ஶ்ரீராக⁴வேந்த்³ரஸ்தோத்ரம்
ஶ்ரீபூர்ணபோ³த⁴கு³ருதீர்த²பயோப்³தி⁴பாரா 
 காமாரிமாக்ஷவிஷமாக்ஷஶிர:ஸ்ப்ருʼஶந்தீ | 
பூர்வோத்தராமிததரங்க³சரத்ஸுஹம்ʼஸா
 தே³வாலிஸேவிதபராங்க்⁴ரிபயோஜலக்³ன || 1|| 
ஜீவேஶபே⁴த³கு³ணபூர்திஜக³த்ஸுஸத்த்வ-
 நீசோச்சபா⁴வமுக²நக்ரக³ணை: ஸமேதா | 
து³ர்வாத்³யஜாபதிகி³லைர்கு³ருராக⁴வேந்த்³ர- 
 வாக்³தே³வதாஸரித³மும்ʼ விமலீகரோது || 2|| 
ஶ்ரீராக⁴வேந்த்³ர: ஸகலப்ரதா³தா ஸ்வபாத³கஞ்ஜத்³வயப⁴க்திமத்³ப்⁴ய: | 
அகா⁴த்³ரிஸம்பே⁴த³னத்³ருʼஷ்டிவஜ்ர: க்ஷமாஸுரேந்த்³ரோऽவது மாம்ʼ ஸதா³ऽயம் || 3|| 
ஶ்ரீராக⁴வேந்த்³ரோ ஹரிபாத³கஞ்ஜநிஷேவணால்லப்³த⁴ஸமஸ்தஸம்பத் | 
தே³வஸ்வபா⁴வோ தி³விஜத்³ருமோऽயமிஷ்டப்ரதோ³ மே ஸததம்ʼ ஸ பூ⁴யாத் || 4|| 
ப⁴வ்யஸ்வரூபோ ப⁴வது³:க²தூலஸங்கா⁴க்³னிசர்ய: ஸுக²தை⁴ர்யஶாலீ | 
ஸமஸ்தது³ஷ்டக்³ரஹநிக்³ரஹேஶோ து³ரத்யயோபப்லவஸிந்து⁴ஸேது: || 5|| 
நிரஸ்ததோ³ஷோ நிரவத்³யவேஷ: ப்ரத்யர்தி²மூகத்வநிதா³னபா⁴ஷ: | 
வித்³வத்பரிக்ஞேயமஹாவிஶேஷோ வாக்³வைக²ரீநிர்ஜிதப⁴வ்யஶேஷ: || 6|| 
ஸந்தானஸம்பத்பரிஶுத்³த⁴ப⁴க்திவிக்ஞானவாக்³தே³ஹஸுபாடவாதீ³ன் | 
த³த்வா ஶரீரோத்த²ஸமஸ்ததோ³ஷான் ஹத்வா ஸ நோऽவ்யாத்³கு³ருராக⁴வேந்த்³ர:|| 7|| 
யத்பாதோ³த³கஸஞ்சய: ஸுரநதீ³முக்²யாபகா³ஸாதி³தா- 
ஸங்க்²யானுத்தமபுண்யஸங்க⁴விலஸத்ப்ரக்²யாதபுண்யாவஹ: |  
து³ஸ்தாபத்ரயநாஶனோ பு⁴வி மஹாவந்த்⁴யாஸுபுத்ரப்ரதோ³ 
வ்யங்க³ஸ்வங்க³ஸம்ருʼத்³தி⁴தோ³ க்³ரஹமஹாபாபாபஹஸ்தம்ʼ ஶ்ரயே || 8|| 
யத்பாத³கஞ்ஜரஜஸா பரிபூ⁴ஷிதாங்கா³ யத்பாத³பத்³மமது⁴பாயிதமானஸா யே | 
யத்பாத³பத்³மபரிகீர்தனஜீர்ணவாசஸ்தத்³த³ர்ஶனம்ʼ து³ரிதகானனதா³வபூ⁴தம் || 
ஸர்வதந்த்ரஸ்வதந்த்ரோऽஸௌ ஶ்ரீமத்⁴வமதவர்த⁴ன: | 
விஜயீந்த்³ரகராப்³ஜோத்த²ஸுதீ⁴ந்த்³ரவரபுத்ரக: || 10|| 
ஶ்ரீராக⁴வேந்த்³ரோ யதிராட்³ கு³ருர்மே ஸ்யாத்³ ப⁴யாபஹ: | 
க்ஞானப⁴க்திஸுபுத்ராயுர்யஶ:ஶ்ரீபுண்யவர்த⁴ன: || 11|| 
ப்ரதிவாதி³ஜயஸ்வாந்தபே⁴த³சிஹ்னாத³ரோ கு³ரு: | 
ஸர்வவித்³யாப்ரவீணோऽன்யோ ராக⁴வேந்த்³ரான்ந வித்³யதே || 12|| 
அபரோக்ஷீக்ருʼதஶ்ரீஶ: ஸமுபேக்ஷிதபா⁴வஜ: | 
அபேக்ஷிதப்ரதா³தாऽன்யோ ராக⁴வேந்த்³ரான்ந வித்³யதே || 13|| 
த³யாதா³க்ஷிண்யவைராக்³யவாக்பாடவமுகா²ங்கித: | 
ஶாபானுக்³ரஹஶக்தோऽன்யோ ராக⁴வேந்த்³ரான்ந வித்³யதே || 14|| 
அக்ஞானவிஸ்ம்ருʼதிப்⁴ராந்திஸம்ʼஶயாபஸ்ம்ருʼதிக்ஷயா: | 
தந்த்³ராகம்பவச:கௌண்ட்²யமுகா² யே சேந்த்³ரியோத்³ப⁴வா: || 15|| 
தோ³ஷாஸ்தே நாஶமாயாந்தி ராக⁴வேந்த்³ரப்ரஸாத³த: | 
"ஶ்ரீராக⁴வேந்த்³ராய நம:॒ இத்யஷ்டாக்ஷரமந்த்ரத: || 16|| 
ஜபிதாத்³பா⁴விதான்நித்யமிஷ்டார்தா²: ஸ்யுர்ந ஸம்ʼஶய: | 
ஹந்து ந: காயஜான் தோ³ஷானாத்மாத்மீயஸமுத்³ப⁴வான் || 17|| 
ஸர்வானபி புமர்தா²ம்ʼஶ்ச த³தா³து கு³ருராத்மவித் | 
இதி காலத்ரயே நித்யம்ʼ ப்ரார்த²னாம்ʼ ய: கரோதி ஸ: || 18|| 
இஹாமுத்ராப்தஸர்வேஷ்டோ மோத³தே நாத்ர ஸம்ʼஶய: | 
அக³ம்யமஹிமா லோகே ராக⁴வேந்த்³ரோ மஹாயஶா: || 19|| 
ஶ்ரீமத்⁴வமதது³க்³தா⁴ப்³தி⁴சந்த்³ரோऽவது ஸதா³ऽநக⁴: | 
ஸர்வயாத்ராப²லாவாப்த்யை யதா²ஶக்தி ப்ரத³க்ஷிணம் || 20|| 
கரோமி தவ ஸித்³த⁴ஸ்ய வ்ருʼந்தா³வனக³தம்ʼ ஜலம் | 
ஶிரஸா தா⁴ரயாம்யத்³ய ஸர்வதீர்த²ப²லாப்தயே || 21|| 
ஸர்வாபீ⁴ஷ்டார்த²ஸித்³த்⁴யர்த²ம்ʼ நமஸ்காரம்ʼ கரோம்யஹம் | 
தவ ஸங்கீர்தனம்ʼ வேத³ஶாஸ்த்ரார்த²க்ஞானஸித்³த⁴யே || 22|| 
ஸம்ʼஸாரேऽக்ஷயஸாக³ரே ப்ரக்ருʼதிதோऽகா³தே⁴ ஸதா³ து³ஸ்தரே
 ஸர்வாவத்³யஜலக்³ரஹைரனுபமை: காமாதி³ப⁴ங்கா³குலே | 
நானாவிப்⁴ரமது³ர்ப்⁴ரமேऽமிதப⁴யஸ்தோமாதி³பே²னோத்கடே 
 து³:கோ²த்க்ருʼஷ்டவிஷே ஸமுத்³த⁴ர கு³ரோ மா மக்³னரூபம்ʼ ஸதா³ || 23|| 
ராக⁴வேந்த்³ரகு³ருஸ்தோத்ரம்ʼ ய: படே²த்³ப⁴க்திபூர்வகம் | 
தஸ்ய குஷ்டா²தி³ரோகா³ணாம்ʼ நிவ்ருʼத்திஸ்த்வரயா ப⁴வேத் || 24|| 
அந்தோ⁴ऽபி தி³வ்யத்³ருʼஷ்டி: ஸ்யாதே³ட³மூகோऽபி வாக்பதி: | 
பூர்ணாயு: பூர்ணஸம்பத்தி: ஸ்தோத்ரஸ்யாஸ்ய ஜபாத்³ப⁴வேத் || 25|| 
ய: பிபே³ஜ்ஜலமேதேன ஸ்தோத்ரேணைவாபி⁴மந்த்ரிதம் | 
தஸ்ய குக்ஷிக³தா தோ³ஷா: ஸர்வே நஶ்யந்தி தத்க்ஷணாத் || 26|| 
யத்³வ்ருʼந்தா³வனமாஸாத்³ய பங்கு³: க²ஞ்ஜோऽபி வா ஜன: | 
ஸ்தோத்ரேணானேன ய: குர்யாத் ப்ரத³க்ஷிணநமஸ்க்ருʼதீ: || 27|| 
ஸ ஜங்கா⁴லோ ப⁴வேதே³வ கு³ருராஜப்ரஸாத³த: | 
ஸோமஸூர்யோபராகே³ ச புஷ்யார்காதி³ஸமாக³மே || 28|| 
யோऽநுத்தமமித³ம்ʼ ஸ்தோத்ரமஷ்டோத்தரஶதம்ʼ ஜபேத் | 
பூ⁴தப்ரேதபிஶாசாதி³பீடா³ தஸ்ய ந ஜாயதே || 29|| 
ஏதத் ஸ்தோத்ரம்ʼ ஸமுச்சார்ய கு³ரோர்வ்ருʼந்தா³வனாந்திகே | 
தீ³பஸம்ʼயோஜனாத் க்ஞானம்ʼ புத்ரலாபோ⁴ ப⁴வேத்³ த்⁴ருவம் || 30|| 
பரவாதி³ஜயோ தி³வ்யக்ஞானப⁴க்த்யாதி³வர்த⁴னம் | 
ஸர்வாபீ⁴ஷ்டப்ரவ்ருʼத்³தி⁴: ஸ்யாந்நாத்ர கார்யா விசாரணா || 31|| 
ராஜசோரமஹாவ்யாக்⁴ரஸர்பநக்ராதி³பீட³னம் | 
ந ஜாயதேऽஸ்ய ஸ்தோத்ரஸ்ய ப்ரபா⁴வான்னாத்ர ஸம்ʼஶய: || 32|| 
யோ ப⁴க்த்யா கு³ருராக⁴வேந்த்³ரசரணத்³வந்த்³வம்ʼ ஸ்மரன் ய: படே²த் 
ஸ்தோத்ரம்ʼ தி³வ்யமித³ம்ʼ ஸதா³ ந ஹி ப⁴வேத் தஸ்யாஸுக²ம்ʼ கிஞ்சன | 
கிந்த்விஷ்டார்த²ஸம்ருʼத்³தி⁴ரேவ கமலாநாத²ப்ரஸாதோ³த³யாத் 
கீர்திர்தி³க்³விதி³தா விபூ⁴திரதுலா"ஸாக்ஷீ ஹயாஸ்யோऽத்ர ஹி॒ || 33|| 
இதி ஶ்ரீராக⁴வேந்த்³ரார்யகு³ருராஜப்ரஸாத³த: | 
க்ருʼதம்ʼ ஸ்தோத்ரமித³ம்ʼ புண்யம்ʼ ஶ்ரீமத்³பி⁴ர்ஹ்யப்பணாபி⁴தை⁴: || 34|| 
பூஜ்யாய ராக⁴வேந்த்³ராய ஸத்யத⁴ர்மரதாய ச | 
ப⁴ஜதாம்ʼ கல்பவ்ருʼக்ஷாய நமதாம்ʼ காமதே⁴னவே || 35|| 
து³ர்வாதி³த்⁴வாந்தரவயே வைஷ்ணவேந்தீ³வரேந்த³வே | 
ஶ்ரீராக⁴வேந்த்³ரகு³ரவே நமோऽத்யந்தத³யாலவே || 36|| 
|| இதி ஶ்ரீமத³ப்பணாசார்யவிரசிதம்ʼ ஶ்ரீராக⁴வேந்த்³ரஸ்தோத்ரம் ||