శ్రీరఘూత్తమమంగలాష్టకం
అథ శ్రీరఘూత్తమమంగలాష్టకం
శ్రీమద్య్వాససుతీర్థపూజ్యచరణశ్రీపాదరాట్సంస్తుత-
శ్రీమచ్ఛ్రీరఘునాథతీర్థయమిసద్ధస్తోదయాత్ సద్గురోః |
ధీరశ్రీరఘువర్యతీర్థమునితః సంప్రాప్తతుర్యాశ్రమః 
యోగీశవ్రతిరాట్ రఘూత్తమగురుః కుర్యాత్ సదా మంగలం 	||1||
శ్రీమద్రామపదాబ్జభక్తిభరితః శ్రీవ్యాససేవారతః 
సన్మాన్యోరుసమీరవంశవిలసత్సత్కీర్తివిస్ఫారకః |
ప్రీత్యర్థం పురుషోత్తమస్య సతతం శాస్త్రార్థచర్చాచణః 
యోగీశవ్రతిరాట్ రఘూత్తమగురుః కుర్యాత్ సదా మంగలం 	||2||
వాచం వాచమనంతబుద్ధిసుకృతం శాస్త్రం సదా శుద్ధిమాన్ 
జాపం జాపమమోఘమంత్రనివహం సంప్రాప్తసిద్ధ్యష్టకః |
ధ్యాయం ధ్యాయమమేయమూర్తిమమలాం జాతాపరోక్షః సుధీః 
యోగీశవ్రతిరాట్ రఘూత్తమగురుః కుర్యాత్ సదా మంగలం 	||3||
యద్వృందావనసేవయా సువిపులా విద్యానవద్యా భవేత్ 
యన్నామగ్రహణేన పాపనిచయో దహ్యేత నిశ్చప్రచం |
యన్నామస్మరణేన ఖేదనివహాత్ సంకృష్యతే సజ్జనః 
యోగీశవ్రతిరాట్ రఘూత్తమగురుః కుర్యాత్ సదా మంగలం 	||4||
తారేశాచ్ఛపినాకినీసుతటినీతీరే పినాకిస్తుతే 
ద్వారే మోక్షనికేతనస్య వసుధాసారే సుఖాసారకృత్ |
యోగీడ్యో మహిమా హి యస్య పరమః పారే గిరాం మాదృశాం 
యోగీశవ్రతిరాట్ రఘూత్తమగురుః కుర్యాత్ సదా మంగలం 	||5||
బాల్యేఽధ్యాపకతోఽవమానసుమహాశల్యానువిద్ధాంతరః 
కల్యే స్వప్నగురూదితేన హి సుధాతుల్యేన సూర్యగ్రణీః |
కుల్యేన ద్విజమండలేన మహితః స్వల్పేతరేషాం సుధా-
కుల్యానందకరో రఘూత్తమగురుః కుర్యాత్ సదా మంగలం	||6||
సూర్యాశ్చర్యకరోపలబ్ధవిభవః సూర్యాతులోరుప్రభః 
భూర్యాచార్యసుసేవకేష్టఫలదస్తుర్యాశ్రితానుగ్రహః |
స్వర్యాతాచ్ఛయశాస్తపోఽధిమహిమైశ్వర్యాలయోంహోలయః 
వర్యాచార్యగురూ రఘూత్తమగురుః కుర్యాత్ సదా మంగలం	||7||
వైరాగ్యాదిగుణాకరో వనకరో దానే సదోద్యత్కరో 
భాస్వద్భక్తిచిదుత్కరో జయకరః శ్రీశాంఘ్రిసత్కింకరః |
దోషాంకూరమరుః శ్రితామరతరుర్దువాదవృక్షత్సరుః 
మర్త్యాతీతగురూ రఘూత్తమగురుః కుర్యాత్ సదా మంగలం 	||8||
సర్వజ్ఞప్రియసజ్జయార్యవివృతేః భావావబోధామృతీ-
భావాఢ్యాః సుకృతీర్విధాయ విశయాభావాయ సుజ్ఞానినాం |
సేవానమ్రజనేష్టదానమహసా దేవావనీక్ష్మారుహో 
వ్రీడాపాదయితా రఘూత్తమగురుః కుర్యాత్ సదా మంగలం 	||9||
రామారామయమీంద్రవంద్యచరణః సామాదిమానోరుమః 
ఆమ్నాయాదిసుగేయమేయమహిమాశ్రీమూలరామార్చకః |
సీమా సత్కరుణారసస్య చరమా సోమాయమానో ముని- 
స్తోమానాం వ్రతిరాట్ రఘూత్తమగురుః కుర్యాత్ సదా మంగలం	||10
వేదవ్యాసోరుయోగీ యదుపతిసుగురుర్వంద్యవేదేశభిక్షుః
విద్యావద్వర్యధుర్యప్రథితవివరణగ్రంథనిర్మాణవిత్తః |
విద్యాధీశోఽపి తద్వద్ బుధజనమణయో యస్య శిష్యా ప్రశిష్యాః
సోఽయం శ్రీయోగిరాజో రఘువరతనయో మంగలాన్యాతనోతు ||
కాశీకాంచీసుమాయాహిమగిరిమధురాద్వారకావేంకటాద్రి-
శ్రీరంగక్షేత్రపూర్వత్రిభువనవిలసత్పుణ్యవృందావనస్థః |
గుల్మాదివ్యాధిహర్తా గ్రహజనితమహాభీతివిధ్వంసకర్తా 
భూతప్రేతాదిభేదీ రఘువరతనయో మంగలాన్యాతనోతు 	||12||
మూఢాగ్రణీః వేంకటభట్టసూదః 
సూర్యగ్రగణ్యోఽభవదాత్మవేదీ |
యస్య ప్రసాదాత్ స గురుప్రబర్హో 
విద్యామబాధాం విపులాం ప్రదద్యాత్ 	||13||
న్యాయామృతం న్యాయవచోవిశేషైః
సుసారభూతం సుఘనత్వమాప్తం |
ప్రవాహయామాస తరంగిణీమిషాత్
స వ్యాసరామోఽపి తదీయశిష్యః	||14||
|| ఇతి శ్రీరఘూత్తమతీర్థమంగలస్తుతిః ||