்யவ்ருʼந்தா³வனஸ்த²꞉ |
கு³ல்மாதி³வ்யாதி⁴ஹர்தா க்³ரஹஜனிதமஹாபீ⁴திவித்⁴வம்ʼஸகர்தா
பூ⁴தப்ரேதாதி³பே⁴தீ³ ரகு⁴வரதனயோ மங்க³லான்யாதனோது ||12||

மூடா⁴க்³ரணீ꞉ வேங்கடப⁴ட்டஸூத³꞉
ஸூர்யக்³ரக³ண்யோ(அ)ப⁴வதா³த்மவேதீ³ |
யஸ்ய ப்ரஸாதா³த் ஸ கு³ருப்ரப³ர்ஹோ
வித்³யாமபா³தா⁴ம்ʼ விபுலாம்ʼ ப்ரத³த்³யாத் ||13||

ந்யாயாம்ருʼதம்ʼ ந்யாயவசோவிஶேஷை꞉
ஸுஸாரபூ⁴தம்ʼ ஸுக⁴னத்வமாப்தம்ʼ |
ப்ரவாஹயாமாஸ தரங்கி³ணீமிஷாத்
ஸ வ்யாஸராமோ(அ)பி ததீ³யஶிஷ்ய꞉ ||14||

|| இதி ஶ்ரீரகூ⁴த்தமதீர்த²மங்க³லஸ்துதி꞉ ||